اقتباس المشاركة الأصلية كتبت بواسطة aaah مشاهدة المشاركة
والله يا مدام انا شايف ان الناس احبطتك رغم ان فى عربيات كتير كويسه ممكن تجبيها فى رينج 12 الف وقبل ما اتكلم احب اقول ان دى وجهة نظرى بعد بحث طويل فى الاسواق والنت
127 توب بتبدأ من 7 الاف جنيه
127 تبدأ من 9 الاف والكويس اوى منها مايزدش عن 12 الف
128 تبدأ من 10 الاف والكويس منها 13 او 14 الف
دياتسو شاريد تبدأ من 12 الف
بيجو 205 من 12 الف
بيجو 305 من 10 الاف
رينو 5 من 9 الاف
فيات 125 من 9 الاف
فيات 132 من 12 الف
ريتمو من 11 الف
والكلام ده ممكن حضرتك تتأكدى منه من الموقع ده
contactcars | السيارات المستعملة
اعملى سيرش ودورى على العربيات دى وغيرها كتير بس انا مش فاكره وهاتلاقى مواصفات كل سياره وسعرها وتليفون صاحبها
وان شاء الله ربنا يوفقك وتشترى عربيه جميله
اخوكى
ابو احمد
الراجل دة كلامه زى الفل يا جدعان
انا أرشحلك بقى بيجو 305 لكن لازم تعرفى عيوبها الأول
أسعار قطع الغيار عالية شوية عن الفيات 128 بس معمرة جدا و البيجو تصرفى عليها تديكى
لكن الـ128 أسعار قطع الغيار رخيصة أة بس سنتين ولا حاجة بتضرب
الريتمو كويسة بس سمعت أن العفشة بتبوظ و متبهدلة (مجرد سماع من مجربين)