هيه الانسر ال 1300 الأتوماتيك ما بتجبش اعلى من 160 ؟؟؟؟؟؟
انا كنت مسافر وكان معايا اربعه كمان وكام هند باج وده كان اخرها
عرض للطباعة
هيه الانسر ال 1300 الأتوماتيك ما بتجبش اعلى من 160 ؟؟؟؟؟؟
انا كنت مسافر وكان معايا اربعه كمان وكام هند باج وده كان اخرها
بيقولو علشان تجيب أعلى من 160 لازم تحرق على العربية، يعنى تجيب سرعة أعلى بكتير على كل نقلة ، أو آر بى إم عالى على كل نقلة.
اخر المانيوال 170
اعتقد 160 كويس على الأوتوماتيك
لي سؤال
هي السرعات اللي أنت بتتلكموا عليها دي للتجربة و لا فعلا بتسافروا عليها ؟؟؟؟؟؟؟؟؟؟؟؟؟؟
علشان لو بتسافروا عليها فعلا و دي السرعة العادية بتاعتكم ........... يبقى بتنتحروا و بتهلكوا العربية بدري بدري
و العيب مش عليكوا ............ و لكن العيب على إدارة المرور اللي لا فيها ظبط و لا ربط و سايبة كل واحد يعمل اللي هو عايزه
و حسبي الله و نعم الوكيل
و محدش يزعل مني ........... لأن أنا مخنوق من الناس اللي بتجري و بعدين تموت ناس تانية على الطريق بسبب السرعات و تموت نفسها و اهلها و من معها في السيارة أيضا
و شكرا
أنا معاك فى كل حاجة قولتها يا tutankhamoun لان الناس دى بيهرجوا عايزيين يجيبوا ايه أكتر من 160 ؟؟
اولا أرد من وجهة النظر الميكانيكية يعني ارد على السؤال بشكل علمي واقول آخر سرعة في اللانسر هي كالتالي
1300 مانوال : 175 كلم/ساعة
1300 أوتوماتيك : 165 كلم / ساعة
1600 مانوال : 180 كلم / ساعة
1600 أوتوماتيك : 170 كلم / ساعة
وده حسب الكتالوج اللي موجود على الصفحة دي من موقع شركة مصرية
http://www.mitsubishi-motors.com.eg/...0GLX/spec.html
ثانيا من وجهة النظر الانسانية
انا مع (توت عنخ امون)يا جماعة حرام عليكم ازاي تمشي بالعربية على آخر سرعة انت مبتشوفش الحوادث اللي بتحصل كل يوم
ربنا يسترها مع الجميع
يا إخوان
مش دفاع عن السرعة، لكن أحيانا لو على طريق زى طريق القطامية وللا الساحل الشمالى والدنيا مفتوحة قدامك بيجيلك نفس تعرف آخر العربية كام كيلو متر فى الساعة، وطبعا لا يمكن حد يعرف أصلا يمشى بالسرعة دى لا على الزراعى ولا فى المحافظات، يعنى هدوا أعصابكم الراجل عايز يعرف قدرات السيارة فقط ودا من حقه وحقنا.
طاب انا عايز انتحر امشي على كام اكيد 160 :D
ولو معايا مراتي وطهقان منها يبقى مش اقل من 240 :shock:
ولو عايز اطق من البطء امشي 100 :(
انا حاسس اني غلطت في حد :| :| :| الحكايه كلها الطريق كان فااااااااااااااااااضي وكنت عايز اشوف اخر العربيه بس :twisted: :twisted: :twisted:
لا ياباشا عربيتك و حقك تجربها براحتك
بس الموضوع ان برضة الناس بتخاف على بعض
ربنا يستر طريقك
و بعدين معاهم حق طبعا
اية 160 دي
كتير قوي ياباشا
انا مثلا عمري مامشي على 160
بالكتير بالكتير 155 :D
:lol: :lol: :lol: :lol:اقتباس:
المشاركة الأصلية كتبت بواسطة Adham
فعلا يااخواننا انا شايف ان فيه ناس كتير في المنتدي بتتكلم علي سرعات عاليه جدا فوق ال 120
اعتقد ان في بلدنا دي محدش يضمن الطريق 100 متر قدامة يعني ممكن تلاقي حفرة , بلاعة او مطب وانته معدي الصبح مكانش موجود وفجاة وبقدرة قادر بعد الضهر الاسفلت طرح وطلع مطب .
ربنا يسترها معانا ومعاكم يا رب
Plus oneاقتباس:
المشاركة الأصلية كتبت بواسطة tutankhamoun
كلامك صح عمر ما السرعة نفعت بل بالعكس بتكون مصدر للانتحار والموت
أرجو مراجعة هذا الرابط
لعلها تكون موعظة لعدم السرعة بالسيارة
http://www.nilemotors.net/Forum/view...=110763#110763
فعلا يا أخ أبو حمزه حمد الله على السلامه وموضوعك ده خلاني أفكر كتير
بس انا كنت بجرب وبس :shock: بس توووووووووووووووووووووووو به
انا عارف انها بتبقى لحظه شيطان ...انا يا جماعه معايا لانسر خليجى 1300 و جبت بيها 180 على الطريق الزراعى ....انا اللى خلانى امشى على السرعه ديه ان الناس كلها كانت بتقول ان الانسر بعد 160 بتعوم بس العربيه بتاعتى اثبتت العكس العربيه على سراعتها ديه اكنى كنتى ماشى 80 كانت راسيه جدا ....وهى كانت تجربه و عدت على خير الحمد لله و اقسمت اانى مش حجربها تانى
انا و بفضل الله رايح جاي كل يوم على دائري المنيب ماشاء الله العربية مبتمشيش اقل من 180 و 190 و نفسي اجيب بيها 200 مش عارف .. الطريق مش مساعدني :D :D
بس مش عارف هو انا كدة بهلك ماتور العربية وللا عادي ؟ :roll:
انتا اكيد 1600 !!!!!اقتباس:
المشاركة الأصلية كتبت بواسطة roadmaster
بس الصراحه العربيه كويسه في المناورات وكده لغاية 140 بعد كده بجد صعب
اقتباس:
المشاركة الأصلية كتبت بواسطة roadmaster
بس انت اكيد كده ابطأ مني بقى اخر عربيتك 200 ومش عارف تجبها لأ لأ لأ اوعى تكلمني تاني
انت معاك عربية مش اي كلام لازم تقفل العداد انا بجيب بعربيتي التوب السبيد على طول لاسف عندي اخر حاجة
180 :cry: بس حاليا كويس انها باقت بتجيب 120 وبترقص وتعوم وتغرق كمان :D :D :D
اة نسيت عربيتي في توقيعي :-)
اه فعلا عربيتي 1600 مانيول .. هيا بتبقى راسية لغاية 160 لكن بعد كدة اي غرزة أو مطب هوا بحس اني حصلتلي عمليت انتقال زمني :D
انا عندي مش بنقل الجير قبل 5 rpm يا ترى الماتور بتاعي بيعيش اخر لحظاتوا ولا فاضلوا قد ابه كدة :D
لأ ما تقلقش بس بلاش 5 RPM لانها قليله جدا
خليك على 7 RPM وابقى جرب هتلاقي الماتور
بيصوت وممكن يلم عليك الناس :D :D :D
فعلا انا معايا لانسر 1300 لكن منول وخليجى انا جبت بيها 160كم لكن بتهيقلى كانت تجيب اكتر لكن هيا وصلت 160 وماتت :cry:
كنت راكب مع صاحبي معاه 1300 مانيوال 2007 جاب بيها 190 وشوية وكان يقدر يقفل ال 200 (طبعا شرط أساسي إن تسقط نقلات)لكن الحكاية كانت عايزة صبر والطريق مكانش ييسمح
وصاحبي التاني معاه كورلا 2005 1300 أتوماتيك جاب بيها 180 سرعة قصوى بس كانت متنحة جامد بعد 160
وبالنسبة لإخواني الأعضاء إلي بيقولوا إن السرعة خطر فسدقوني بتعتمد أولا على الطريئ نفسه وسانيا على مهارة السواء وإمكانيات عربيتو
يعني وأنا مروح من مارينا على طريئ وادي نطرون كنت ماشي 140 وحاسس بالزل وكانت بئيت العربيات الجمدة زي الإس كلاس والكايين وغيره مش أئل من 200 وأنا وائف أتفرج ونفسي أجري زيهم بس إمكانيات الشاهين-بنز متسمحش :cry:
مش ممكن - أزاى دة حتى لو سقط الفتيس كلة من العربية مش ممكن أبدا :!: :!: :!: :!:اقتباس:
1300 مانيوال 2007 جاب بيها 190
ممكن حضرتك تشرح لنا يعني ايه اسقط نقله
اقتباس:
(طبعا شرط أساسي إن تسقط نقلات)
يعني قصدتة بينزل من السرعة 5 على rmp 3 الى السرعة 4 على RPM 5
وده بيدى عزم اقوى لمحرك على ناقل اقل وبكده بيخلي العربية تسحب اسرع فاتجيب سرعة 200
على ناقلة 4 اسرع ما تجبها على ناقلة 5 بس انا عارف ان اللانسر 1300 اخيرها 180
مفيش حاجة أسمها مهارة السواق !!!!!!!!!!!!!اقتباس:
المشاركة الأصلية كتبت بواسطة شاهين - بنز
في حاجة أسمها السواقة ملهاش كبير
في حاجة أسمها الدول المحترمة اللي بيعمل فيها كدا بيفقد الرخصة و ممكن يدخل السجن
في حاجة أسمها إن لو كاوتش فرقع منك و أنت ماشي على 140 مش زي ما هايفرقع منك و أنت ماشي على 80 أو 90 أو حتى 100
في حاجة أسمها إن عربيتك بتبقى خارج نطاق التحكم القيادي و هي أعلى من 100
و ربنا لا يسامح المتسببين بالحوادث و اللي بيكابروا و ميعترفوش بالغلط
صاحبي بتاع ال190 الطريق كان منحدر قليلا وكان ماشي باتجاه الهواء والعربية كانت 2007 فده إلي ساعده في التوب سييداقتباس:
بس انا عارف ان اللانسر 1300 اخيرها 180
طيب أنا حسأل حضرتك سؤال هل سواقت الراجل زي سواقة الست طبعا أكيد لأاقتباس:
مفيش حاجة أسمها مهارة السواق !!!!!!!!!!!!!
في حاجة أسمها السواقة ملهاش كبير
في الدول المحترمة مش بيسجنو إلي بيمشو بسرعة بيسجنو المتبب الرئيس عندما تعمل حادثة وإنت ماشي على الشمالاقتباس:
في حاجة أسمها الدول المحترمة اللي بيعمل فيها كدا بيفقد الرخصة و ممكن يدخل السجن
حفهمك قصدي زي مثلا أما نكون ماشي على الشمال بليل (وفي الحارة دي طبعا مخصصة للعربيات إلي ماشية بسرعة ) وفجأة تلاقي واحد راكب مقطووة شي على 60 على الحارة الشمال وطافي النور ومفيش أي عاكس ولا واحدة ست ركنه عربيتها على الشمال وتدخل فيه يبقى ساعتها أكيد هو إللي غلطان
طبعا إلي ناوي يسحب جامد بالعربية مينفعش يمشي بكوتشات متهالكة وفي الآخر يحط السبب على السرعة لإن الكوتشه لو جديدة وتيوبلس مش حتفسي على طول حتاخد بالك قبلهااقتباس:
في حاجة أسمها إن لو كاوتش فرقع منك و أنت ماشي على 140 مش زي ما هايفرقع منك و أنت ماشي على 80 أو 90 أو حتى 100
سدئني لأ والله إللي متعود يمشي بسرعة بيبقى مسيطر على العربية جامد على أي سرعة ولو حصل أي موقف بيقدر يلحق نفسهاقتباس:
في حاجة أسمها إن عربيتك بتبقى خارج نطاق التحكم القيادي و هي أعلى من 100
أنا معاك حق 100% زي إلي بيمشوا بسرعة جنونية داخل المدينة وده غلط طبعا أما على الطرق السريعة فده عادياقتباس:
و ربنا لا يسامح المتسببين بالحوادث و اللي بيكابروا و ميعترفوش بالغلط
وبرضه :
المقطورات إلي بتمشي على الشمال لأ وبدون نور كمان
و الحريم إلي بتركن على الشمال
و الناس إلي بيعدو الشارع وفاكرين نفسهم بيتمشوا على الكورنيش
و سواقين المكروباصات إللي بيكسروا عليك
والناس إلي بتوقف أدام مرة وحدة وتلف من غير إشارة
يا اخي الكريم السرعه ليس فيها تعود ومش تعود لأن التحكم مش بيبقى في ايدك اصلااقتباس:
اقتباس:
في حاجة أسمها إن عربيتك بتبقى خارج نطاق التحكم القيادي و هي أعلى من 100
سدئني لأ والله إللي متعود يمشي بسرعة بيبقى مسيطر على العربية جامد على أي سرعة ولو حصل أي موقف بيقدر يلحق نفسه
أستاذ شاهين بنز
اللي أنت بتتكلم عليه هو أخلاق القيادة و أساسيتها
أما موضوع السرعة فهو شئ أخر
و بعدين أنت بتظلم الستات ليه ؟.؟؟؟؟؟؟؟؟؟ ما الكل بيسوق بنفس الطريقة
طيب و الله العظم أنا شوفت ناس كتير و رجالة راكنين على الدائري في الشمال و واقفين بيشربوا سجاير كمان
و الستات هنا زي الرجالة
الستات بتسوق بغشامة
و الرجال بتسوق بفهلوة و بالعافية و بالغرز و الاستعباط
من الأخر الموضوع صلطة ......... و صالصا ( الأغنية الأيطالية الشهيرة )
+100000000000000اقتباس:
المشاركة الأصلية كتبت بواسطة أبو عبدالله
أتفق تماما معك أستاذ أبو عبدالله ......... الواحد بيبقى على أربع عجلات هواء و الثبات و التحكم في العربية بيقل فعلا بعد 90 و بيزيد قلة الثبات بعد 100 مع أي عربية
^^^ طيب في المانيا في طرق فري رن
ولا دي مش دوله متقدمه :mrgreen:
حتي في اليابان في طرق فري رن
صح يا باشا ........ في طرق في ألمانيا مفتوحة السرعة و لا أختلف معك في ذلكاقتباس:
المشاركة الأصلية كتبت بواسطة PRO-DRIVE
بس تعالى ننظر للموضوع نظرة موضوعية
الطرق في ألمانيا من أفضل الطرق في العالم تصميما
الحارة واسعة وسع كافي لسيارة و نصف بالعرض و طبعا مبيلزوقش جنب بعض زي هنا
الحارة لك وحدك لا يجرؤ بني آدم أنه يتخطاك فيها
الطريق مصمم للسرعات العالية مثل طريق العين السخنة
الطريق لا يوجد به أي تقاطعات
و الأهم أنه ممنوع قيادة أي سيارة عليه ببطء و طبعا علشان حركة المرور و سلامتها
و أيضا الطرق لا تكون زحمة و عن تجربة شخصية .
إذن أنت عندك طريق مفتوح و الرسعة القانونية عليه هي لا شئ لأنها مفتوحة و ايضا نوعية المركبات كلها حديثة لا تزيد عن عمر من 4 إلى 6 سنوات عى الأكثر
الطرق هناك طبعا مفيهاش حفر و مطبات خفية تظهر لك فجأة عند القيادة يعني تمشي على أي طريق و أنت مطمن و حاطط في بطنك بطيخة صيفي
أما في مصر الموضوع مختلف
الطرق مختلفة ......... تصميمها غبي و أعتقد أن الذي صممها كان يا نايم يا سكران أو اللي نفذ التصميم هو اللي كان نايم لسكران .
طبعا الطرق في مصر مليانة عربيات قديمة و ماشية شمال و بطيئة و أيضا تريلات و اتوبيسات
و كمان السواقين هنا علشان تتفادى كل الكلام ده و تخالف السرعة القانونية للطريق يضطر يعمل غرز و دي طبعا في رأيي الشخصي أنها قلة أدب متناهية و عدم اهتمام بحياة الأخرين
طبعا هنا في مصر مفيش حاجة أسمها حارة مرورية ......... و لكن فيه سائقين يقلدون ماشية الثعبان في القيادة بتاعتهم
يبقة من دواعي السلامة الإلتزام بالسرعات القانونية
و لا أنا غلطان
:roll: :roll: :roll: :roll: :roll:
انا مش بدافع عن السرعه في مصر انا بدافع عن السرعه عموما بعقلانيه
لاني والله اخر واحد ممكن انه يجري داخل مدينه لاني من صغري تعودت ان فيه OCC نعمل فيه اللي احنا عاوزينه
يبقي ليه نجري و نضايق الناس لان دا اهمال
لكن علي طرق سفر اعتقد النسبه حتكون اقل
يعني السرعه في طريق سفر ممكن تكون مقبوله نوعا ما
لكن في المدينه وسط البلد او كدا و اماكن فيها ماره فدا غير مقبول
انا عارف كلامي ملخبط بس اتمني انك تكون فهمتني :oops:
+1اقتباس:
المقطورات إلي بتمشي على الشمال لأ وبدون نور كمان
و الناس إلي بيعدو الشارع وفاكرين نفسهم بيتمشوا على الكورنيش
و سواقين المكروباصات إللي بيكسروا عليك
والناس إلي بتوقف أدام مرة وحدة وتلف من غير إشارة
كدا أنت وضحت وجهة نظركاقتباس:
المشاركة الأصلية كتبت بواسطة PRO-DRIVE
أنا لست ضد السرعة و لكن القانونية يعني لما أكون على طريق 120 كم / س زي بتاع العين السخنة يبقى تمام
بس لما أكون على طريق أسكندرية مثلا و الطريق زحمة و ألاقي واحد ماشي جنبي على 160 مثلا و علشان يعديني يعمل غرزة قدامي ..... يبقى معلش ده قليل أدب
على العموم أنا دايما متابع المرايات و أي عربية شايفها جاية ورايا و عرفت أنه ناوي يعمل غرزة أروح دايس بنزين و قافل الفجوة اللي بيني و بين العربية اللي جنبي علشان أخينا بتاع الغرزة يروح في داهية بعيد عني و يعمل غرزته بعيد عني و عن عربيتي
و أنا فهمت قصدك ......... و شكرا مرة أخرى على حسن الحوار يا بر درايف
طيب لما تكون مسافر الفجر اسكندريه ومافيش عربيه لبعد كام كيلو .........
متجبش 140 و 160.....
ya gma3a kolna 3arfen en elswa2a mlhash kber we kman en elsor3a 7'atr bas law enta rakb 3rbya lancer 1600 at we lwa7dek we 3ayez tengez eltare2 momken beshola awy temsh 3ala 210 we e3lbrya ta7t reglk zay elfol bas ana kont megnut el3rbya 16 we a3taked 3lshan keda edtne sbat 7elw
لو فعلا الطريق خالي من السيارات ............. ماشي يا عم أجري زي ما أنت عايزاقتباس:
المشاركة الأصلية كتبت بواسطة 3mr Farrag
إنما يبقى الطريق مليان عربيات و تلاقي واحد عمال يجري يمين و شمال زي التعبان و عمال يأخد غرز ........... هو ده إللي مش مقبول على الاطلاق
و اعتقد إن حضرتك تتفق معي
و شكرا