بسم الله الرحمن الرحيم

معروض عليا العربيه دي وبصراحه عجباني بس عايز اعرف تسوى كام
عربيه تيوتا كورولا 2004 1300 سي سي عامله 45000 كيلو خليجي
كامله أوتوماتك - تكييف - باور - اير باج - زجاج كهرباء - مريات كهربه وضم كهربه
مفتاح ريموت وواحد عادي
فابريكه بره وجوه فيها شوية الخرابيش العاديين من بره مافيهاش قلم بوهيه
الصالون حالته ممتازه مفيهاش اي حاجه مش شغاله طبعا الكاسيت الأصلي إسطونات وشريط
الأسطونات ضعيف شويه بس هو بيقول محتاج تنضيف بس
الفرش الأصلي ممتاز وعليه كسوه جلد تعبانه
السقف تحفه الدواسه جيده جدا
راكبلها اربع جنوط سبور 14 ظراف
الأستبن جديد جنط عادي
الشنطه بتاعتها من كتر النضافه فيها ريحة الفبريكه
العربيه انا جربتها
وهي محمله 5 ركاب جابت 180 والتكيف شغال على 4
التكيف بتعها تلاجه يعني لو راكب فيها لوحدي مبستحملوش على 1
ثباتها على الطريق روعه
الصيانه كلها فالتوكيل
الراجل بيحلف مش مغيره اي حاجه غير الحاجات الدوريه
فيها رخصه سنه - أول مالك
فيها شرخ صغير في البربريز اللي قدام
الفانوس الشمال قدام فيه خبطه خفيفه مش مكسور مشروخ بس
الفانوس الشمال اللي ورا فيه شرخ
محتاجه تيل فرامل
مفيهاش فوانيس شابوره ( فوج لايت )


أرجو سرعة الرد عشان صاحبها بيبيع وممكن تطير من ايدي