الابيزا اتخبطت 3 مرات

سلاموا عليكوا
مش عارف ابدأ منين بس هابدأ بالترتيب من اول خبطة و المشكلة ان التلات خبطات في يومين ورا بعض
اول خبطة كنت راجع من القاهرة للمحلة و كان معايا واحد صاحبي و السواق بتاع اختي قلتلهم انا مش قادر انا هانام انا ورا و خليت السواق هو اللي يسوق المهم عند طنطا كان واقف قبل التقاطع بتاع الكمين سمعت صوت خبطة جامدة اوي ورايا و لقيت العربية نطت لقدام انا ببص من الازاز اللي ورا لقيت اللي خبطنا مقطورة :stink[1]: انا شفت منظرها خفت انزل ابص علي العربية بصراحة المهم نزلت متوقع منظر بشع قلت هلاقي باب شنطة و فانوسين و اكصدام وازاز نزلت لقيت
وش الفانوس بس اللي اتكسر :U_thin1[1]: و جنبه حتة صغيرة جدا جدا جدا طالعة لبرة مش داخلة لجوة مش عارف ازاي المهم جيت اعمل محضر عشان التأمين قالولي العربية هاتتحجز للبليل في حتة ممكن تتسرق منها حاجات و انت كمان هاتتحبس انت و السواق بتاع المقطورة لحد 9 بليل عشان النيابة المسائية كانت الساعة 3.30 شوفتوا مصر يعني عربيتي اتخبطت وانا واقف و عشان اخد حقي لازم اتحبس (( اصلو معداش علي مصر )) :dontudear:

تاني خبطة كنت في زفة اخت واحد صاحبي بصراحة هي غلطتي انا كنت بتكلم في الموبيل ووقع مني وانا بتكلم نزلت اجيبه :36_1_35[2]: طلعت لقتني لابس في لانسر بومة بس الخبطة كانت علي سرعة 30 كم المهم نزلت ببص عند الراجل بتاع البومة لاقيت الشنطة داخلة جوه و الاكصدام داخل من النص كده لجوة اوي ببص عندي لاقيت حتة في الكبوت بالظبط اد عقلة الصابع م حتي من الشبكة اللي تحت في الاكصدام اد الصابع كده مكسورة بس قلت للراجل لما نروح عند القاعة ان شاء الله نشوفها و كده المهم ظبط معاه و روحنا تاني يوم للسمكري صاحبي و كانت المفاجاة البومة احتاجت زرجينا لأن دواخل العربية اتكبست يعني شفة الشنطة من جوة كانت داخلة لحد قبل الاستبن بشوية و السمكري بيقولي ايه يا عم هي حادثة ولا ايه و الراجل يقولي انا اللي مضايقني ان عندي انا كل ده و محصلش عندك حاجة طلع راجل نفسية اوي بس قالولي العربية دي صاجها تمامممممم :S_thum1[1]:

تالت خبطة كنت في طنطا في شارع البحر و الشارع واقف وانا برده واقف زي الناس و احد ب عربية مرسيدس خنزيرة دخل فيا من الجنب بس حسيت بهبدة جامدة المهم وقفته و نزلت ابص لاقيت عندي مفيش حاجة البوية بتاعته بس طالعة عندي يعني بكمباوند اشيلها و الحمد لله

مش عارف في ايه كل ده يومين ورا بعض
انا سألت علي الفانوس الخلفي في التوكيل ب 350 جنيه و للاسف مالوش وش بلاستيك لأن انا عندي اللي اتكسر الوش الشفاف بس و اسف طولت عليكوا

لا حول ولا قوة الا بالله
قدر الله وما شاء فعل المهم انك بخير ربنا يحفظهالك انت وجميع المسلمين
معلش عايز بس اذكركم ونفسي بان تحافظ علي قول اذكار الصباح والمساء كل يوم وان شاء الله تنجو من كل المصائب دي ولكن المهم انك تقولها وانت حاضر القلب وعند بداية ركوبك للسيارة ابدأ دائما بقول " بسم الله الذي لا يضر مع اسمه شيء في الأرض ولا في السماء وهو السميع العليم " ثلاث مرات
والله المستعان

ربنا يعوضك خير بإذن الله .. معلهش بقى هي دي مصر هانعمل إيه .. بقى تتحجز و انت المخبوط !!!
تعالوا نشوف إيه اللي بيحصل في السعودية مثلا مش هاقول أمريكا و لا السويد و لا العالم دي:

- تحصل الحادثة و الناس تتصل بالشرطة اللي و يالا العجب بترد على طول و من أول مرة
- تقريبا في 5 دقائق بيكون فيه عربية شرطة و أول ما ينزل الشرطي بيطمن على الناس و بعدين يفتح محضر معاينة و يقرر مين اللي غلطان و ياخد منه كارت التأمين و بعدين يقول للاتنين مع السلامة
- اللي اتخبط بيروح القسم ياخد جواب بتقدير الخسائر عند ورش معتمدة في المرور و تقدير الخسائر بيبقى يا إما تصليح الوكالة يا إما تعويض كامل عن العربية لو الخبطة كبيرة
- بعد معينة الخسائر و تقدير التعويض اللازم من قبل فنيي الورش المعتمدة .. الراجل اللي اتخبط بياخد الظرف المقفول -ميعرفش قيمة الاصلاحات كام- و يرجع تاني للقسم
- في القسم بيفتحوا الظرف و يدولوه إذن صرف المبلغ المستحق من شركة التأمين
- ياخد الاذن و يروح لشباك شركة التأمين -اللي في نفس القسم بس عشان الناس ما تتعبش- يصرف فلوسه و يمشي يصلح عربيته في الحتة اللي تعجبه.

انا عاوز أعرف بقى الإتاوة اللي مسمينها تأمين إجباري عندنا دي لزمتها إيه؟؟ دا انت لو قريت الشروط تقريبا استحالة تعرف تصرف قرش صاغ واحد في جميع الاحوال.

طب يا سامح إنت كبرت دماغك و مشيت عشان ما تتحجزش .. انا بقى اتصلت بالشرطة و قعدت متابعهم حوالي 3 ساعات على التليفون و لغاية دلوقت ماجوش !!!

واحد حكالي على موقف بصراحة و رغم إعتراضي على الطريقة إلا إنها الحاجة الوحيدة اللي تمشي في البلد دي:
- واحد راكب عربية جيب دخل في واحد قدامه و كسرله الفوانيس الخلفية و طبعا بتاع الجيب عشان العربية عالية محصلوش حاجة .. الراجل اللي اتخبط نزل بص على الفوانيس و لقى التاني محصلوش حاجة و بيتعامل معاه بمنتهى البرود و الجليطة و كأنه هو اللي غلطان !! راحل الراجل اللي اتخبط جايب عصاية كانت معاه في الشنطة و كاسر الفانوسين الاماميين بتوع الجيب و قالوه خالصين يا باشا .. طبعا التاني على ما فاق من اللي حصل تقريبا الأولاني كان وصل بيتهم.

عشان اللي بيحصل ده و عشان محدش بياخد حقه في البلد دي تلاقي الناس بتزعق و تتخانق و تكسر في بعض لكن في الدول التانية الناس بتنزل تتطمن على بعض و بمنتهى الهدوء بيستنوا الشرطة تفصل في الموضوع.

اقتباس:

---

المشاركة الأصلية كتبت بواسطة ehab_mansour

لا حول ولا قوة الا بالله
قدر الله وما شاء فعل المهم انك بخير ربنا يحفظهالك انت وجميع المسلمين
معلش عايز بس اذكركم ونفسي بان تحافظ علي قول اذكار الصباح والمساء كل يوم وان شاء الله تنجو من كل المصائب دي ولكن المهم انك تقولها وانت حاضر القلب وعند بداية ركوبك للسيارة ابدأ دائما بقول " بسم الله الذي لا يضر مع اسمه شيء في الأرض ولا في السماء وهو السميع العليم " ثلاث مرات
والله المستعان

---

حافظ على أذكار الصباح وأذكار المساء

الف شكر يا جماعة لكل الناس اللي ردت و ياريت يا جماعة لو حد بيفهم في القانون يعرفنا ايه الحكمة في ان عربيتي تبقي مخبوطة و عشان اخد حقي اتحبس الاول تيجي ازااي دي ده عقاب يعني عشان عربيتي اتخبطت ولا عقاب عشان اصلا فكرت اخد حقي و هاتعبهم و اخليهم يكتبوا محضر

اقتباس:

---

المشاركة الأصلية كتبت بواسطة mr_shims_49

الف شكر يا جماعة لكل الناس اللي ردت و ياريت يا جماعة لو حد بيفهم في القانون يعرفنا ايه الحكمة في ان عربيتي تبقي مخبوطة و عشان اخد حقي اتحبس الاول تيجي ازااي دي ده عقاب يعني عشان عربيتي اتخبطت ولا عقاب عشان اصلا فكرت اخد حقي و هاتعبهم و اخليهم يكتبوا محضر

---

زي لما لاقدر الله بتلاقي واحد مخبوط في الشارع و تنقلوا المستشفي و يموت تبقي انت حياتك انتهت لانك شهم
عادي دي ناس حافظة مش فاهمه لو كان ليك اي معرفه هناك ( واسطة يعني ) كان المحضر جالك لحد البيت عادي
ابقي غيرشركه التامين في شركات بتعمل المحضر لو التلفيات اكترمن 5000 جنيه يعني الخبطات العاديه ابقي اامن مع النوع دة احسن
بس الله يباركلك بلاش الكلام في الموبيل و انت سايق ملوش اي لازمه لان الحمد لله انت كنت ماشي علي سرعه خفيفه فالخبطة جت بسيطة اتعلم نها و بلاش الموضوع د تاني اي مكالمه ممكن تستني لما توصل او علي الاقل مش عيب انك تركن علي جنب و تتكلم او هات بلوتوث حفاظا عليك و علي غيرك لان دة كان ممكن يبقي واحد معدي الشارع مش عربيه

و الحمد لله علي كل حال العين فلقت الحجر ربنا سترها معانا كلنا .

اقتباس:

---

المشاركة الأصلية كتبت بواسطة mohamed_momi88

زي لما لاقدر الله بتلاقي واحد مخبوط في الشارع و تنقلوا المستشفي و يموت تبقي انت حياتك انتهت لانك شهم
عادي دي ناس حافظة مش فاهمه لو كان ليك اي معرفه هناك ( واسطة يعني ) كان المحضر جالك لحد البيت عادي
ابقي غيرشركه التامين في شركات بتعمل المحضر لو التلفيات اكترمن 5000 جنيه يعني الخبطات العاديه ابقي اامن مع النوع دة احسن
بس الله يباركلك بلاش الكلام في الموبيل و انت سايق ملوش اي لازمه لان الحمد لله انت كنت ماشي علي سرعه خفيفه فالخبطة جت بسيطة اتعلم نها و بلاش الموضوع د تاني اي مكالمه ممكن تستني لما توصل او علي الاقل مش عيب انك تركن علي جنب و تتكلم او هات بلوتوث حفاظا عليك و علي غيرك لان دة كان ممكن يبقي واحد معدي الشارع مش عربيه

و الحمد لله علي كل حال العين فلقت الحجر ربنا سترها معانا كلنا .

---

الف شكر علي ردك و اهتمامك يا باشا و ان شاء الله هاجيب بلوتوث او حتي ابقي اخد معايا الهاند فري العادية اهي ارحم من اني امسك الموبايل برده و متشكر جدا لنصيحتك
و الحمد لله ربنا و ربنا يسترها معانا جميعا :ask:

و اصلا شركة التامين اللي انا مامن معاها مش فاكر اسمها ايه لما انزل العربية هاشوف الوثيقة و اقولكوا لأني ل معايا رقم تليفونهم ولا اعرف عنهم اي حاجة انا عشان كنت جايب العربية قسط المصرية هما اللي عملولي الوثيقة معاهم فاهاجيبلكوا الاسم لو حد يعرف عنها حاجة يفيدني
و موضوع الفانوس ده اصلحه انا و خلاص مش مستاهلة ولا ارحلوهم صاحبي بيقولي رحلوهم طبعا امال انت دافعلهم فلوس ليه

أخى العزيز هناك تعديل بسيط طرأ على أغنية الفنانة شادية و هو تعديل اسم الأغنية
من
"اصلو معداش علي مصر"
إلى
"أصلوا كان عايش جوا مصر"
و يرجع الفضل فى هذا التعديل إلى المنتخب و التعليم و الشعب

يالهووووووووى ياساااامح ايه ده اللى حصل دانت خت عين من الأخر شبه اللى انا ختها قبل كده

بس مضايقش نفسك اكيد والله فادت حاجة اكبر كان ممكن تحصل وانت ماشى على رجليك والحمدلله انها حاجات خفيفة انا عارف انها تضايق لأن العربية جديدة بس الحمدلله انها جت على قد كده
بس فعلا اللى ضايقنى موضوع الحادثة والنيابة ده لأنه حصل معايا قبل كده وكان واحد بفسبة خبطنى وكسرلى الفانوس والإكصدام والعربية اتحجزت وقتها وكانت مشكلة كرهتنى فى السواقة وفى البلد
وكسرتلى بردو ياسامح الوش البلاستيك بتاع الفوانيس اللى ورا ومابيتبعش بس عرفت انه بيتعمل عمولة فى جسر السويس او فى التوفقية
وهى بتيجى وقت كده ياسامح وبتبقى الخبطات ورا بعضها ودى بتبقى حسد على فكرة سيبها مخبوطة زى ماهى شوية انا كنت بعمل كده لأنى كنت كل مااصلحها تتخبط تانى فاكنت بسبها شوية

ومتزعلش نفسك والحمدلله انها مجتش فيك انت

الحمد لله على كل شيئ
وقدر الله وماشاء فعل
وربنا يوفقك

قدر الله وما شاء فعل المهم انك بخير