صباح الفل على احلى ناس في احلى منتدى
انهاردة الحمد لله اجرائات التأمين على العربية خلصت و قلت انزل ارخص
كنت عملت ايه انا؟!
يوم الصبح نزلت روحت اشتريت النماذج بتاعت المرور و امنت التامين الاجباري و انا نازل الصبح و ماليتها في البيت
روحت النهاردة الساعة 1 ظهرا و ركنت العربية في مرور مدينة نصر لسة نازل من العربية لقيت بتاع البصمة صباح الفل يا باشا صباح الفل ارفع البصمة رفعها و كتبها على النموذج بتاعها و ختم
اخت الطفاية و طلعت على بفاريا اللي في المرور شافها و كتب عليها رينو لوجان و راح مالي النموذج بتاع الطفاية
رجعت الطفاية العربية لسة بقفل الشنطة اتكعبلت في المهندس كمل النموذج و قالي روح على الشبك خلص الاجرائات
روحت قدمتلو الورق و كان عاوز صورة البطاقة متنسوش تصوروها و دخل البيانات على العربية و قالي روح ادفع في الخزنة
ببص في الورقة لقيت ال3 سنين ب 781.80 جنيه و التأمين لما امنت الاجباري كان ال 3 سنين 212 جنيه و طبعا و انا بدفع في الخزنة طلعتلو ال 785 و مرجعش الباقي كالعادة بحجة الشاي بتاعنا يا باشا و رجعت تاني بالوصلين اللي اخدتهم للشباك اللي كنت لسة عليه و طلعت استنيت الرخصة طلعت راجعت على بيانات العربية و الاسم و التاريخ و رقم الشاسيه و الموتور و راجعتهم مع جواب المرور اللي كنت مصورو و طلعت كل حاجة تمام رحت استلم النمر و لما استلمتها كان في 2 واقفين علشان يعلقو النمر واحد معاه شنيور ضغير و التاني بمفك بس فاخترت ابو شنيور علشان ميبوظليش الاكصدام
اجمالي المصاريف:
212 تامين اجباري
785 ضريبة و شاي
5 جنيه شاي لبتاع الشباك الاول بتاع الكومبيوتر معرفش ليه
5 جنيه للي رفع البصمة (اهيم ناس غلابة بردو اديتهالو بعد مخلص علشان الشبهة)
5 جنيه للي ركب النمر
1 جنيه ملف
50 قرش تصوير البطاقة
-----------------------------
الاجمالي 1013.50 جنيه لل3 سنوات

بطلو يوزعو شنطة الاسعاف و المثلث مع الرخص
شنطة الاسعاف اسعارها 25 30 40 جنيه على حسب الخامة بتاعة الشنطة نفسها لكن المكونات واحدة
المثلث ب 25 جنيه

بس كدة و اي استفسار يا جماعة انا تحت امركم