الف شكر يا استاذ هاني علي الشرح الوافي ... و ادعيلي انضم لعائلة الوحوش قريب ان شاء الله ... :ask:
عرض للطباعة
ده كلام ممتاز جدا ، وأعتقد برضه ان كده المسافة قربت كتير عن مشوار القطامية ..
طيب استفسار لمن تعاملوا مع محمد زكى ..
أنا دلوقتى مربط مع الجماعة اللى فى القطامية على أساس إن فيه 13 عربية جايين لهم فى خلال الأسبوع القادم ، وكنت رايح لهم بكره أحجز واحدة وواخد معايا 10 ألاف جنيه للحجز ..
طيب لو رحت لفرعهم اللى فى مصر القديمة ، هيبقى نفس الكلام سارى برضه ، واللا كل فرع منهم مستقل وبتجيله عربيات لوحده؟؟
معلش عشان الساعة 2 صباحاً وأنا مافيش حد منهم ممكن أكلمه دلوقتى ، والمفروض إنى نازل القاهرة الصبح الساعة 9 ، فمش عارف أروح القطامية زى ما اتفقت معاهم ، واللا مشوار مصر القديمة هينجز نفس المهمة.
يا عم هاني نفيجيشن انت عمرك ما سمعت عن الوصلة الجديدة بتاعت الدائري يعني عايز الراجل وهوا راجع تودي لحد كافور وترجعه تاني يا باشا الراجل لو كمل على طول كانه رايح المريوطية هيلاقي الوصلاة الجديدة لو فضل ماشي عليها هيلاقي الطريق انضف بكتيييييييييييييييييير جدا وغير كده الطريق واضح المعالم يعني على الوصلة الجديدة هيلاقي يفطه بتقوله يمين اسكندرية الزراعي هينزل عليها دايركت بدل القرف بتاع اتجاه الاسماعيلية
يا محمد إنت مش مقدر المسافة إللى هيمشيها علشان يوصل لاسكندرية الزراعى عن طريق ( القطامية - المعادى- المنيب - مريوطية - الوصلة - ميدان لبنان - منزل الطريق الزراعى )...دول ممكن يوصلوا 50 كم مستريح...
و هو كده كده أصلا من بعد الوصلة الجديدة هيكون على القوس الغربى المقرف
هى جديدة و على الرأس...بس الكلام ده لو هو رايح اسكندرية الصحراوى تبقى منجزة معاه...لكن الزراعى ده هناك عند منزل شبرا و كفاية إنه يقف له 20 دقيقة علشان يعدى من منطقة منزل ميدان لبنان إللى بقت عاملة زى مشهد اليهود فى انتظار المجهول فى معسكر الاعتقال البولندى فى فيلم " Schindler's List "....
المهم إنت عملت إيه فى الجميلة بعد عملية التصادم الغاشمة مع التاكسى ؟؟
شغالين فيها اهو يا هنو والله ربنا يسهل
ألف ألف ألف شكر يا زملائى الأعزاء
رحت النهارده فرع محمد زكى اللى على الكورنيش بعد التنسيق مع فرع القطامية ، وكانوا مدينهم خبر و تم الحجز على خير ..
وأنا طبعت وصفة طريق الدائرى ، علشان أستخدمها لما أروح استلم ان شاء الله ..
ومافيش مشاكل إنى أرجع لكارفور فى طريق العودة علشان أنا أساساً كنت ناوى أروحه طالما هابقى قريب منه ، ماتنسوش إنى منوفى وكارفور من المعالم السياحية بالنسبة للمنايفة .. :hlopaet_prv: