الموضوع: بوجاتي فيرون 2009 .... اللي بيخاف يروح

المشاركة الأصلية كتبت بواسطة terrible_darsh

سرعتها القصوى 407 و ماجبتش اسرع من كده مع انهم كانوا قادرين يزودوا سرعتها القصوى ..

لا صدقنى فريق العمل لم يبخل بأى فكره فى سبيل رفع الاداء لكن ده اخر حاجه قدرو يعملوها , وبعدين ظهرت مسرحيه ان فريق العمل اكتفى بأرقام الاداء الحاليه اللى هتضع فيرون فى مقدمه المنافسه حتى صدور النسخه الجديد من سياره بوجاتى الخارقه

المشاركة الأصلية كتبت بواسطة ENG\AHMED

السرعة محددة الكترونيا عند 407 .. ان شوفت كليب لها بتقفل ال 407 عند 5000 RPM!!! يعنى تعلى عن ال 407 كمان وبكتير

لا يا بشمهندس مش محدده الكترونيا , المعلومه دى لو بصيت فيها فى ال official release بتاع العربيه هتلاقى مكتوب نظريا , ونظريا اى عربيه فى الدنيا ممكن توصل ل 1000 كم فى الساعه المهم التنفيذ

العربيه فى بدايه العمل فيها كان ليها تصميم مختلف وكان على الورق ان الموتور هيكون W18 وبعدين حصل فشل فى التجارب وتنازلو عن الفكره بفكره ال W16 عن طريق دمج الماتورين ال 8 سلندر وكان المعتقد ان هيطلع خرج قوه حوالى 1500 حصان لكن فى التنفيذ جاءت الرياح بما لا تشتهى السفن

القوه الفعليه للمحرك لم تتعدى حدود ال 1060 حصان وبعد اضافه بعد التعديلات علشان الحفاظ على البيئه بقت 1001 حصان وفى اختبارات الاداء العربيه لم تتعدى ال 340 او 360 مش فاكر قوى وطبعا دى كانت كارثه لأن الهدف بتاع المشروع كان تخطى حاجز ال 400 كم فى الساعه , التصميم اتعدل كليا واصبح انسيابى جدا علشان يعمل فرق كبير فى المقاومه فالعربيه توصل للسرعه المطلوبه ومع ذلك السرعه لم تتعدى حاجز ال 407 , لو قريت برده اعلان الشركه هتلاقى مكتوب ان فى التجارب الاوليه العربيه كانت بتوصل لسرعات مرتفعه لكن مستوى الثبات كان خطر جدا فتم تعديل التصميم

يعنى العربيه ده اخرها خالص ومش هتجيب اكتر من كدا وبقالهم سنتين دلوقتى عمالين يقولوا هنرفع السرعه ولا شوفنا اى تجارب حتى , حتى كل النسخ المحدوده اللى نزلت مفيهاش اى تعديل فى الاداء

حاجه كمان ملهاش علاقه بموضوع السرعه , فعليا البوجاتى فيرون تمتلك احد افشل المحركات اللى حصلت فى تاريخ العربيه السوبر

16 سلندر , 8 لتر , 4 تربو تشارجر = 1001 حصان بس فى حين فى عربيات 8 سلندر بتربو واحد بتعدى الألف حصان عادى جدا وعزمها بيعدى ال 1500 نيوتن

المشاركة الأصلية كتبت بواسطة eng\ahmed

ممممم .. طيب تفسر باية انها بتجيب ال 407 على 5000 rpm تقريبا

فى اختبار السرعه القصوى اللى عمله جيمس ماى فى توب جير كان عداد ال rpm على 6100 تقريبا , ولو شوفت مواصفات المحرك هتلاقى ان اعلى خرج للقوه عند 6000 rpm ودى حاجه تانيه تثبت انها فعلا غير محدده الكترونيا

الف شكر على الصور الحلوة دي

هية من جوة أحلى من برة كتير

انا أميل أكتر للكلام اللى بيقول إنها سرعتها آخرها 407 وليست محددة الكترونيا

لأني قرأت بعض المعلومان التي تفيد ذلك إلا أنها من مصادر مختلفة ليست موثوق منها

ولكن معوماتي المؤكدة عنها = صفر