استفسار بشأن شاشة البيانات للفيكترا سي

**yehia** · 14-10-2009 12:15 AM

سؤال دقيق أرجو من السادة خبراء ومالكي الفيكترا سي الافادة بخصوصه ....

بالنسبة لشاشة البيانات الجرافيك اللى موجودة فى الهاي لاين والتوب لاين .... هل الشاشة دي يقتصر دورها فقط على بيان الوقت والتاريخ ودرجة الحرارة كما هو الحال فى شاشة الاليجانس ؟ أم أنها تمتد لتشمل عرض كل بيانات السيارة زي الراديو وبيان الأعطال وأوقات الصيانة وتغيير الزيوت وضغط الهواء فى الاطارات؟ ومدى صلاحيتها كشاشة عرض للـ GPS عند تركيبه مستقبلا فى السيارة ؟

يعني هل هي قريبة من فكرة الـ I-Drive اللى فى الـ BMW ولا ايه؟

**asd7778** · 14-10-2009 12:53 AM

المشاركة الأصلية كتبت بواسطة yehia

سؤال دقيق أرجو من السادة خبراء ومالكي الفيكترا سي الافادة بخصوصه ....

بالنسبة لشاشة البيانات الجرافيك اللى موجودة فى الهاي لاين والتوب لاين .... هل الشاشة دي يقتصر دورها فقط على بيان الوقت والتاريخ ودرجة الحرارة كما هو الحال فى شاشة الاليجانس ؟ أم أنها تمتد لتشمل عرض كل بيانات السيارة زي الراديو وبيان الأعطال وأوقات الصيانة وتغيير الزيوت وضغط الهواء فى الاطارات؟ ومدى صلاحيتها كشاشة عرض للـ GPS عند تركيبه مستقبلا فى السيارة ؟

يعني هل هي قريبة من فكرة الـ I-Drive اللى فى الـ BMW ولا ايه؟

بالنسبة لشاشة الجرافيك بتاعت فيكترا سى بتعرض التاريخ والحرارة والتكيف والرديوا والام بى 3 وكمبيوتر المعلومات استهلاك البنزين والمسافة التى يمكن قطعها
وبيانات الاعطال (الى ظهرلى حتى الان هو عدم وجود مياه مساحات وفى حالة قرب انتهاء البنزين ومش عارف فى ايه تانى؟؟) وفى حاجه اسمها التست مود ودى بيظهر على الشاشة بينات كتييير زى سرعة العربيه درجه حرارة الموتور وفولت البطارية وكمية البنزين بالتر الى فى العربيه كام بالضبط (ما حدش حيخمك فى بنزينه)
طبعا ضغط الهواء مش موجود فى العربيه اصلا ولو موجود بيظهر على الشاشه
وقت الصيانه بيظهر فى التابلوه مش الشاشه
الجى بى اس ممكن يشتغل فى الشاشه الجرافيك بس محتاج تغير الهيديونت بتاع العربية من cd30 to cd70 NAVI ولكن مش بيظهر خريطه مجرد اتجهات الاجمل طبعا الشاشه الالوان
طبعا النظام لا يرقى لمستوى i drive بس فى رأى المتواضع هو الاقوى والاحسن بعد البى ام والمرسيدس يعنى احلم من الباسات والاوكتافيا

**N.a.j.d** · 14-10-2009 11:15 AM

في زميل لينا هنا نزل كاتلوج للفكترا سي ممكن تشوفه وتعرف اكتر لو عايز

**hegazyhany** · 14-10-2009 03:18 PM

انا نزلت الكتالوج و فيه شرح وافى للشاشه

**yehia** · 14-10-2009 03:41 PM

ألف شكر يا جماعة على الردود ....

أنا برده نزلت الكاتالوج ... وسألت سؤالي ده لأنى لقيت فيه امكانيات كتيرة للشاشة زائد الـ gps .... فحبيت أتأكد من مالكي السيارة فى مصر اذا كان كل الامكانيات اللى فى الكاتالوج موجودة فى نسخة الفيكترا اللى نزلت مصر بالفعل ولا لا ... لأن زي ما كلنا عارفين ان الوكلاء دائما يجيبولنا العربيات فاضية من اوبشنز كتير من اللى بتنزل ككماليات أساسية فى موديلات برة .....

فحقيقة .. سؤالي ده كان بسبب اني نزلت الكاتالوج وشوفت فى الشاشة امكانيات كتير حلوة

**hegazyhany** · 14-10-2009 03:59 PM

انا تقريبا لقيت كل حاجه ماعدا ضغط الاطارات و كمان لقيت حاجات مش مكتوبه فى الكتالوج و موجوده فى الشاشه و البركه فى م احمد شرف الدين .

**N.a.j.d** · 14-10-2009 04:06 PM

تقريبا كل حاجه ف الكاتلوج موضحه وباينه اللى عايز حاجه ينزل الكاتلوج دا

**tananybasha** · 15-10-2009 12:39 AM

معلومات التوكيل ميعرفهاش و ممكن مينزلهاش فى الطبعه بتاعته عشان ميتزنقش بعد كده و مش هيعرف حلها و لا سكتها

**tananybasha** · 15-10-2009 11:56 PM

أه طبعاً بتاع منصور ملوش لازمه

-

الموضوع: استفسار بشأن شاشة البيانات للفيكترا سي

LinkBack

أدوات الموضوع

عرض

استفسار بشأن شاشة البيانات للفيكترا سي - انشر الموضوع فى :

-

-

-

-

-

-

المواضيع المتشابهه

شاشة البيانات كورسا99

شاشة البيانات كورسا99

شاشة البيانات مش شغالة؟؟؟؟

شاشة البيانات

الكلمات الدلالية لهذا الموضوع

المفضلات

المفضلات

ضوابط المشاركة