الموضوع: ماتيجوا نضحك شوية,,,,,,,,,,,,,,,,,,,,,,

واحد كان قاعد في قهوة, شاف جنازتين ماشين ورا بعض وفيهم أكتر من 300 واحد ماشيين في طابور. وكان قدام الجنازتين واحد ماشي بالكلب بتاعه. فاستغرب و جاله الفضول انه يعرف ايه الموضوع.فراح للراجل وسأله: 'أنا عارف انه وقت عصيب عشانك, بس أنا ما شفتش جنازة بالعدد الرهيب ده, ممكن أعرف جنازة مين دي؟'فالراجل قاله:' أول تابوت فيه مراتي, كلبي هجم عليها و قتلها'فسأله: 'طب والتاني'فرد عليه: 'حماتي, كانت بتحاول تساعد مراتي, قام بردو الكلب بتاعي هجم عليها وقتلها'فسكت الراجل شوية وقام سأله: 'ممكن أستلف الكلب بتاعك؟'رد عليه وقاله: 'انضم للطابور

• ايه الفرق بين الاسبوع وموس الحلاقة والصحراء؟؟؟؟؟؟؟؟؟؟؟؟ الاسبوع فيه حد ، والموس فيه حدين ، والصحراء ما فيهاش حد

• هل تعرف من هو اوفي مخلوق؟ نملة مات زوجها الفيل وقعدت طول حياتها تدفن فيه

• زرافة و فيل وأسد وفأر وثعلب وارنب ماشيين في الغابة ، وقعوا كلهم في حفرةإلا الزرافة ،قالولها :جيبي لنا حبل. قالتلهم :ما فيش. قالولها :إحناجعانين عايزين ناكل .قالتلهم: ماعرفش أجيب لكم أكل. قالولها: والعمل؟ قالتلهم: كلوا أضعفكم ..... قام الفأر نط مفزوع وقال لهم : اللي حيقرب من الأسد حيعرف شغله

• واحد أحول راح يجيب أبوه من المطار باس الشنطة وشال أبوه

تايه بيسأل واحد ماشى فى الشارع اية اسرع طريق اروح بيه للمستشفى ؟؟ قالوة غمض عينك وعدى الشارع

• اتنين مساطيل حبوا يسرقوا عماره فقالوا لبعض احنا ناخد العمارة بعيد ونسرقها برحتنا ، فقلعوا الهدوم وقعدوا يزقوا فى العمارة يزقوا ، جه واحد من وراهم وسرق الهدوم ، فواحد منهم بص ورا ملقاش الهدوم فقال له كفاية كدةاحنا بعدنا اوى

واحد واقف على الكوبري بيقول ,36,36,36,36 راح واحد سأله ايه حكايةال36دي؟ قاله تعالى أوريك قام رماه من فوق الكوبري ..وقال 37,37,37,37

واحد ندل فتح مصنع بيبسي كتب على كل علبة : رج جيدا قبل الفتح

واحد بيقول لصاحبه ... الحق الثعبان دخل غرفة حماتك ... قاله: سيبه يستاهل

بلدينا ماسك قنبله وعمال يحدفها من الإيد دى للايد دى ، قابله واحد تانى قاله :يخرب بيتك ولما تنفجر فى وشك ، قاله : ماتخافش معايه غيرها

مسطول جاب ولد بعد سبع بنات راح سماه بدري

تلاته مساطيل قاعدين على القهوة بالليل و جامبيهم متحف جت عليهم كبسة فاستخبوا فى المتحف و وقفوا زى التماثيل راح الظابط لأول واحد و أداله على قفاهفقال آآآآآآي والثانى زيه راح عند الثالث اداله علي قفاه فقال تتنننننننن

مدرس كل مايقول للولد قول "دجاجة"، يقول "دداده"، فزهق المدرس، وقال قل لأبوك يجي بكرة، فجه الأب فقال له المدرس اللي حصل
فقال الأب : ماهو ده الليمدنني

المدرس ما معنى كلمة "سبيل"
الطالب:طريق
المعلم: ممتاز اذا ما معنى كلمة سلسبيل
الطالب:طرطريق

ميكانيكي فتح مصنع شيكولاتة سماه كالاكسى

حوار بين شخصين سمعهم خفيف
الأول : الاتوبيس ده بيروح مــصر الجديدة؟
الثاني : على الحديدة !!... ليه انت طالب احسان
الأول : بذرة الكتان !! لا ..دي تلاقيها عند العطار
الثاني : جزار!! اه ..قوللي كده .. عايز تشتري لحمة
الأول : معك حق.. الدنيا زحمة ..علشان ده ميعاد خروج الموظفين
الثاني : نور الدين !! لا والله .. ماعرفوهش
الأول : ما بتشربوش!! ليه ..كفا الله الشر
الثاني : رأس البر !!! ..ده مــصيف هادي
الأول .: عايز تركب للمعادي... دي منطقة جميلة
الثاني : بليلة !! انت شكلك كده جعان
الأول : عيان!!! أي والله .انت باين عليك عيان ..طيب ما تروح للدكتور
الثاني: الحنطور!! ده احسن من الأتوبيس ، وبيوصلني لحد الباب
الأول : هبــــاب !!! وانا اللي كنت فاكرك محترم
الثاني : اتخـرم !! هو مين ؟؟
الأول : عاوز اسـبرين ! ليه انت عندك صداع ؟
الثاني : قراع !!! ينهار اسود . ده مرض خطير
الأول : لا والله مش عايز. وبعدين مش بأحب الفطير. تقيل على المعدة وتمنه غالي
الثاني: خالي.. انت تعرف خالي ؟ ده راجل كبير في السن
الأول : الجن .. نهارك مش فايت ..انت عليك عفريت .!؟
الثاني : لا والله ..ممعاييش.. انت عايز الكبريت ليه . عايز تولع؟
الأول : أدلع ! أدلع عليك انت!؟ انت ما تملاش عنيا
الثاني :يقبضوا عليا !! ليه !؟
الأول : انت غريب يا راجل انت..شكلك شحات ، (يدفعه من القميص) روح اشتغل شغلة تاكل منها عيش
الثاني : خيش!! والله ده صوف انجليزي
الأول: بنتك زيزي!!! ربنا يخلي...
الثاني : أنتاج محلي .!!!! ده مستورد

يمر شاويش من بتوعنا ... يلفت انتباه الحوار، : بتعمل ايه يا جدع منك له!!!

الاتنين: ايوة يا شاويش ...احنا مستنين الأتوبيس
الشاويش :! نهاركم مش فايت .... جواسيس !!! قدامي على القسم

واحد قبل ما يموت جمع ولادة التلاتة وحب يوصيهم يفضلوا ايد واحدة واعطى لكبيرهم عود خشب كسره بسهولة اعطاه اثنين كسرهم بسهولة اعطاه خمسين عود كسرهم بسهولة قالهم طالما معاكم البغل ده مفيش خوف عليكم.


سألو واحد بخيل طحن: تعمل ايه لو الدنيا برد؟
قال:أروح جنب الدفاية
قالو: ولو الدنيا بردت أكتر؟
قال:أقرب من الدفايةقالو: ولو بردت أكتر؟
قال: ألزق في الدفاية.
قالو: طب ولو نزل تلج؟
قال: أشغل الدفاية بقى وأمري لله

مره اتنين مساطيل ركبوا اتوبيس بدورين واحد ركب فوق و التانىركب تحت فاللى فوق قال للى تحت انتوا ماشيين على سرعة كام قالوه على 80 وانتوا ماشيين على كام قالوه لا السواق لسه مجاش

مرة عيل صحي من النوم قال لابوه الصعيدىانا حلمت ان في شوكة دخلت في رجلي ابوه قاله أحسن عشان تحرم تنام حافي

واحد بيقول لصاحبه تيجى نركب اتوبيس؟؟قال له : يا عم لأ ، احنا نجرى جنب الاتوبيس ونوفّر النص جنيه .... فردوقال له طب منجرى جنب تاكسى ونوفّر خمسة جنيه.

مسطول بيقول لصاحبه نتقابل الجمعة ان عشنا وكان لنا عمر
قال له ولو ماعشناش
قال له يبقى نتقابل السبت

مسطول قاعد مع صحابه قال لهم مش أنا طلع لى أسد امبارح
قالوا له وعملت ايه
قال لهم رميته بكوباية مية فى ايدى
رد واحد تانى قال لهم صح
أنا قابلنى نفس الأسد باضربه بالقلم لقيت وشه مبلول

مسطول اتصل على المطافى قال لهم : يعنى احنا لو ما اتصلناش ما تسألوش علينا

مرة واحد مسطول قابل واحد قاله الساعة كام قاله خمسة وخمسة فرد عليه المسطول وقاله ما تقول عشرة وخلاص

اتنين مساطيل ماشين في الشارع واحد وقع في البلاعة التاني راح إستناه عند الحنفية

مسطول راح المحكمه القاضى بيسأله انت متجوز مين؟قاله متجوز واحده ست
القاضى:انت بتهرج هو فى حد بيتجوز واحد راجل
قاله أيوا أختى متجوزة راجل

واحد مسطول راكب طيارة خبط علي كتف المضيفة وسألها الحمام فين؟ قالتله الناحية التانية راح عالكتف التاني وسألها الحمام فين

مرة 3 أطفال راحوا محل لعب واحد بيقولللراجل: عمو عمو عايز بلونة. الراجل جاب السلم وطلع جاب له بلونة ونزلفسأل التاني: وانت عايز ايه؟ .قال له بلونة .. قال له ماقلتش ليه وانافوق!! المهم طلع جابهاله وهو فوق سأل الولد التالت: وانت كمان عايزبلونة؟؟؟ قال له لأ... فنزل الراجل وقال له : امال عايز ايه؟. قاله عايز بلونتين

واحد بخيل دخل على ولاده وقعد يزعق بصوت عالى علشان مشغلين المروحه على 3 وهما 2 بس

واحد غبى معدى على صوان وبيسأل هو فى ايه؟

فرد رجل وقال :ده اربعين واحد ميت
فقال الغبى: نهار اسود 40 واحد ماتوا مره واحده
فقال الرجل:لأ ده واحد من اربعين يوم
فقال الغبى : ينهار اسود ولسه بتدفنوه النهارده
فقال الرجل : لأ دول دفنوه من اربعين يوم
فقال الغبى : ياه ولسه قاعدين لحد النهارده

واحد مسطول دخل امتحان عربي ... جاتله في الورقه :
.............................................

أعرب الجمل الآتيه :

.............................................

1- ( سور الصين العظيم ) 2 - ( مرض جنون البقر )
.............................................



اخينا تنح شويه ... وبعدين راح قايل ....

اجابة البتاعه الأولانيه :- ( سور الصين العظيم )

سور: هو البتاع اللي بينط من فوقه الحرامي عشان يخش البيوت ويسرق
الصين: نوع من انواع الادوات المنزليه ... بس نوع مفتخر ... الطقم بيوصل ل 100 جنيه في العتبه
العظ: لما بيخش عليك حيوان بيعمل كده ... واشهر حيوان معروف بالحاجه دي ... هو الكلب
يم: تقريبا والله أعلم ... بحر او حاجه كده
يعني الجمله كلها معناها :------

لما ينط حرامي من فوق سور ... عشان يسرق طقم صيني .... الكلب هايعضه .. في البحر



اجابة البتاعه التانيه :- ( مرض جنون البقر )

مر: دي الحاجه اللي طعمها بيجيب مراره في الحلق .... ويخليك تفصل دماغك قوام
ض: تقريبا حاجه زياده ... شوية حبر في الورقه ولا حاجه ... مالهاش لازمه من الاعراب
جن: اللهم احفظنا من العفاريت والجن والحركات دي يارب ... احنا ناقصين مزاوله
ون : دي اصلا انجليزي ... ومعناها ( رقم واحد ) ... لغات انا برضه
ألب: دي جبال موجوده في بلاد بره ... وجبال عاليه قوي ... بتاع 200 كيلوجرام فوق سطح برج الجزيره
قر: ليها معنين حسب الجمله ذات نفسها

المعنى الأولاني : الحسد والقر والكلام ده .... ودي مش راكبه على الحوار بتاعنا
التاني : اختصار لكلمة ( قرنفل) ... على طريقه المعلم ( رضا) .... ---> انا باقص الكلا .... الكلام يعني
ودي راكبه في الحوار ده ...

يبقى معنى الجمله دى :------


المراره لما تجيلك .. هات جني ( نمبر وان ) .. عشان يطلع جبال الألب ... ويجيبلك قرنفلاي


,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,
,,,,,,,,,,,,,,,,,,,,,,,,,,,,,,,,,,,,,,,,
,,,,,,,,,,,,,,,,,,,,,,,,,,,,