الموضوع: معرض أخبار اليوم

المشاركة الأصلية كتبت بواسطة hazem_khidr

ليه؟؟؟؟

الجراند بونتو عربيه جميله جدا و انا بالنسبالي احسن من اللانسر علي الاقل لسه جديده و حتركبها 7 سنين علي ما ينزل شكل تاني منها و قطع غيارها اكيد حتتوفر و غير كده الفيات مالها علي الاقل ماركه اوربي و بقالها بتنتج عربيات من قبل اي شركه ياباني(انا معايا ياباني بس بفضل الاوربي) و عربيه ممتازه و اوربا كلها بتعشقها و علي الاقل احسن من الابيزا في الشكل و الامكانيات و طالما عليها كلمه فيات يعني عربيه بتعيش و يفضل شكلها حلو و مهما اتبهدلت بترجع لوضعها تاني(محدش سمع عن 128 و 131 و 132 و 1100 و 1300)!!!!!!!و لسه ماشيه لحد انهارده و في عربيات بقالها اكتر من 40 سنه ماشيه و لسه شغاله نصيحه البونتو حلوه و معقوله عيبها سعرها عالي شويه بس متميزه و جميله

ليا تحفظ يا سيد حازم وهيا ان هذه السيارة عفشتها من اسوء العفشات التى صنعتها فيات فى التاريخ وربما هيا جيدة بالنسبة لاوروبا رغم انى اعرف ان الايطاليون يكرهونها جدا نظرا لانها سيارة غير معمرة .

حقيقة انا لست من القاهرة وللاسف لا اعرف ولكن حضرتك ممكن تشوفى جايز تنزل فى معرض اوتوماك وعموما السيريون برضة مش وحشة ويمكن شكلها جديد عن الافيو ولاحظى ان الافيو واطية لدرجة انها كانت مع صديق ليا وخبطت فى غطاء بلاعة عالى شوية .

أولاً مرحباً بيكى فى المنتدى يا باشمهندسة و ثانياً لو بتفكرى فى هاتشباك بأرشحلك السيريون الفول أوبشون بصراحة سيارة ملهاش حل و يابانى و توكيل قوى جداً سمعته فى الخليج زى الدهب و بالنسبة لقطع الغيار متقلقيش منها لأنك باذن الله مش حتحتاجى أى قطع غيار قبل 3 أو 4 سنين على الأقل و بالنسبة للفوانيس و المرايات و القطع اللى ممكن تتغير بسبب الخبطات لا قدر الله فأسعارهم مش غالية للدرجة دى ... بل ممكن تكون تكون ألرخص من الجراند بونتو ...

انما الجراند بونتو مش منتشرة خالص و التوكيل لسة جديد و بيجرب نفسه فى السوق و الدايو جولييت مفيش منها جديد و كذلك الأوبترا الهاتشباك مفيش منها موديل 2007 ... كدة فاضل الهيونداى جيتز ... سعرها مبالغ فيه جداً و مش أحلى من السيريون و فى البولو سعرها أعلى من المبلغ اللى محدداه ... فعشان كدة أنا شايف ان السيريون أنسب حاجة و عربية شكلها قمة فى الشياكة.