-
ستر ربنا و خرطوم البنزين
السلام عليكم يا اصدقائى الأعزاء
النهارده نازل من البيت فى امان الله و توكلت عليه و جى اركب العربية اللى هى بالمناسبة شامم ريحة بنزين بقالى 3 ايام بس بعد ما حط بنزين و الموضوع مش فى بالى خالص - جاى اركب العربية لقيت اخويا زقها لازقها فى الحيطه و مش هينفع اركب - فتحت الباب اليمين و دورت و انا واقف بره على اساس اكسر العجل و اركب من مكانى عادى
سمعت صوت فسسسسسسسسسسسسسسسسسسسسسسسس سسسسسسسسسسسس بس جامد قوى ببص تحت العربية لقيت بركة بنزين محترمه فى اقل من 10 ثوانى - 30 ثانية و الريحة بقت ايه ماليه الدنيا و البركه بقت على ما بصيت و طلعت طفيت العربية حوالى 3 او 4 لتر
بطلت العربية و جيت خرطوم الماية من الحوش و غرقت الأرض بدل ما حد غبى يرمى سيجارة و لا طافيه و الدنيا تولع و اتصلت بالميكانيكى بتاعى جالى على طول
ندور مفيش صوت - نبص تحت العربية مفيش بنزين - الواد هيتجنن قلتله بص انا عارف اللى انا شفته عشان انا كنت شايل الكنبة و البلاستكه السودا عشان اشوف البنزين منين و لقيت التنك بحر بنزين من عند خرطوم الطرمبة
قلتله فك قالى فكه مقرف لأنه واخد الكنبه كلها و لازم حد يفك الشكمان اتكلت على الله - ربنا يصبر مراتى لأن القميص ابيض و البنطلون بيج - و رحت نايم تحت العربية اشوف الموضوع فضلت متابع بعينى الخرطوم لغاية ما وصلت انى افك الأفيز اليمين و اسقط الجنب بتاع التانك و اسلك الخرطوم و اشده من فوق
ربنا سهلها و الميكانيكى معايا و يا لهول تلك الصاعقة الخرطوم مفيهوش حتة سليمه كله مشقق و مخرم و حالته زى الزفت
رحت جبت خرطوم عادى بالأفايز ب 13 جنيه و ركبته و الحمد لله و الميكانيكى عشان حبيبى اديته 15 جنيه و جبت 10 لتر بنزين لأن العربية كانت فى الهوا ب 38 جنيه
و الحمد لله رب العالمين
و دى حكايتى مع الخرطوم
-
الحمدلله ع سلامتك ياباشا كويس انك لحقتها ع م ناولها
وبعدين ازاي حصل دا معقله كدا مره وحده
-
هو دايب بس مع الركنه البنزين بيطير فالخرطوم ينشف يفتح
اول البنزين ما يمشى يطرى تانى و يبتدى يقفل
-
الحمد لله يا باشا على قد كده
وجت سليمة
واللى يجى فى الريش بقشيش
والنصر لمصر
-
حمدلله علي سلامتك يا باشا وسلامة العربية
سؤال بعيد شوية عن الموضوع، ال١٠ ليتر ازاي يعملوا ٣٨ جنيه؟؟؟
-
-
في حاجة تانية انت فكرتني بيها كان واحد قريبي عملها في عربيته و بيقولي فرقت كتير في استهلاك البنزين..
كلن عمل كده فعلا زي ما انت عملت. غسر كل الخراطيم اللي البنزين بيمشي فيها من اول التانك لحد الموتور قدام.. و فعلا من الوقت و السخونة و كده بتنشف و تشقق و يطير البنزين منها
نصيحة لكل الناس اللي عربياتها بقالها سنين كتير تعمل الموضوع ه هيحسوا بفرق واضح في استهلاك البنزين..
(انا نفسي لسة معملتش الموضوع ده.. بس انا استهلاكي مش كبير اساسا.. و حركتي بالعربية محدودة جدا..)
-
-
-
حصل معاية نفس القصة بظبط بس الفرق انها كانت عربيتى القديمة
ونصيحة منى انتقى الخريطيم الجديدة لانى جبت 3 انواع وكلهم باظو ما بين كل تغير حوالى شهر ونص تقريبا وكل مرة مش القميص لا التشرت بالبنطلون بياء انا شخصيا بكون خلاص على اخرى واخرهم انبارح ولدتى عربتها عطلت رحتلها على طول ابل الفتين بتوع الشارع ميلعبو فى العربية المهم وصلت لقيت الكبوت مترب وحلتة حالة كشفت على كل حاجة وتاكت ان فى مشكلة فى ضورة البنزين طبعا عنا الفك فى وسط الكبوت موديل 2000 متفتحش ابل كدة اكوام تراب المهم بعد عنا فكيت العمة وابتديت اشفط بنزين لغايت لما نفسى اتقطع واكتشفت ان الفلتر مسدود مع ضعف شديد فى طرنبة البنزين المهم ضارت ومشينا
خلى بالك ياطنانى انواع الخرطيم قلى فى سوق معظمها مضروب وهيبوظ بسرعة هى دية المشكلة فعلا لانى عنيت المشكلة دية فى عربيتى القديمة كذا مرة لغايت منذلت وسط البلد وجبتهم امريكى غلين حبتين بس ريحت دماغى وحمداللة على السلامة وتعيش وتدوب ياباشا
Content Relevant URLs by
vBSEO 3.6.0 PL2