الموضوع: تغيير الضفيرة بسلوك سبليت فاير

المشاركة الأصلية كتبت بواسطة Sameh

جرب تنور أنار العربية كلها والعربية دايرة سلانسيه ، استعمل كل حاجة كهربا فى العربية ، اقفل الزجاج وهو مقفول ! أو شغل المروحة بدون تكييف ، لو حسيت ببرجلة وان الأحمال بتسحب من بعضها والنور بيضعف مثلاً وانت بترفع الزجاج يبقا غالباً الأرضى مش قد كدة (أو الدينامو فى بعض الحالات بس مش عايزين نخرج برة الموضوع !!)

السؤال التانى المفروض أى كهربائى يبقا فاهم ، بس انا مرة كنت عند كهربائى فى مدينة نصر وشاف كيت تقوية الأرضى اللى راكب عندى ، وقف بتاع دقيقتين كدة حاسس إنه فتح باب شقة غلط وبعدين سألنى رحت مفهمه راح البيه بصلى بصة إحتقار كدة وضحكة بسخرية ما معناه إيه الجهل اللى انتوا فيه ده ، ده على إعتبار انه كان فاهم أصلاً انا بقوله إيه !
المهم استنضفلك كهربائى وروحله لو نويت ، انا اعرف واحد معظم شغله تعديلات وزينون وتقويات ومش بيتعامل غير مع عربيات شباب تقريبا وهو شافها وفهم كل حاجة من غير ما اتكلم بالعكس طلب منى كيت لو عرفت اجيبله ، لو عايز تروحله هو فى الهرم ممكن اوصفلك فين

فين فالهرم؟؟؟؟؟

المشاركة الأصلية كتبت بواسطة sameh

فى شارع التعاون الى فيه البنك الأهلى ، بتدخل فى الشارع لغاية آخره (قبل السوق) بعدين تمشى فى الشارع الشمال كأنك رايح على شارع العريش ، حوالى 150 متر هتلاقيه على اليمين اسمه جمعه ، ممكن تسأل عليه لأن المحل مش ظاهر من على الشارع ، هو فاتح جنب قهوة كدة ، قوله جايلك من طرف سامح سعيد بتاع النوبيرا و الإسبيرانزا وهو عموماً واد جدع مش لازم تقوله حاجة !

تمام عرفته
انا اساسا من المنطقه دى؟؟؟