الموضوع: للزملاء الاعزاء عايز رأيكم

انا معايا شهر ادرس فيه المشروع + مكان المشروع
وبالاضافه لكده ان انا معايا جارى وهو شغال فى قطع غيار العربيات النص نقل والاتوبيسات وهو وعدنى انه هيقف معايا وهيعرفنى على المستوردين وهيقف معايا لحد ما هو يلاقيني فهمت مش لحد ما اقوله انا كده تمام ( هيتبنانى ) لانه ناوى لما المحل بتاعى يكبر ويبقى ليا اسم في السوق انه هيدخل معايا فى محل اكبر انا وهو سوا وهنشتغل فى اكبر من كده قول بس يا مسهل )
وانا بالنسبالى قررت انى اشتغل فى الانواع دى ( الكورى: هيونداى وكيا ودايو - واليابانى : ميتسوبيشى , تيوتا,نيسان - شاهين - فيات )
وهبتدى بدايه متوسطه ( فلاتر وتيل الفرامل والفوانيس والسيور - المرايات - المساعدين - والحاجات الخفيفه ) والخطوه التانيه صاج واكصدامات ) والخطوه التالته ( جميع الاجزاء الفاضله من ديسك واسطوانات وهكذا )
ايه رايكم معايا فى الكلام دا ؟؟؟؟؟؟؟؟

نسيت اقول ان برضه الالمانى ليه جزء خاص بس ناوى يبقى بالطلب وانا اسبوعيا او نصف اسبوعيا هبقى فى الموضوع دا

ابعت لتامر و اسأله.. ممكن يفيدك جامد جدا في الموضوع ده ان شاء الله.. عشان هو كان هيفتح مشروع مشابه بس اعتقد كان مركز صيانة.. بس الفكرة لم تكتمل.. بس هو عنده علاقات و معارف ممكن تفيدك جدا في الموضوع ده ان شاء الله..

تامر يجي بس بالسلامه وان شاء الله اتكلم انا وهو ونشوف الموضوع هيرسى علي ايه برضه يمكن ليه افكار فى الموضوع دا
وبالنسبه للعربيات الى انا درستها هى فى الغالب العربيات دى هى الى موجوده بكتير جدا عندى هى الكورى واليابانى بذات اللانسر والهيونداى والدايو
دول هركز عليهم اكتر فى قطع غيارهم الى مطلوبه باستمرار + الحاجات التقيله
اما بالنسبه لليابانى هركز اكتر على المغزيات زي الفلاتر وتيل الفرامل
والباقى هيبقى بالطلب واكيد يعنى فيه محلات كتير عندى فى البلد وشغاله فى كل دا بس برضه يعنى انا مش داخل بنافس انا بفتح سوق للتجاره واكيد دى ارزاق ربنا
+ انى هحاول اركز على الصعب او الى مبيجيش فى محلات قطع الغيار كتير علشان يبقى متوفر
وهو اسمى بكمل الى مش موجود