مطلوب تسعير كورولا 2004 على وجه السرعه

**Karim_Monir** · 16-10-2009 03:27 AM

لاء كتير يعني توبها فعلا 78 او 80 لو انت عايزها
زميلي في الشغل باع 2007 اتوماتيك مفيهاش قلم بوية سوداء ماشية 30 الف كم من اقل من شهر ب 102 الف
وانا عربيتي ماشية 50 الف 2007 مانيوال جابتلي 90 عشان مركب فيها حاجات كتير قوي تمنها اكتر من 7 الالاف جنية

**sharky_ind** · 17-10-2009 01:47 AM

حاولت والله مع الراجل بس مفيش فايده
مصمم على ال 85 وغلبت معاه
هو اول ما إتكلم قال 88 ونزلناها ل 85
وهو مستني ردي على الخميس اللي جاي

**mr_sameh** · 17-10-2009 01:55 AM

85 غالية وسيبك منها ومش هيا العربية الوحيدة اللي صناعتها تويوتا يعني هتلاقي زيها واحسن منها وممكن يكون اقل في السعر كتير نصيحة متستعجلش ودور وشوف عربيات كتير وانشاء الله تلاقي حاجة كويسة

**medo_2060** · 17-10-2009 02:05 AM

حرام والله العربيه دى ماتشتاهلش السعر دا مع احترامى لكل الناس السبب الوحيد ان سعرها عالى اوى كدا ان الناس بتشتريها وهى مغمضه وخلاص ومفكرين انها مستحيل يبقى فيها غلطه بس بعد الشكل الجديد والفتيس الى كان فيه مشاكل بدأت نظره بعض الناس تتغير بس مش كلهم للاسف

رأى الشخصى ماتتدفعش 85 الف فى عربيه مستعمله ولو مرسيدس هات نيسان صنى زيرو احسن واسمها زيرو ويابانى برضه وربنا يوفقك

**mohamedbook** · 17-10-2009 12:52 PM

انزل السوق ونت هتعرف اذا كان تمنها مبالغ فيه ولا لا
اعتقد ان تمنها معقول بردوا
وسيبك من الي بيقلك متستهلش الحقيقة والواقع غير الخيال والكلام بدون خبرة
انزل ونت هتلقيها في الحدود دية وحلتها مش حلوة كمان
اعمل استخارة وبعدين روح والي فية الخير يقدمة ربنا

**ahmedsherif81** · 17-10-2009 01:35 PM

برجاء التحدث باسلوب افضل
وعدم التهكم علي الاعضاء
مشرف عام 3

**TOOLA** · 17-10-2009 03:24 PM

بص متهيالى الكلام المفيد فى الموضوع ان الحالة الممتازة مابتتعوضش (مش الحالة الجيدة جدا) الممتازة ديه يعنى هتجيبها مش هتصرف عليها مليم ولا حتى فرد كاوتش, فلو انتا ناوى تركبها سنة و تبيع يبقى ماتنفعكش, لاكن انتا لو نيتك تجيب حاجة تبقى معاك ان شاء الله و كمان انتا مش مزنوق فى الفلوس يبقى استخير و توكل على الله, لان الحالات الممتازة نادرة اوى و مش أى حد هيسيبك تجرب العربية و تجرى بيها كمان الا الواثق أوى فى عربيتو, و فى الأخر انتا الشقت العربية و كشقت عليها كويس المفروض و انتا اللازم تحكم, فلو شاكك فى أى حاجة ماتحاولش تدفع مبلغ مش مقتنع بيه, لاكن لو واثق 100 % يبقى توكل على الله 2000 أو 3000 زيادة مش قصة فى عربية انتا ناوى تخليها معاك مدة

**mohamedbook** · 17-10-2009 07:20 PM

المشاركة الأصلية كتبت بواسطة ahmedsherif81

برجاء التحدث باسلوب افضل
وعدم التهكم علي الاعضاء
مشرف عام 3

حضرتك موجة الكلام لمين بالضبط
ياريت تحدد من المقصود بهذا الكلام عشان كل واحد يعرف ما مدي ردة علي الاخرين مش كل واحد يفتكر ان هو بيتكلم بالطريقة الي بتاول عليها
شكرا لمشرف عام 3

**ahmedsherif81** · 17-10-2009 07:29 PM

انا بقصد ان الي يقول العربية دية ب قرش مش ب5 قروش وان السعر الواقعي ليها 4 قروش يساعد الراجل ويجب واحدة نظيفة للراجل مش يضيع الحالة الشازة دية منة وخلاص ما انني الاحظ ان بعض الاعضاة بيدخلوا ينقضون الاسعار وبس
عملةا كدة معايا وانا كنت يابيع عربيتي وبعتها باكتر مما قالوا ب5 الاف جنية لانها حالة شاذة