خدوس فى طلاء الاكصدام

**ashrofa72** · 14-10-2009 09:02 AM

الرجاء من الاخوة الاعزاء فى المنتدى مساعدتى فى حل مشكلة اربع او خمس خدوش فى طلاء اكصدام العربية وكيفية طلاء هذه الخدوش لان العربية يدوب مستلمها من حوالى شهر وشكل الاكصدام بقى مش ميه ميه والعربية لانسر 2009 اللون فضى وطبعا انا وراكن العربية والصبح وانا نازل فوجئت بالخدوش دى والظاهر ان واحد الله يسامحه خبط العربية ومشى وشكرا مقدماً

**ashrofa72** · 14-10-2009 10:04 PM

ايه يا اخوانا مفيش رد خالص انا عاوز اعرف لو ممكن سبراى معين او دهان ممكن ادارى بيه الخدوش دى لو حد مجرب الموضوع ده وشكرا

**ninjaahmed** · 16-10-2009 01:39 PM

انا زيك بالظبط يا مان
بس لو الخدوش مش عميقة , شوف الموضوع ده من رجالة المنتدي :
http://www.nilemotors.net/Nile/1679-a.html
لو عميقة بقي فا انا زيك و لسه بدور علي رد , بس شكلي هلجأ للتوكيل و أمري لله

**ashrofa72** · 17-10-2009 06:27 PM

شكرا للرد اولاَ
ثانيا انا حاولت فى التوكيل النهاردة بس عملوها حكاية وقلولى تاخد 3 ايام للتصليح ولازم تقرير شرطة المهم انا اتصرفت وجبت دهان نفس لون العربية فضى بالكومبيوتر ربع كيلو وفرشة صغيرة وغطيت الخدوش البسيطة دى بس والله ظاهرة شوية برضة بس احسن من الاول لان الدهان غطى الخدوش اللى باللون الاسود ولو حد عنده طريقة افضل يقول.

**AMA** · 19-10-2009 07:25 PM

طلاما الخدش زى مانت بتقول وصل لدرجة الصاج الأسود دة
يبقى الأخ إلى خبطلك العربية شالك الدهان و المعجون بتاع العربية
فلازم لما تجيب دهان و تدهن بيه الحتة المخدوشة تبقى برضة لسه داخلة لجوة شوية
يبقى عشان تغطيها و تبقى فى نفس شكل الباقى لازم تعمل طبقة معجون و تديها لون وعشان تعمل كدة هتوجع دماغك على الفاضى وكفاية كدة عليها أنك داريت المنظر يعنى و الحمد لله إنها جت على أد كدة

و دا على ماأظن إلى قدرت أستنتجه من كلامك و يا رب أكون قدرت أفيدك بحاجة

**A.Gameil** · 20-10-2009 05:15 PM

شكراً

**هيثم** · 31-10-2009 04:47 AM

ده رد العضو
HeMa_LanCeR على سوال بهذا الخصوص

permalink (ازاى تعالج الخدوش)
في اقلام دوكو ميتالك بس لألوان محدوده زي الدهبي والفضي
وانا شوفتها بتتباع عند بنزينه توتال اللي علي الأوتوستيراد
ولو اللون مش موجود عندك فا دي حاجه سهله
هتجيب قلم دوكو ابيض ب 5 جنيه
وتفته وتفضي اللي فيه وتغسله كويس بثنر
وتروح لبتاع الدوكو يعملك شويه دوكو علي قدك هيملو حوالي 12 جنيه
وتفضي منه شويه في القلم واشتغل بيه
وبأذن الله نتيجه جميله
علي الأقل اجمل من منظر الخرابيش
انا بقي عربيتي فيها كميه خرابش متتعدش وناوي اعمل الموضوع ده
وانا والله العظيم ولا خربوش فيها انا ليه ذنب فيه
كلهم بفعل فاعل
ربنا يرحمنا من الشعب الحقودي ده [IMG]file:///F:/%D8%B3%D9%8A%D8%A7%D8%B1%D8%A7%D8%AA/%D9%85%D8%B9%D8%A7%D9%84%D8%AC%D9%87%20%D8%A7%D9%8 4%D8%AE%D8%AF%D9%88%D8%B4/85605-a-2_files/dzey.gif[/IMG]
وانا هجرب الحكايه دي قريب واقولكم علي النتيجه
__________________

وديه مشاركه العضو

waleedrahmy

القلم الدوكو موجود في المكتبات

أشتريه وفضيه من اللون ال فيه وأغسله بعد ماتفتحه من جوه كويس جدااااااااااااااااااااااا اااااااا بالتنر لغايه ما تروح جميع أثار اللون ثم روح لواحد بتاع دوكو وخليه يركبلك
لون العربية بالضبط ويكون ميتاللك زي لون العربية بالضبط (شوية حلوين كده ب 10جم) وحطهم في القلم وخلي الباقي عندك أحتياطي في زجاجة مغلقة كويس و عيش حياتك مع الخدوش حط طبقة وأتنين وسيبها تنشف ثم حط تاني لغاية ما تجويف الخدش يتملي دوكو ثم لما ينشف شغل أيديك بشوية رياضة بولش علي كمبود لمسح زيادات الدوكو

permalink