لسة شارى اكسيل 95 و 1500 سي سي بسعر 00 اية رايكم !!!

**osos38516** · 15-10-2009 12:47 AM

لسة شارى اكسيل 95 و 1500 سي سي شاريها رشة حوض و شنطة و الماتور محتاج طقم شمبر المفروض انة لسة جديد حيث قول البائع
القوائم سليمةو فيها لحامين صغيرين فى الشاسية من تحت غير لحام الحزام الى الميكانيكى بتاع البنزينة بيقول انة موجود فى كل العربيات الهيونداى وانة عيب فى الصنع !!!!
زجاج كهرباء و مانيوال و 1500 سيسي فتحة شنطة و تنك من الداخل موديل 95 اشتريتها 27 الف اية رايكم !!!!!!!!!!!!!!!!
لقد طلب فى البداية 30 الف
اية رايكم !!!!!!!!!!!!!!!!!!!
لو حد عندة فكرة لو حبيت ارخصها بأسمى تتكلف كام تقريبا

**jojooo** · 15-10-2009 01:27 AM

مش عارف هو المفروض اقول فى الاول الف مبروك
بس اية اللى خلاك تشتريها انا مش شايف انها فرصة كويسة بلحالة دى
انت ممكن كنت تشترى حاجة سليمة بس اقل غلشان حتى لما تفكر تبيع فى المستقبل يكون سهل
واسف انا عارف انى المفروض ابارك بس..........

**tarekmomo** · 15-10-2009 02:03 AM

لا طبعا ما تشتريهاش رشة حوض وشنطة وبتقول القوايم فيها لحامين وبتقول فيها لحام فى الشاسية فاكيد العربية دى عملة حادثة قبل كدة وكدة هى معيوبة

**jojooo** · 15-10-2009 02:13 AM

المشاركة الأصلية كتبت بواسطة tarekmomo

لا طبعا ما تشتريهاش رشة حوض وشنطة وبتقول القوايم فيها لحامين وبتقول فيها لحام فى الشاسية فاكيد العربية دى عملة حادثة قبل كدة وكدة هى معيوبة

هو الراجل قال انة اشتراها خلاص

**memononos** · 15-10-2009 04:05 AM

الف مبروك يا باشا وان شاء الله تظبطها على ايدك وتبقى زى الفل

**mxz911** · 15-10-2009 10:03 AM

الاول ...الف مبروك يا باشا

بس يعنى كان لازم حضرتك تستشير حد كويس او بيفهم حلو ف العربيات .. او تشرفنا فى المنتدى هنا ... لان بالسعر ده كان ممكن تجيب حاجه مش راشه داوخل !

**نور القمر** · 15-10-2009 07:13 PM

قدر الله وماشاء فعل
ربنا يبارك لك فيها ويكفيك شرها وكل واحد بياخد نصيبه

**osos38516** · 15-10-2009 07:46 PM

شكرا لرد حضراتكم و لية سؤال عربية بالمواصفات دية تساوى كام من وجهة نظركم

**mxz911** · 15-10-2009 08:10 PM

ربنا يباركلك فيها فعلا .. ..

عربيه زى دى و من غير تكيف وياريت كلامى ميزعلش حضرتك .. انها لا تتجاوز ال 21 الف

مع العلم ان 21 الف تجيب ريجاتا مكيفه وفابريكه دواخل بالكامل ... بس الفرق ان الهيواندى اجدد والمفروض انها بتكنولوجيا احسن ف الاتنين هيبقوا نفس السعر تقريبا