علبة البيئة .. للـ م/ سمير عياد (أبو أحمد )

**tompina** · 15-10-2009 07:51 PM

بعد ما قطعنا الشوط بتاع الياي .. ـ كالعادة ـ في حاجة تاني وهي إن العربية لسه مخنوقة .. وزميل عزيز في المنتدى أشار علي بعلبة البيئة ..
أفكها وأكسرها بسيخ حديد ـ من جوه طبعا ـ وأركبها تاني ..
ماشي .. أنا رحت لبتاع الشكمان قاللي لأ .. إحنا بنكسر المادة وبنفضي العلبة من اللي فيها خالص عشان الرايش بتاع الكسر لو سبناه هايسد بالقي الشكمان بعد فترة ..
أعمل إيه أنا دلوقت ؟
أكسر المادة وأسيبها فيها وللا أفضيها من المادة خالص ؟ ولا بلاش كده أساسا ؟
ولو حوشت المادة الأسمنتية دي لما أفحص في المرور الجهاز بتاعهم .. هايشم عادم وللا الحكاية هاتعدي؟
طبعا إنتوا فاكرين موالي مع غسيل الشكمان بالمية
أنا عارف إن الباش مهندس سمير موجود دلوقت وممكن يشرفني برده

**ahmad--ezzat** · 15-10-2009 07:53 PM

شيل العلبه خالص وركب ماسوره اريح واوفر...

**samirayad** · 15-10-2009 07:56 PM

شوف يا أستاذنا
ريح دماغك خالص
وشيلها وحط مكانها ماسوره بفلنشتين بنفس الأبعاد
والموضوع حيكلفك فى حدود 60 ج
وكده كله حيبقى تمام (سحب ووفره بنزين كمان )
وخللى العلبه معاك على ماتبعها
ناس باعتها بحوالى 200 ج لأن فيها سبيكه من البلاتين تقريبا
بس بلاتين مش من اللى بالى بالك
أحسن الأسم يخض برضه

ههههههههه

**tompina** · 15-10-2009 08:03 PM

هو ياسر قاللي إنه يفضيها من..... ـ ياسر مين ؟ بتاع الشكمان طبعاً ـ ....يفضيها من الفحم ـ على حد قوله ـ ويركبها تاني وياخد 30 جنيه ..
إيه رأيك؟

**samirayad** · 15-10-2009 08:06 PM

لا متسمعش كلامه فى حتة فضيها دى
كده أنت حتعوق حركة العادم
وحتعمل علبه فى النص بدون داعى
وسيبنا من الأختراعات اللى ملهاش أساس علمى

تصميم الشكمان فى الدايو
أما من غير علبة بيئه أساسا
أو مع وجود علبة بيئه
وبما أنها باظت
يبقى خلينا بدون علبة بيئه
وده وارد فى كتالوج الدايو

**tompina** · 15-10-2009 08:18 PM

مش عارف من غيركم كنت عملت إيه .. ربنا يخليكم للغلابة اللي زيي

**samirayad** · 15-10-2009 08:19 PM

الله يخليك

أنت البركه كلها يا باشا

**tompina** · 15-10-2009 08:22 PM

تسلم لنا

**BISHOY_NUBIRA** · 15-10-2009 08:30 PM

انا لسه مصلح علبه البيئه امبارح كانت مخبوطه وبتعمل صوت عالى وبتاع الشكمانات فكهالى وراح مركب جواها حته ماسوره على قدها بعد ما عمل جواها نجمتين عكس بعض علشان الهوا لما يخرج ما يعملش صوت ولحمها من جوه وعدلهالى من بره وركبها تانى ومش باين ان حاجه حصلت خالص واخد 20 جنيه وكان فيه واحد تانى قالى حعمل نفس الكلام وحاخد 60 جنيه بس ده علشان معرفه وانصحك ماتدهاش للى بيقولك حفضيها ده لان الكربون الى فيها غالى جدا وبيبعوه وعلى فكره انا سألت عليها جديده ب850 جنيه واستعمال خارج ب350جنيه وبعد ما عملتها مافيش صوت خالص ولا دخان ولا اى حاجه غير شويه ريحه وحشه شويه فى الأول علشان الماسوره جديده بس وشويه وبتروح الريحه خالص
ويارب اكون افدتك