علبة شكمان تمبرا

**osha966** · 14-10-2009 01:49 AM

ممكن حد يفيدنا أحسن علب شكمان للتمبرا ايه.. هل أبو اليزيد كويس ولا ايه

**galilio_mad** · 14-10-2009 11:39 AM

كويس , و سواء ابو اليزيد او الاستثمارى , اتأكد ان العلبة اللى حتركب نفس شكل و حجم اللى طالعة من العربية
عشان فى ناس ما عندهاش ضمير بتركب اى علبة و السلام ( اشهر حاجة علبة ال 128 )

**hany121** · 14-10-2009 07:01 PM

المشاركة الأصلية كتبت بواسطة galilio_mad

كويس , و سواء ابو اليزيد او الاستثمارى , اتأكد ان العلبة اللى حتركب نفس شكل و حجم اللى طالعة من العربية
عشان فى ناس ما عندهاش ضمير بتركب اى علبة و السلام ( اشهر حاجة علبة ال 128 )

والله استاذ يا جاليليو..

انا الميكانيكي قالي ات الشكمان مسدود وده طبعا من دخنة الزيت اللي بتطلع منه بالذات مع بداية الدواره- منه لله الميكانيكي اللي عملي طقم الشنبر ربنا ينتقم منه-

واحد بتاع شكمانات قالي ان العلب اللي فيها بتوع 128 واقترح اجيب شكمان استيراد والتاني قال ان العلبه اللي ورا بتاعة 128 وحالتها جديده وهي نفس اللي بتركب في التمبرا لكن بتركب في النص بمعني ان العربيه راكب فيها علبتين صغيرين واقترح اننا نشيل العلبه اللي في النص ونحط مكانها العلبه اللي ورا بعد تسليكها ونجيب العلبة الكبيره بتاعت التمبرا اللي بتركب ورا جديده وتمنها 120 جنيه استثماري..

ايه رايك في الكلام ده وهتاخد كام في الاستشاره ده علشان اقيد علي النوته والحساب يجمع...

**muhmado_furp** · 14-10-2009 09:27 PM

المشاركة الأصلية كتبت بواسطة hany121

والله استاذ يا جاليليو..

انا الميكانيكي قالي ات الشكمان مسدود وده طبعا من دخنة الزيت اللي بتطلع منه بالذات مع بداية الدواره- منه لله الميكانيكي اللي عملي طقم الشنبر ربنا ينتقم منه-

واحد بتاع شكمانات قالي ان العلب اللي فيها بتوع 128 واقترح اجيب شكمان استيراد والتاني قال ان العلبه اللي ورا بتاعة 128 وحالتها جديده وهي نفس اللي بتركب في التمبرا لكن بتركب في النص بمعني ان العربيه راكب فيها علبتين صغيرين واقترح اننا نشيل العلبه اللي في النص ونحط مكانها العلبه اللي ورا بعد تسليكها ونجيب العلبة الكبيره بتاعت التمبرا اللي بتركب ورا جديده وتمنها 120 جنيه استثماري..

ايه رايك في الكلام ده وهتاخد كام في الاستشاره ده علشان اقيد علي النوته والحساب يجمع...

بص ياجميل
العلبه الاستثماري بتاعة التمبرا انا جبتها ب100 جنيه من3شهور وشويه تقريبا
ف 120 ده هو كده محتاج انك تفاصل معاه شويه
علبة أبو اليزيد بتعمل 220 - 250 جنيه
كنت سألت عليها
وبالتوفيق

**mikology** · 14-10-2009 10:32 PM

انا لسه بردو مغير العلبه اللى تحت من كام يوم - جبتها استثمارى ب 100 جنيه وهو اخد 20 جنيه مصنعيه وكان محفورعليها m.a جوا شكل بيضاوى
بس العربيه فاقت فى السحب بشكل ملحوووظ جدا

**semsem_uno** · 14-10-2009 11:49 PM

ابو اليزيد يا جماعة حلوة و خلو بالكم العلبة مش مكتومة العلبة لو بصيت من الخرم هتشوف من الناحية التانية و متخرمة من جوة و ده الصح انها تصفي مع مرور العادم و تكتم الصوت
انما البلدي ساعات بتبقي مكتومة شوية و ابو اليزيد بيحس انها زي بتاعت العربية و محفور عليها a.z

**galilio_mad** · 15-10-2009 11:12 AM

لو شكمان مفيش احسن من الجديد , عشان الاصوات و المصافى اللى بتقع
ده غير انه حييجى متقطع و حتضطر تلحمه و حيعمل اصوات غريبة

انا كنت اتصلت بأبو اليزيد اللى فى 6 اكتوبر من كام شهر عشان شكمان عربيتى
وصلونى بواحد تقريبا مدير مبيعات يا مدير تركيبات لانه فاهم و بيرد ردود منطقية جدا
قلتله ان العربية انجكشن و الشكمان فيه اختلافات عن الكربراتير ( سوستة و علبة بيئة و حساس اكسجين فى المشترك )
الراجل طلع عارف الموضوع و قاللى انه حيتكلف 900 كامل من اوله لاخره ( بدون علبة بيئه لانى مش عايزها )

معلش اسم الراجل و ارقام التليفون فى البيت , لما اروح حاكتبهالكم

هانى باشا , علبة ال 128 حتبقى صغيرة جدا فى النص و حتكتم العربية اكتر مع الاستخدام
انا مركب علبة قدام بدل علبة البيئة و اكبر شوية من بتاعة ال 128 و مطلعة عينى ( كتمة و اصوات )
سيبك من الصنايعية و اراءهم السديدة , انا لما بروح فى شغل ليا او مع حد ما بخليهوش يفتح بقه , انا اللى بأوجهه
الشركة مش بتألف و لا بيعملوا العربيات دى و هم قاعدين على القهوة , نيجى احنا بقى و نقول اصل دى بتاعة الجو البارد و دى مش عارف ايه فنلغيها و دى بايظة طب هات بتاعة عربية تانية
و على رأى و احد صاحب ابويا " الخواجة لو كان أكل فول ما كانش بقى خواجة "

و حسابك 590.36 جم غير شامل الضريبة و الخدمة

**hany121** · 15-10-2009 11:51 AM

أستاذ محمد/ أستاذ مايكل. متشكر جدا لذوقكم واهتمامكم وياريت تقولولي العلبه اللي ب 100 جنيه ده الصغيره ولا الكبيره وركبتوها ورا ولا في النص وفرقت معاكم في ايه؟ اسف هتقل عليكم..

أستاذ سمسم. شاكر جدا لاهتمامك وللمعلومه المفيده ده

أستاذ جاليليو. كده انا استبعدت الاستيراد بس مش هاقدر اجيب الشكمان كامل فاللاسف هاضطر اجيب علبتين وألحم..دلوقتي العلبه الكبيره اللي ورا موجوده جديد وسعرها كويس تنصحني بايه للعلبه اللي في النص؟ وينفع اجيب العلبتين كبار ولا لأ.. انا دورت علي النت من فتره علشان اشوف شكل العلبتين واحجامهم ايه بس ماوصلتش لاجابه قاطعه اذا كانت علبة ال128 فعلا هي اللي بتركب للتمبرا في النص ولا لأ؟

وبالنسبه لتمن الاستشاره. ده قبل الفصال ولا بعده؟

**galilio_mad** · 15-10-2009 12:38 PM

يا عم انت تعالى ادفع و انا حاكرمك على الاخر

و دى على خساب صاخب المخل

**hany121** · 15-10-2009 01:05 PM

يا باشا الكبير كبير..

ما قولتليش تنصحني بايه في موضوع علب الشكمان ده

الموضوع: علبة شكمان تمبرا

LinkBack

أدوات الموضوع

عرض

-

-

-

-

المواضيع المتشابهه

تركيب 2 علبة شكمان

علبة شكمان

علبة شكمان الانوس

للبيع : شكمان ميجان Ii كامل (علبة بيئة - علبة وسطية - علبة خلفية)

من أين أشتري علبة شكمان أو شكمان كامل لجولف2 في القاهرة ؟؟؟؟؟؟؟؟؟؟؟؟؟؟

الكلمات الدلالية لهذا الموضوع

المفضلات

المفضلات

ضوابط المشاركة