اولا ابتدى باسمى ايات الله (بسم الله الرحمن الرحيم)
ادخل فى صلب الموضوع وارجوا انى اكون عامل الموضوع دا فى مكانه الصح
ورجائى التانى تفيدونى فيه بكل جديه
ادخل فى صلب الموضوع
انا من فتره وانا بمشى فى موضوع مشروع تجارى
وقررت وقرارى دا جاى بعد تفكير بس مش هيكتمل القرار الا برايكم وافادتكم ليا وطبعا مفيش احسن منكم تفيدونى فى الموضوع دا
انا هفتح محل قطع غيار سيارات للالمانى واليابانى سوا
انا هبتدى بنظام محل فيه كل قطع الغيار المطلوبه والقرشين الى معايا تقريبا يملو الارفف
انا معايا تقريبا 30 الف جنيه
وعشمى ان المبلغ يكون قريب
دا غير ان عامل حسابي بعيد عن ال30 الف فى تقريبا تمن ايجار المحل فى مكان محترم عندى فى البلد ( منيا القمح - محافظه الشرقيه) دا + تشطيبه
ولان الى اعرفه قليل برضه عن الموضوع دا وكده ففكرت فى انى اجيب ميكانيكي كويس يبقى عارف القطع المطلوبه ايه وكده ويبقى عنده خبره بالموضوع دا ولحد ما اتعلم منه كل شئ ( او فكرو معايا فى فكره تانيه تبقى ممتازه عن كده لو فيه |)
+ انى عامل حسابي ان كل اسبوع هنزل ازود بضاعه نقصانى او مطلوبه منى ( محتاج اماكن غير الحرفيين والتوفيقيه على سبيل المثال شركات لقطع الغيار الالمانى ويتعاملو معايا بعد كده لو بالاجل )
+ ياريت اعرف منكم اكتر القطع غيار المطلوبه غير الفلاتر وتيل الفرامل والسيور


وانا لسه على البر
بس اتمنا انى ادخل فى الموضوع دا بشكل سليم وصحى ومضمون لان انا فى دماغى افكار كتير جدا بس الى فضلتو عن المواضيع دى كلها هو المحل دا