ممكن حد يفيدنا أحسن علب شكمان للتمبرا ايه.. هل أبو اليزيد كويس ولا ايه
عرض للطباعة
ممكن حد يفيدنا أحسن علب شكمان للتمبرا ايه.. هل أبو اليزيد كويس ولا ايه
كويس , و سواء ابو اليزيد او الاستثمارى , اتأكد ان العلبة اللى حتركب نفس شكل و حجم اللى طالعة من العربية
عشان فى ناس ما عندهاش ضمير بتركب اى علبة و السلام ( اشهر حاجة علبة ال 128 )
والله استاذ يا جاليليو..
انا الميكانيكي قالي ات الشكمان مسدود وده طبعا من دخنة الزيت اللي بتطلع منه بالذات مع بداية الدواره- منه لله الميكانيكي اللي عملي طقم الشنبر ربنا ينتقم منه-
واحد بتاع شكمانات قالي ان العلب اللي فيها بتوع 128 واقترح اجيب شكمان استيراد والتاني قال ان العلبه اللي ورا بتاعة 128 وحالتها جديده وهي نفس اللي بتركب في التمبرا لكن بتركب في النص بمعني ان العربيه راكب فيها علبتين صغيرين واقترح اننا نشيل العلبه اللي في النص ونحط مكانها العلبه اللي ورا بعد تسليكها ونجيب العلبة الكبيره بتاعت التمبرا اللي بتركب ورا جديده وتمنها 120 جنيه استثماري..
ايه رايك في الكلام ده وهتاخد كام في الاستشاره ده علشان اقيد علي النوته والحساب يجمع...:120146b:3_3_102[1]:
انا لسه بردو مغير العلبه اللى تحت من كام يوم - جبتها استثمارى ب 100 جنيه وهو اخد 20 جنيه مصنعيه وكان محفورعليها m.a جوا شكل بيضاوى
بس العربيه فاقت فى السحب بشكل ملحوووظ جدا
ابو اليزيد يا جماعة حلوة و خلو بالكم العلبة مش مكتومة العلبة لو بصيت من الخرم هتشوف من الناحية التانية و متخرمة من جوة و ده الصح انها تصفي مع مرور العادم و تكتم الصوت
انما البلدي ساعات بتبقي مكتومة شوية و ابو اليزيد بيحس انها زي بتاعت العربية و محفور عليها a.z
لو شكمان مفيش احسن من الجديد , عشان الاصوات و المصافى اللى بتقع
ده غير انه حييجى متقطع و حتضطر تلحمه و حيعمل اصوات غريبة
انا كنت اتصلت بأبو اليزيد اللى فى 6 اكتوبر من كام شهر عشان شكمان عربيتى
وصلونى بواحد تقريبا مدير مبيعات يا مدير تركيبات لانه فاهم و بيرد ردود منطقية جدا
قلتله ان العربية انجكشن و الشكمان فيه اختلافات عن الكربراتير ( سوستة و علبة بيئة و حساس اكسجين فى المشترك )
الراجل طلع عارف الموضوع و قاللى انه حيتكلف 900 كامل من اوله لاخره ( بدون علبة بيئه لانى مش عايزها )
معلش اسم الراجل و ارقام التليفون فى البيت , لما اروح حاكتبهالكم
هانى باشا , علبة ال 128 حتبقى صغيرة جدا فى النص و حتكتم العربية اكتر مع الاستخدام
انا مركب علبة قدام بدل علبة البيئة و اكبر شوية من بتاعة ال 128 و مطلعة عينى ( كتمة و اصوات )
سيبك من الصنايعية و اراءهم السديدة , انا لما بروح فى شغل ليا او مع حد ما بخليهوش يفتح بقه , انا اللى بأوجهه
الشركة مش بتألف و لا بيعملوا العربيات دى و هم قاعدين على القهوة , نيجى احنا بقى و نقول اصل دى بتاعة الجو البارد و دى مش عارف ايه فنلغيها و دى بايظة طب هات بتاعة عربية تانية
و على رأى و احد صاحب ابويا " الخواجة لو كان أكل فول ما كانش بقى خواجة "
و حسابك 590.36 جم غير شامل الضريبة و الخدمة :36_1_1[1]:
أستاذ محمد/ أستاذ مايكل. متشكر جدا لذوقكم واهتمامكم وياريت تقولولي العلبه اللي ب 100 جنيه ده الصغيره ولا الكبيره وركبتوها ورا ولا في النص وفرقت معاكم في ايه؟ اسف هتقل عليكم..
أستاذ سمسم. شاكر جدا لاهتمامك وللمعلومه المفيده ده
أستاذ جاليليو. كده انا استبعدت الاستيراد بس مش هاقدر اجيب الشكمان كامل فاللاسف هاضطر اجيب علبتين وألحم..دلوقتي العلبه الكبيره اللي ورا موجوده جديد وسعرها كويس تنصحني بايه للعلبه اللي في النص؟ وينفع اجيب العلبتين كبار ولا لأ.. انا دورت علي النت من فتره علشان اشوف شكل العلبتين واحجامهم ايه بس ماوصلتش لاجابه قاطعه اذا كانت علبة ال128 فعلا هي اللي بتركب للتمبرا في النص ولا لأ؟
وبالنسبه لتمن الاستشاره. ده قبل الفصال ولا بعده؟
يا عم انت تعالى ادفع و انا حاكرمك على الاخر :S_thum1[1]:
و دى على خساب صاخب المخل
http://img119.imageshack.us/img119/17/midsilencer.jpg
يا باشا الكبير كبير..
ما قولتليش تنصحني بايه في موضوع علب الشكمان ده
بعد بحث في المواقع للمقارنه بين علب شكما ال128 والتمبرا ومدي صلاحية اي من علب ال128 لحل محل اي من علب علب التمبرا وجدت هدا الموقع الذي حسم المسأله..
Exhaust > Fiat > Tempra > Tempra 1.4 > > Middle Silencer 07.12
جاليليو تقدر تفدني في معني الارقام المكتوبه فوق كل علبه وايه البديل لعلبة الوسط خصوصا ان الموقع بيبين انها هي هي بتاعة التيبو..
ياناس انتو مدوخين نفسكو لية
الشكمان كلة ب 550 عند ابو اليزيد
والميزة ان (جالفانيزد)
اي ان متجلفن كهربائيا
وليس كالاستثماري بيبقي مرشوش اكسيد فضي ويصدي ويتاكل بسرعة
الخــــــــــــــــــــــ ــــــــــلاصة
لا يصح الا الصحيح
علبة 28 علي تمبرا؟؟؟؟؟؟؟؟؟؟ حرام
دة موتور 1100 او1300 والتاني 1400 او 1600
الموضوع مختلف تماما وابعدو عن فتوي الصنايعية اللي مابيعرفوش اساسا يكتبو اسمهم
وفي مثل كان بيقول
(يا مسترخص يا متغصص)
انا ناوي اغير الشكمان كلة ان شاء الله عند ابو اليزيد
وانا مجربة قبل كدة في كذا عربية
والخلاصة لاني مابحبش اعمل حاجة وارجع اعملها تانية لانها من وجة نظري مضيعة للوقت وللفلوس
انا عربيتي موديل 91 ايطالي
والشكمان اللي فيها الاصلي بتاعها طبعا كتر خير الدنيا
الشكمان كلة سليم من الجسم الخارجي
ولكن المصفي من جوة دابت وبتشخلل جوة
طبعا ابو اليزيد مصنع محترم بعد ماقفلو شركة اسكندرية للشكمانات
وبيشتغل بتصميمات ومواصفات مش علي مزاجو
واهم حاجة انة جلفانيزد
ومش بعد التركيب تلقية منفس من الدوسر اللي بيعملوها علي التنايات ويقولك الصوت هايروح لما الشكمان يكربن
او مكتوم لانة بنفس المواصفة
نصيحة توكل علي الله
متشكر يا ميزو علي النصيحه.ان شاء الله ربنا يكرم واغيره.. علي فكره انا عربيتي نفس موديل عربيتك بس هي 1400 كربراتيروعلي حد علمي شكمان ال1600 مختلف عن ال1400 فهل السعر ده سعر شكمان ال1400 ؟؟
انا كمان عربيتي 1400 كاربرتير
بس انا عاوز اقولك حاجة هنا في مصر التمبرا النصر كانت 1600 بس
بالنسبة للشكمان علي ماشوفت عربيات كتير الشكمانات 1400 زي 1600 ماعدا اللي بتنزل بعلبة بيئة بتبقي 3 علب
وفي عربية شوفتها العلبة الكبيرة اللي ورة هي هياها اللي مختلف ان في امامها علبة مثلثة وماسورة لغاية الموتور
بالنسبة للعام نقدر نقول ان 1400 زي 1600 علبة في الوسط صغيرة وعلبة في الاخر كبيرة
ونفس تخانة المواسير واحدة
بالمناسبة من سنة لقيت شكمان كامل استيراد بتاع ال2000 سي سي بس مختلف تماما
متشكر جدا يا ميزو علي اهتمامك والمعلومه المهمه ده وياريت اللي يغير فينا الاول يفيد الباقيين بالتجربه..
شكمان ال 1400 هو هو ال 1600
العربية اللى بيتكلم عليها الاخ ميزو انجكشن و متشال علبة البيئة ( العلبة المثلثة فى الانجكشن بس )
يا جماعه انا سالت النهارده علي شكمان ابو اليزيد. اتصلت بالمصنع قالولي 680 جنيه واتصلت برقم موبايل تقريبا مبيعات قاللي 800 جنيه.. لو حد يقدر يتاكد من السعر يا ريت يقولنا..
أستاذ مايكل . العلبه اللي حضرتك جبتها اخبارها ايه معاك وجبتها منين ولو حد سأل علي سعر العلبه اللي في النص يا ريت يقولنا بكام لان لو اسعار ابو اليزيد ده حقيقيه يبقي هضطر اجيب علبتين استثماري جداد..
غيرت الشكمان كله ما عدا المشترك من عند ابو اليزيد اللي في الملك الصالح ب 545 جنيه لكن الشكمان عامل صوت عالي جدا وزنه. يا تري ده عادي في الاول وهيروح ولا الشكمان فيه مشكله علما بان ابو اليزيد هو اللي بيصنع شكمانات معظم السيارات الجديده المصنعه محليا واكيد ما بيبقاش فيه الاصوات الغريبه ده...
الشكمان كامل عند ابو اليزيد ب 660 جنيه - والعلبة الخلفية ب 330
للاسف يا ميزو ابو اليزيد طلع ما يفرقش حاجه عن اللي بيحصل من الصنايعيه..
انا بعد ما ركبت الشكمان عندهم لقيت صوته عالي. رجعتلهم ورفع العربيه لقي الوصله بين العلبه الوسطي والخلفيه بتنفس من عند الافيز والمهندس قالي احنا اسفين وده غلطتنا وهنظبطها.. ودق بالاجنه والشاكوش علي اجزاء حوالين الافيز والتنفيس منع.. وبعدها قالي خلاص مش هينفس تاني وعموما لو عايز تغيره اغيرهولك فقلتله طالما انك متأكد انه مش هينفس تاني خلاص مش مستاهله تغيير..
تاني يوم لقيت الشكمان بينفس من نفس المكان ورجعتلهم تاني والمهندس ما كانش موجود وبعد ما رفع العلربيه وشاف التنفيس لقيته بيجيب اجنه وشاكوش وهيدق عليه تاني فرفضت وقلتله يغير العلبه وبعد محاولات اقناع ان الشكمان سليم وانه هيمنع التنفيس واستني بس عليه لما يكربن والكلام الخايب ده صممت علي التغيير وغيرو العلبه الخلفيه بعلبه تانيه وربط الافيز وجرب. :b4_556: التنفيس برده موجود ولما تسد الشكمان بايدك تسمع التنفيس من اللحام بين العلبتين والدوسر اللي حوالين العلبه فقالي انا مش عايز الغي الافيز والحم فقلتله لو هو ده الحل علشان التنفيس يتمنع الحم فقعد يبنط في بعض الاجزاء حوالين الافيز وبرضه فيه تنفيس وقعد يحلف ان الكربون بعد اسبوعين هيمنع التنفيس فقلتله انتو بتصنعوا شكنانات معظم العربيات اللي بتتجمع محلي عليز تقنعني اني لما اشتري عربيه من دول وانا في المعرض هلاقي الشكمان صوته عالي وبينفس واهي عربيات لا مشيت ولا كربنت وعموما ورغم اني مش مقتنع ورغم اني فضلت اركب عندكم وادفع تقريبا 400جنيه ذياده عن الاستثماري علشان ما اسمعش موضوع الكربون والحجج ده الا اني هستني بدل الاسبوعين تلاته وانا متاكد ان التنفيس مش هيروح لان الكربون ممكن يمنع او يقلل الصوت لكن ما يسدش اخرام بتنفس
يا جماعة أنا غيرت العلبة الخلفية والعلبة الوسطى عند أبو اليزيد يوم 12/3/2010 ب 660 جنيه. هى نظيفة جدا بس عيبها ان الصوت عالى ومختلف عن صوت الشكمان الفابريكة للأسف. وطبعا بعد الفابريكة ما تلاقيش