عاوز ابيع 127 top ايطالى

**amrc25** · 15-10-2009 03:10 PM

العربيه متزبطه
مو 79
عمرة موتور ريداتير ومروحه اونو بطاريه جديده
جنوط وفرش جلد
انزار سنتر زجاج كهرباء وحده رفع
رخصه سنه باسم صاحبها
مطلووووب 15000 ان شاء الله
الاسكندريه 0122553218

**ah-gawad** · 15-10-2009 05:16 PM

و الله يا ريت لو السعر النهائي كام انا من الاسكندرية و جاد في الشراء

**ramyworm** · 15-10-2009 05:29 PM

انا مش عارف اقولك ايه الصراحة انا بدور على عربية وفلوسي جاهزة الحمدلله واتفرجت الاسبوع اللي فات على عربيات كتير بس اول مرة تصادفني عربية 127 توب بالسعر ده . وبالنسبة للتظبيط والكلام ده انا جنب بيتي فوق العشر عربيات 127 توب متظبطين بدرجات متفاوتة في من اول التظبيط في الشكل بس لغاية التظبيط في كله عفشة كوني و تسقيط موتور و تشارجر و مواتير تربو لكن برضه مفيش عربية فيهم وصلت للسعر ده (على فكرة انا من اسكندرية برضه ) واعتقد ان مفيش 127 توب ممكن توصل للسعر ده غير عربيتين في اسكندرية واحدة لونها دهبي والتانية لونها احمر فاتح اوي ومعتقدش ان عربيتك واحدة منهم عشان دول الشكل القديم يعني موديلات اوائل السبعينات .
انا والله مش قصدي اني اخسف سعر عربيتك هيا فعلا كان سعرها كدة لغاية وقت قريب فيمكن حضرتك تكون مش متابع اسعار السوق كويس او يمكن يكون في عربيتك ميزة مثلا مش موجودة في الباقي .
عموما انت ليك مطلق الحرية فانك تقيم عربيتك بالسعر اللي يناسبك .
بس انا قصدي لو حضرتك عارضها عشان تشوف حتجيبلك كام والكلام ده فهيا صعب تجيب المبلغ ده لكن مين عارف يمكن حد يشوفها ويبقى غاويها ويدفعلك السعر اللي انت عاوزه .
عموما لو حضرتك جاد في البيع انا جاهز للشراء بس ياريت تقولي هيا سبورت (1050 سي سي ) ولا عادة ولو ممكن صور ليها ونبقى نتفاهم على الخاص .

**aymansaad** · 15-10-2009 05:35 PM

ممكن صورة

**m000dy** · 15-10-2009 07:13 PM

اولا اقسم بالله انا ماداخل ابخس بسعر عربيتك
انا لسه بايع عربيتى توب موديل 74 من حوالى 10 ايام ومواصفاتها كالتالى
لون برتقالى لا تحتاج لدهان
صاج مسطره واكصدامات اصلى جديده ( ب 950 جنيه نيكل )
جنوط المانى سبور اصلى محفور عليهم Made in Germany وبالكود
كراسى جلد طبيعى
تابلوه جديد
كاسيت وسماعات بيونير اصلى
عمرة موتور من سنه وعفشه جديده كامله من اقل من 6 شهور
2 كاوتش امامى جديد وخلفى استعمال ماغيرتهمش
بطاريه فى الضمان
طرمبة ميه وردياتير انتيمونيا اتنين ماسوره اوردونيز
تاره سبور
فوانيس جديده بالكامل وكتاوت تعلية نور ولمبات زيبق 260

بعتها ب 8500 جنيه
وانا راضى وربنا يبارك للى خدها
ملحوظه العربيه كان فيها بارومه بسيطه جدا فى جناب الشنطه ورا وفى الكرف اللى جنب الازاز ومايكلفوش اكتر من 150 جنيه
حلال على اللى خدها وربنا يباركله ويكرمنى باحسن منها ان شاء الله

ورحم الله امرء سمحا اذا باع سمحا اذا اشترى
وربنا يكرمك ببيعه بالتمن اللى انت عاوزه
وللعلم العربيه دى من احسن ما انتجت شركة فيات فى الحجم وقوة التحمل وسهولة الصيانه واقتصادية التشغيل وعربيه اقل شغل فيها يظهرها ومن رايى ماتنفعش الا لشاب

**amrc25** · 17-10-2009 12:12 AM

على فكره العربيه على حالته من كام يوم جايبه 13000 وواحد عارف العربيه مش غريب باس انا هابعها ان شاء الله اغلى من كده

**amrc25** · 17-10-2009 12:14 AM

العربيه على فكره 1050 الموتور الكبير وانا مغير الكبود والشنطه والبابين استيراد

**ramyworm** · 17-10-2009 12:29 AM

على فكره العربيه على حالته من كام يوم جايبه 13000 ... بس انا هابعها ان شاء الله اغلى من كده

!!!!!!!!!!!!!!!!!!!!!!!!!!!!!!!!!!!!!!!
ربنا يوفقك في بيعها
ولو انت مش ناوي تبيعها للراجل اللي عاوزها ب 13000 ابقى قولي عليه وانا حفرجه على عربية يدفع فيها 23000 ومش حنساك يا عم في الحلاوة .

**disha_2020** · 16-11-2009 10:38 PM

لو سمحت اللى بيقول هوا من الاسكندريه وعنده عربيات 127 متفاوته يعنى و فيها سوبر تشلرجر وكده انا من اسكندريه وعاوز اجى اتفرج عليهم انا بردوا معايا واحده توب المانى 1050 موديل 79 وعاوز اجى اتفرج على التانين دول لو سمحت