الموضوع: أنا عملت حادثه جامده !!

المشاركة الأصلية كتبت بواسطة oshy

أنا قصدى بالسؤال مين غلطان قدام ربنا مش مين غلطان قدام نقيب شرطه جاى يحل الموضوع
الموضوع أكبر من انى أطلع نفسى برئ قدامهم المهم بينى و بين ربنا هروح فين من ربنا و بعدين من أتلف شئ فعليه اصلاحه إلا بقى لو اللى اتخبطت سامحك و ده اللى محصلش معايا بس الحمد لله عربيته اترشت امبارح و بقت أحسن من الأول و الموضوع كله اتكلف 350 جنيه ( 200 سمكره + 150 معجنه و دوكو و رش )
المصيبه بقى عربيتى انا ربنا يقومها بالسلامه

+100000

ثق ان ربنا ان شاء الله حيعوضك عن المصاريف و الغرامة دى فى حاجة تانية عاجلاً أو آجلاً ... "وَمَن يَتَّقِ اللَّهَ يَجْعَل لَّهُ مَخْرَجًا (2) وَيَرْزُقْهُ مِنْ حَيْثُ لَا يَحْتَسِبُ" --- سورة الطلاق

المشاركة الأصلية كتبت بواسطة wlng76

حمد لله على سلامتك و لا يهمك كل اللى ييجى فى الفلوس

كان أفضل ليك انك تعمل محضر فى القسم علشان تحمى نفسك من اى شئ, أو إنه يتبلى عليك, وبعدين بعد المحضر كل واحد كان هيروح لحاله, وكنت هتتعفى من انك تصلحها.
طبعا كتير هيقولوا ان دا حرام وليه الأذى دا, بس نصيحة وعن تجربة شخصية معايا ومع صديق, حصل الموقف دا وكنت المجنى عليه, وما أخدتش اى حاجة.
الأهم إن الموقف دا حصل بنفس الشكل اللى حصل معاك مع صديقى, وكان هو المجنى عليه, عربيته راكنة لا بيها ولا عليها, وجه واحد خبطها, وصديقى بيشتغل ظابط فى مكان مهم, وبالرغم من كده ماعرفش يعمل اى حاجة مع اللى خبطوه.
فما تفتكرش ان اللى انت خبطته كان ممكن يصلحلك عربيتك لو كان هو اللى غلطان.

و عقاب ربنا راح فينا ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟
و كدا كدا هايخد حقوا منك يوم القيامة يبقى يأخد حقه دلوقتي أهون و أرحم
أما يوم القيامة فستكون المصيبة أعظم

ربنا يعوض عليك يا أوشى
أعتقد إن ده إنذار لعدم الإهمال فى الكشف على الفرامل و باقى أجزاء العربية بصفة دورية و حتى لو ما كناش حاسين إن فيه حاجة مش مظبوطة فى العربية.
كمان تحذير بعدم الجرى و السرعة, خاصة داخل شوارع المدن التى لا تخلو من العوائق و المفاجأت عند كل ناصية و إشارة أو منحنى.
وربنا يحمينا جميعا من شر الطرق.

ما شاء الله كان وما لم يشأ لم يكن

حمد الله على السلامة

وإن شاء الله ربنا ييسر لك في تصليح الأرجنتا - أو يكرمك بأفضل منها - عشان نيتك الصادقة ديه

بس برضه بلاش الجري وربنا يسلم طريقنا كلنا