يا جماعة عايز انشر موضوع انشره ازاى افادكم الله
عرض للطباعة
يا جماعة عايز انشر موضوع انشره ازاى افادكم الله
ادخل علي ادوات المنتدي هتلاقي موضوع جديد
بسم الله
رحت المتحدة الجمعة اللي فاتت , علشان العفشة ..رايح مش عارف احدد ايه المشكله لان العربية ماشية كويس جدا ...انما صوت تخبيظ فظيع علي الهادي او مع لف الدريكسيون حتي والعربية واقفة ...
المهم دخلت بعد الكشف فالي اتياش ميزان و مساعد يمين...و تيل فرامل بالمرة ...
طه بكام طه
المساعدين ب 625 بالضمان بدل 675
التيل 100
التياش 210
طب البنزين ...الدواسة بتعلق ........
هنرجلش مكنة الستوب
طب الهاند بريك خفيف....
هنرجلش الهاند بريك ....
طب توكلنا علي الله ..... خلصنا ؟؟؟ تمام ...جربت ....
العربية بسم الله ما شاء الله مسكت نفسها و زي الفل .....
طلعت ركبت الدائري ....العربية مش بتجيب ال 80 .... جي اهدي لقيتها بتجر نفسها بالعافية ... المهم طبعا نزلت لمست الجنوط ....ناااااار ....الاربع فرد قفشه ....
رجعت .... هوا الهاند بريك و فك مكنة الاستوب "رجلشها عكس" فكت و مشيت تمام....
رجعتلهم امبارح علشان التيل بيصفر .... المفاجأة ...... غيرولي التيل .... بجد مشفتش حد بيغير تيل لحد علي ضمان ....
المصنعيات ادفعت الجمعة 200 .... و امبارح مدفعتش حاجة .....
شكر خاص لابو حنفي اللي ماسك خدمة العملا والمتحدث الرسمي باسم المتحدة .
شكرا جدا لمعلوماتك وطريقة اسلوبك انا نازل اشترى واحده ومحتاج اعرف ميكانيكى كويس انا من اسكندرية يكشف عليها وايه راى حضرتك لحد النهارده فى العربية ؟
السلام عليكم دلوقتى تيل فرامل قدام شمال وقع وانا ماشى بالعربيه مرتين انا مخدتش فى بالى اول مره روحت حطيت تيل ومسحت الطنابير والدنيا مشيت حلو بتاع ٥ شهور وقع تانى من نفس الفرده قدام شمال المره دى ركبت تيل بس ممسحتش طنابير المهم يومين بالظبط والاقى الطنبور سخن اوى والفرامل قافشه عليه طب انا حجيب طنابير جديده عادى قالولى ب٥٥٠ فى اسكندريه عندى اعمل ايه فى الفرامل اللى بتقفش عالطنبور دى وبتوقع التيل وانا ماشى التوكيل قالولى الجهاز فيه تقل ولازم يتغير عربيتى موديل ٢٠١١ برجاء المشوره وشكرا واسف للاطاله
للاسف مش هعرف افيدك في صنايعية في اسكندرية ...لو كنت هنا كنت تروح لابانوب و اللي يقوله تعمله
كان عندي مشكله من ساعة ما اشتريت العربيه .... رجرجه من قدام تحس كانها جايه من عند الماتور مش متربط كويس بتظهر مع المطبات روحت لعفشجي كشف عليها وقالي الاسكترا عايزه حشو (طقم اصلاح) وقالي كده كده انا ما يشتغلشي في الاسبرانزا روح مصر وكده ..ز روحت عند حد تاني قالي جلب مقصات وتيش ميزان امامي ز قلت ماشي ويعد ما غيرهم لقينا الصوت لسه موجود وبصراحه هما كانو بردو متهالكين .. المهم قالي في مساعد امامي شمال تقيل شويه وممكن يكون هو السبب ما رديتشي اخليه يعملوا لان حسيت انه لو معلم كان المفروض يعرف العيب من البدايه وبعدين يشتغل مش يركب وبعدين يقولي ايه رايك اما نغير المساعدين بالمره .. اه نسيت وكنت بشتكي من الفتيس خشن شويه في النقله التانيه قالي عايز شداد موتور وغيرتها ولقيت بردوا عند الغيار التاني لسه فيه سنة خشونه بتروح وتيجي ... زيت الفتيس حاسس انه قليل لازم ازوده ولا مش لازم وممكن ياثر على ايه وايه هو الزيت المفضل؟؟ ..... شاكر على الافاده والمشاركه
الاستاذ ابراهيم ده رقمي ياريت تكلمني عشان انا شري العربيه مستعمله وكان فيها ملاحظات وكنت محتاج تساعدني .... 01095554880
عامل 1001000... الحمد لله
عايز ارش حزام علشان الخرابيش و ادهن الاكصدام الامامي بالمرة .... بس مستحرم انضفها في البلد دي بصراحة ... بحس انه زي قلته ...
علي الله ... و كل سنة وانتم طيبين و كل عائلاتكم بخير
.زي ما قلتلكم مستحرم انضفها في بلدنا .... اول امبارح نزلت لقيت حاجة واقعة علي سقف العربية نقراها خفيف و مجرحاها .... زي ما يكون برواز صورة صغير....
حسبنا الله و نعم الوكيل