كيف تبدو لك صفحات المنتدى؟

**itsonlyme** · 13-10-2009 12:57 AM

المشاركة الأصلية كتبت بواسطة shnory

هو حضرتك عمال تغلطني ليه مع اني مغلطتش فيك
انت قولت وجهه نظرك وانا بقول وجهه نظري
وعموما مفيش ابواب هنا ولا جمال ولا احنا قاعدين في بيوت بعض

طالما حضرتك شايف اني بغلطك، يبقى أنا جايز أكون أسأت فهمك.

عموماً المكان يساع من الحبايب ألف. خمسين ألف كمان ما شاء الله.

**PRO-DRIVE** · 13-10-2009 01:01 AM

مع اني مش حقول الموضوع بس هو لمستخدمين فايرفوكس !

بس هي مفيده جداا في مواقع كتير علي الانترنت للاسف بيطلع فيها اعلانات اباحيه و حاجات كدا ! فا حاجب الاعلانات دا مفيد من الناحيه دي !

بعدين كليكايه كل يومين تلاته علي جوجل ads :)

**Karim_Monir** · 13-10-2009 01:12 AM

المشاركة الأصلية كتبت بواسطة itsonlyme

عشان اثير موضوع الاعلانات وحجب الاعلانات.

البعض يرى ان حجب الاعلانات عمل غير أخلاقي باعتبار انك بتحصل على المحتوى دون أن تكون مصدر دخل (ولو حتى محتمل) للموقع.

والبعض يرى ان الاعلانات مشتته للانتباه و مزعجة و مضيعة للمساحة و لسعة التحميل الخاصة بالمستخدم.

أنا شخصياً حتى ولو لم أحجب الاعلانات فلن اضغط على وصلاتها أبداً فضلاً عن شراء أي منتج من المعلنين. يبقى اسيب الاعلانات ليه وأزعج نفسي رغم اني حتى مع فرض تركها لن ازورها؟

كنت عايز أعرف رأي القائمين على المنتدى (بأنفسهم وليس الشخصيات الاعتبارية للادارة) في الموضوع.

مع احترامي الشديد لكلامك ورايك
بس انت بتلوم على كلام شنوري انه حاد
ومابتلومش على نفسك انك (لـــــــن) تضغط على وصلاتها ابدا
وبعد كدة تقول وتزعج نفسك ليه باعلانات (لــــــن) تزورها

حتى وانت عارف كويس انه بيمثل مصدر دخل للمنتدى اللي انت بتستفيد منه يوميا ومعندكش استعداد انك تساهم بمساعدته
رغم اعلانك عن استعدادك بتبرع انت واثق ان ادارة المنتدى والحمد لله (لـــــــن) تقبله اطلاقا
مع احترامي للجميع منطق غريب لكل مستفيد ومش عايز يفيد

منطق غريب انكم تستفيدو فقط وتاخد المعلومة وتجري
بدون حتى ما تحاول تحافظ على استقرار المكان اللي بتستفيد منه
وتضمن له الاستمرار لكي يظل مفيد لكل ولغيرك
حضرتك عندك فكرة المنتدى بيكلفنا كام شهريا ؟
عندك فكرة عن افكار التطوير محتاجة كام للتنفيذ لكى يحافظ على مكانته اللي وصل اليها ؟
ولا نلجأ لتوكيلات سيارات سواء كانت محترمة او غير محترمة للحصول على اعلانات
مقابل التغاضي عن سلبياتهم تجاه العميل او اي مشاكل تظهر في سياراتهم ؟
ويفقد نايل موتورز واحدة من اهم صفاتة اللي بتميزة والحمد لله ...
المصداقية والحرص على مصلحة الاعضاء قبل اي شيء
طب منين بتطالبونا بمصداقية وشفافية ومانحتاجش للتوكيل يعمل اعلان
ومنين مش عايز حتى بضغطة على زر ماوس ممكن تكون سبب في دخل للمنتدي (ومضايقك شكله)؟
وممكن قوي ما تتحسبش الضغطة دي في اعلانات جوجل عشان اسباب كتير جدا يطول شرحها وبيسموها (ضغطات زائفة)
ما تظنش اني محتد او منفعل
لاء فقط انا مستغرب من منطق (يأخد ولا يعطى) وتطالبون المنتدى بشفافية ومصداقية ولا تحاولون مساعدتة للاستمرا وليس التطوير حتى
{ أَتَأْمُرُونَ النَّاسَ بِالْبِرِّ وَتَنسَوْنَ أَنفُسَكُمْ }
أخيرا وليس اخرا المنتدى مفتوح لحضرتك ولكل الاعضاء
لكنى اسئلك مراجعة نفسك (ليس من اجل منتدانا فهو مستمر ان شاء الله بضغطاتك او بدونها والحمد لله)
ولكن من اجل مبدأ (يأخذ ولا يعطي)
والذي بسببه انهارات مواقع اقل ما يقال عنها انها عملاقة
بسبب عدم وعى بثقافة المعاونة على الاستمرار (مثل موقع اسلام اون لاين )
وغيره من المواقع اللي بتقدم خدمات ومعلومات بدون مقابل وقائمة على التطوع

واخيرا وليس اخرا لا ادري سبب لفتح الموضوع
هل انت متضايق من الاعلانات
ام انك بتحاول تساعد الاعضاء بالقضاء على الاعلانات
رغم اني لاغي فكر الاعلانات المنبثقة لما تسببه من ضيق للمستخدمين

ده رأيي بشخصى وليس صفتى بالمنتدى

**itsonlyme** · 13-10-2009 01:34 AM

المشاركة الأصلية كتبت بواسطة karim_monir

مع احترامي الشديد لكلامك ورايك
بس انت بتلوم على كلام شنوري انه حاد
ومابتلومش على نفسك انك (لـــــــن) تضغط على وصلاتها ابدا
وبعد كدة تقول وتزعج نفسك ليه باعلانات (لــــــن) تزورها

حتى وانت عارف كويس انه بيمثل مصدر دخل للمنتدى اللي انت بتستفيد منه يوميا ومعندكش استعداد انك تساهم بمساعدته
رغم اعلانك عن استعدادك بتبرع انت واثق ان ادارة المنتدى والحمد لله (لـــــــن) تقبله اطلاقا
مع احترامي للجميع منطق غريب لكل مستفيد ومش عايز يفيد

منطق غريب انكم تستفيدو فقط وتاخد المعلومة وتجري
بدون حتى ما تحاول تحافظ على استقرار المكان اللي بتستفيد منه
وتضمن له الاستمرار لكي يظل مفيد لكل ولغيرك
حضرتك عندك فكرة المنتدى بيكلفنا كام شهريا ؟
عندك فكرة عن افكار التطوير محتاجة كام للتنفيذ لكى يحافظ على مكانته اللي وصل اليها ؟
ولا نلجأ لتوكيلات سيارات سواء كانت محترمة او غير محترمة للحصول على اعلانات
مقابل التغاضي عن سلبياتهم تجاه العميل او اي مشاكل تظهر في سياراتهم ؟
ويفقد نايل موتورز واحدة من اهم صفاتة اللي بتميزة والحمد لله ...
المصداقية والحرص على مصلحة الاعضاء قبل اي شيء
طب منين بتطالبونا بمصداقية وشفافية ومانحتاجش للتوكيل يعمل اعلان
ومنين مش عايز حتى بضغطة على زر ماوس ممكن تكون سبب في دخل للمنتدي (ومضايقك شكله)؟
وممكن قوي ما تتحسبش الضغطة دي في اعلانات جوجل عشان اسباب كتير جدا يطول شرحها وبيسموها (ضغطات زائفة)
ما تظنش اني محتد او منفعل
لاء فقط انا مستغرب من منطق (يأخد ولا يعطى) وتطالبون المنتدى بشفافية ومصداقية ولا تحاولون مساعدتة للاستمرا وليس التطوير حتى
{ أَتَأْمُرُونَ النَّاسَ بِالْبِرِّ وَتَنسَوْنَ أَنفُسَكُمْ }
أخيرا وليس اخرا المنتدى مفتوح لحضرتك ولكل الاعضاء
لكنى اسئلك مراجعة نفسك (ليس من اجل منتدانا فهو مستمر ان شاء الله بضغطاتك او بدونها والحمد لله)
ولكن من اجل مبدأ (يأخذ ولا يعطي)
والذي بسببه انهارات مواقع اقل ما يقال عنها انها عملاقة
بسبب عدم وعى بثقافة المعاونة على الاستمرار (مثل موقع اسلام اون لاين )
وغيره من المواقع اللي بتقدم خدمات ومعلومات بدون مقابل وقائمة على التطوع

واخيرا وليس اخرا لا ادري سبب لفتح الموضوع
هل انت متضايق من الاعلانات
ام انك بتحاول تساعد الاعضاء بالقضاء على الاعلانات
رغم اني لاغي فكر الاعلانات المنبثقة لما تسببه من ضيق للمستخدمين

ده رأيي بشخصى وليس صفتى بالمنتدى

متشكر ابداء حضرتك لرأيك. وأنا شايف انك لم تكن محتد.

بس حضرتك ليه شايف اني من اصحاب منطق "الأخذ وعدم العطاء" رغم اني ابديت استعدادي للتبرع فور امكانية ذلك خصوصاً اني قرأت (على ما اتذكر) كلام حضرتك ان اعلان نايل موتورز كجمعية أهلية قريب.

حضرتك أخدت كلامي عن عدم الضغط على الاعلانات و ظني انكم لن تقبلوا بالتبرعات بالوضع الحالي ولم تأخذ كلامي عن استعدادي الصادق للتبرع (ولو بمبلغ بسيط).

حضرتك سألت عن سبب فتح الموضوع، السبب هو اثارة هذا النقاش في حد ذاته وسماع رأيكم.
وأديني سمعت رأي حضرتك وتفهمته. وحضرتك شايف ازاي أنا رفضت الافصاح عن كيفية حجب الاعلانات.

وبعدين أنا من الأول قلت ان الموضوع معضلة أخلاقية.

طيب رأي حضرتك ايه في تقبل التبرعات (من الأفراد وليس الشركات) والغاء الاعلانات.
هيئات كتير غير هادفة للربح بتتبع الاسلوب ده.

**SHNORY** · 13-10-2009 01:48 AM

المشاركة الأصلية كتبت بواسطة itsonlyme

متشكر ابداء حضرتك لرأيك. وأنا شايف انك لم تكن محتد.

بس حضرتك ليه شايف اني من اصحاب منطق "الأخذ وعدم العطاء" رغم اني ابديت استعدادي للتبرع فور امكانية ذلك خصوصاً اني قرأت (على ما اتذكر) كلام حضرتك ان اعلان نايل موتورز كجمعية أهلية قريب.

حضرتك أخدت كلامي عن عدم الضغط على الاعلانات و ظني انكم لن تقبلوا بالتبرعات بالوضع الحالي ولم تأخذ كلامي عن استعدادي الصادق للتبرع (ولو بمبلغ بسيط).

حضرتك سألت عن سبب فتح الموضوع، السبب هو اثارة هذا النقاش في حد ذاته وسماع رأيكم.
وأديني سمعت رأي حضرتك وتفهمته. وحضرتك شايف ازاي أنا رفضت الافصاح عن كيفية حجب الاعلانات.

وبعدين أنا من الأول قلت ان الموضوع معضلة أخلاقية.

طيب رأي حضرتك ايه في تقبل التبرعات (من الأفراد وليس الشركات) والغاء الاعلانات.
هيئات كتير غير هادفة للربح بتتبع الاسلوب ده.

بالنسبه لموضوع الاعلانات من وجهه نظري فهي مش مجرد وسيله للربح
بالعكس دي تعتبر نتيجه للنجاح
علشان الكيان بتاعي مشهور ومحترم فالناس بتحط اعلاناتها عندي
يعني بتدفع مبلغ ايا كان علشان تظهر وسط كياني
بالنسبه لموضوع التبرعات للجمعيه سواء اهليه او خيريه فدا بيكون لان نساط الجمعيه قايم علي المساعده الماديه لناس تانيين
يعني مش بنجبي علي اصحاب الجمعيه ونديلهم الايجار علشان هما حلوين ويوم ما نقلب عليهم نحرمهم من المصروف
كمان انا عن نفسي لو بدفع تبرع للمنتدي واتخانقت مع حد واتطردت من المنتدي حدخل اكتب بالبنط العريض انا قاعد هنا بفلوسي واللي طردني ييجي يعتذرلي قدام الناس
وعموما اللي عاوز يتبرع ففيه عندنا استيكر المنتدي
الاستيكر معمول لدعم المنتدي وعلشان الاعضاء تاخد بيه خدمات وخصومات اعلي من تمن الاستيكر بمراحل
فاللي عاوز يتبرع ممكن مثلا ياخد شويه استيكرات ويبقي ساعد المنتدي وفي نفس الوقت اخد افاده بخصومات التوكيلات او مراكز الخدمه المعلنه في قسم خدمات نايل موتورز للاعضاء
دا طبعا لو التبرع مش بشروط زي ان المنتدي ميحطش اعلانات
وطبعا انا عارف ان حضرتك كاتب الكلام ومستني رد كريم بس قولت ادخل اقول كلمتين علشان ازود مشاركاتي
ههههههههههههههههههههههههه هه

**Karim_Monir** · 13-10-2009 01:48 AM

للاسف عند قيام نايل موتورز تقبل تبرعات من اشخاص نعرفهم جيدا ورفضو تماما الاعلان عن اسمائهم لاحساسهم بالانتماء لهذا الكيان
وبعد فترة رفضنا تماما هذا المبدأ واستمر نايل موتورز بجهود مؤسسينه بدون اي معونة اخرى
ومبدأ التبرعات حتى بعد اشهار الجمعية مرفوض تماما من ادارة المنتدى لاسباب عديدة غير منوط بشرحها ومشكور على نيتك
اما عن رايي فيمنع الاعلانات فانا اوضحت ذلك بانه مساعدة بسيطة للمنتدى تعبر عن امتنانك لاستقابلك معلومات جيدة من اعضاءه وتعبيرا عن رغبتك باستمراره
مع العلم انه بامكانك السماح باعلانات مواقع معينة بالظهور
ومع العلم ايضا بعدم سخافة محتوى اعلانات موقعنا ولا كونها منبثقة مزعجة ولا كونها اباحية فكلنا ملتزمون بالدين والعرف والحمد لله
لذلك استغربت منطق الاخذ وعدم العطاء

**itsonlyme** · 13-10-2009 03:09 AM

المشاركة الأصلية كتبت بواسطة ba7ary

أستاذ itsonlyme
ليس كل ما يدور في ذهن المرء يحسن تكلمه به، فأنت قد تحمل رأيا ما فيما يتعلق بمسألة الإعلانات وهي مسألة تمس بقاء المنتدى وصلاحيته لاستخدام هذا العدد الضخم من الأعضاء وبالتالي فربما كان الأولى مناقشتها مع الإدارة بدلا من إثارتها على العام مما قد يسبب قدرا من البلبلة ويؤدي إلى مشاحنات لا داعي لها كالتالي امتصها شنوري ولم يتمادى فيها مع إن كلام حضرتك كان واضح إن فيه نوع من التحفز وربما كان غير مقصود أصلا
المسألة بسيطة حضرتك مش عاوز تدوس على الإعلانات ولا تشوفها فخلاص محدش حيجبرك على حاجة
لكن مفيش داعي لإثارة الموضوع للنقاش بهذه الطريقة حتى لا تدفع البعض إلى تأطير رأيك في أطر قد لا ترضيك وبالتالي تعاتبهم فيعاتبوك وهكذا تحدث الشحناء
وعاوز أقولك حاجة، أنا بادخل المنتدى بعدما فتح بحوالي شهر وبعد كده سجلت لما التسجيل أصبح إلزامي للاطلاع على المشاركات....حقيقي حقيقي من يومها وأنا كل ما أدخل المنتدى بابقى مكسوف إن مليش أي مساهمة مادية في استمرار المنتدى حتى أني ما اشتريتش الاستيكر لغاية دلوقتي
وبيزيد كسوفي إني حتى مش قادر أفيد الأعضاء قد كده في مواضيع السيارات اللي هو التخصص الأصلي للمنتدى
عموما حصل خير وأسأل الله أن يوفق الإخوة في الإدارة لما يحب ويرضى

بالمناسبة احجز لي استيكرين عندك يا شنوري حاخدهم منك قريب جدا إن شاء الله غالبا وأنا بارذل عليك في موضوع السمارا اللي صاحبي عاوز يشتريها

أنا آسف ان حضرتك شايف أني اثرت بلبلة ومشاحنات. والله مكنش ده قصدي. قصدي كان اثارة حديث عقلاني هادئ.
بالنسبة لنقاشي مع الأخ شنوري فأنا قرأت مشاركته على انها تحمل بعض الحدة و الاستهزاء بالأعضاء بل والتلميح لي بترك المنتدى. ولو راجعت ردودي على الأستاذ شنوري ستجدها كانت في اطار اللوم وليس الهجوم.

في النهاية أشكرك على لباقة حديثك وكلماتك المختارة بعناية.