معايا 22000 اجيب عربية نوعها اية من فضلكم انصحونى؟

**Terrible_DaRsH** · 21-10-2009 02:33 AM

اكيد كانت حالتها وحشة .

لكن الريجاتا عموما عربية ممتازة .

**ahmedangel** · 21-10-2009 03:30 AM

الله اعلم واضح ان حضرتك اعلم مى بالريجاتا وانا اسف ان كنت زعلتك لما قلت ان الرجاتا وحشة

**Terrible_DaRsH** · 21-10-2009 03:34 AM

المشاركة الأصلية كتبت بواسطة ahmedangel

الله اعلم واضح ان حضرتك اعلم مى بالريجاتا وانا اسف ان كنت زعلتك لما قلت ان الرجاتا وحشة

زعل ليه , دى وجهة نظرك انت حر فيها .

ممكن تكون فعلا الريجاتا وحشة زى ما بتقول دى وجهة نظرك , و انا شايف انها عربية ممتازة و اعتمادية جدا دى وجهة نظرى .. مفيش مشكلة نهائي و لا زعل .

**ahmedangel** · 21-10-2009 05:38 AM

يا جماعة طب لو سمحتم عايز اعرف اية هيا مشاكل الابيزا وهل قطع الغيار غالية ولا رخيصة عشان انا موش ادبس اى حاجة وخلاص وارجع اقول يا رتنى ما جبتها

**ahmedangel** · 22-10-2009 06:59 AM

اية يا رجالة محدش رد لية عليا؟

**m000dy** · 22-10-2009 08:05 PM

ياباشا الابيزا اعلى من ان حد يتكلم عليها
ماتنساش انها بنت عم الالمانى ومواتير الجولف والبولو بيركبوا عليها وعلامتهم متنطوره فى كل حته فى العربيه
العربيه ناعمه ومواتير الابيزا عالية الاداء حتى فى ال 1000 سى سى
ثبات فوق الممتاز وموديل 94 عليه ثبات يخليك تحترم العربيه فعلا
خللى بالك بس لو راكبها شاب انك تكشف على اساسياتها كويس
والابيزا خصوصا الاساسيات مش كفايه لازم تكشف كمان على حالة الوتور والعفشه لان حاجتها مش زى ال 128 مهما كان
وان كانت الحاجه غاليه شويه فصدقنى تمنها فيها وبتحطها وتشيلها من دماغك فهاتحس ان فلوسك ماراحتش فى الهوا
ولو بتصرف على ابيزا بالمعدل اللى بتصرف بيه على ال 128 على اخر السنه هاتلاقى نفسك راكب عربيه فوره
وماتنساش ان مهما دورت وقررت سبحان الله شرا العربيه بيبقى عامل زى الجوازه هاتلاقى نفسيتك استريحت للعربيه وحبيتها وتخيلتها بتاعتك من اول ماتشوفها وقبل ماتقلب فيها لدرجة انك لما تقلب فيها وتطلع حاجه بسيطه بتبقى فرحان وتقول مش مشكله تتعمل المهم اساسها سليم

**ahmedangel** · 23-10-2009 07:10 AM

الله يكرمك يا عم مودى انت بجد خلتنى من جوة استريحت تجاة العربية دية بس معلش سوال رفيع تانى بالنسبة لقطع الغيار يعنى مثلا المساعدين بكام امامى وخلفى والاكسسوارات فى حدود كام ؟
وفعلا زى ما انت قلت الموضوع عامل زى الجواز انا فعلا ارتحت للعربية دية مع انى شفت عربيات كتير بس انا ارتحت للابيزا مع انى لسة متجوزتش وجزاك الله خير وشكرا على الرد الجميل