الاستاذ هيما رد على مكالمتي ليه وحاول يفيدني وينصحني المفروض اعمل ايه وانا بشكره على سعة صدره وعلى وقته
عرض للطباعة
الاستاذ هيما رد على مكالمتي ليه وحاول يفيدني وينصحني المفروض اعمل ايه وانا بشكره على سعة صدره وعلى وقته
السلام عليكم
هيما من فضلك انا نويت اجيب m11 ان شاء الله. وفيه واحدة قدامى فعلا. بس مش عارف اكشف عليها فين؟ ايه رايك؟؟
اكشف عليها فالتوكيل احسن؟ ولا اخللى الميكانيكى بتاعى يبص عليها؟
ولو كده. ايه اهم حاجات اخليه يبص عليها؟؟
ومتشكر جدا مقدما. واصلا سبب رئيسى انى نويت اجيبها هو كلامك عنها وتقييمك ليها.
ربنا يكرمك ويجازيك خير على التقييم الرائع ده.
الصاج سهل ... اي سمكري
العفشة سهل
الميكانيكا ... اهم حاجة صوت المتور ثابت مش مرتل و مع الكبس مفيش ترزيع ... و مع المشي مفيش تنتيش او اصوات غريبة
ممكن تكشف في المتحدة او عند ميكانيكي ثقة او ابانوب في الاميرية و جنبه كهربائي يقرالك الجهاز ..
طبعا ميبقاش فيهل تحذيرات في التابلوه و متبقاش مشخشخة و هيه ماشية
ربنا يوفقك ان شاء الله
ابقي قولنا موديل كام و ماشية كام و خلصت علي كام
استاذ
</B>MUHAMMAD AWWAD
ده واجب علينا نكون في مساعدة بعض في اي وقت
هيما انا متشكر جدا لردك ودعوتك. ربنا يكرمك ويجازيك خير.
للاسف ال m11 اللى كانت قدامى لقيتها اتباعت.
فاشتريت m12 الحمد لله موديل 2012 ماشية 45 الف كيلو
خلصت ب 56 الف جنيه. بس دفعت عربون وهاستلمها يوم الاربع ان شاء الله
ربنا يباركلك فيها ...... هما نفس العربية كده كده
ربنا يكرمك.
ويباركلك فى عربيتك يا رب.
ويجزيك خير بجد عشان بتحاول تساعد الناس بجد.
شكر واجب ومستحق ل هيما.
انا استلمت العربية الحمد لله امبارح. واول ما سوقتها وجربتها افتكرت كلامك يا هيما عنها وتقييمك ليها. اللى هوا فى اول بوست. بصراحة اكتشفت انت قد ايه عندك خبرة فى العربيات. بتعرف تقييم العربيات جدا بصراحة. واستفزنى ان كان واحد رد عليك -مع احترامى للجميع طبعا- وقال ان انت حكمك مش هايبقى موضوعى عشان كنت راكب 128 قبليها. انا حبيت اقول بس وجهة نظرى. وحبيت احييك بجد على التقييم بتاعك ولو انها متاخرة شويتين. بس لما جربت العربية وسوقتها حسيت انت قد ايه كان تقييمك دقيق وموضوعى.
شكرا ليك مرة تانية.
اخوك هشام
مبروكة عليك ان شاء الله
الله يبارك فيك .
متشكر جدا