طيب و ليه لما بياخدوا حقهم ميدونيش حقى
و فعلاً جمال السادات و ليس طلعت انا اسف
عرض للطباعة
طيب و ليه لما بياخدوا حقهم ميدونيش حقى
و فعلاً جمال السادات و ليس طلعت انا اسف
بالنيابة عن طاقم عمل اتصالات باحب اعتذر لحضرتك
و احب اوضح لحضرتك الوضع عامل ازاي في فريق أو فرق العمل المسؤولة عن دعم الأنظمة ......
احنا شغالين ليل نهار ...... فيه فريق عمل مسؤول عن مراقبة الأنظمة 24 ساعة زي القسم بالظبط
و فيه فرق عمل تانية على مستوى تقني عالي جدا شغالة 8 ساعات ..... بس في نفس الوقت بيبقى فيه شخص دايما من كل فريق عمل on-call يعني بيكلموه لو فيه مشكلة و بيشتغل من بيتهم أو بييجي الشركة لو المشكلة كبيرة .....
مما يعني ان اي مشاكل بيتم التعامل معاها في اسرع وقت ممكن و في نفس الوقت احنا ما بنبطلش شغل صبح و ليل
معلش اللي صادف حضرتك سوء حظ ان كان فيه مشكلة في النظام في وقت ما حضرتك دفعت مما أدى لعدم دخول المدفوعات من نظام نقاط البيع لنظام الفوترة بشكل فوري كما هو متعارف عليه
و اعتذر لحضرتك ...... صدقني الاعطال ما بتبقاش مقصودة و لا بسبب اهمال ....... كل الانظمة في العالم عرضة للعطل و صدقني احنا ما بننامش على تصليح الاعطال ...... بس ساعات التصليح بياخد وقت لاسباب لا علاقة لها بالاهمال ...... يعني محتاج تدخل من الشركة الموردة للنظام او جزء من سيرفر اتعطل و محتاج يتبدل ..... و صدقني أي موظف بيتهاون في العمل في مشكلة بيقابل جزاءات رهيبة جدا .......
و اعتذر مرة تانية ..........
بناء على تجربتي أيام الخط ماكان ب 1500على فكرة
أنا معاي 2 اتصالات و 2 موبينيل و 1 فودافون
الحمد لله كلهم كروت -- آال عشان اعمل كنترول.....ههههه
فعلا اتصالات بقالها كذا شهر الخطوط كلها زبالة:khd: فى كل الأماكن حتى لو يتتكلم و فوقيك برج تقوية برضه مش نافع - لازم الخط يفصل و المكالمة الصوت يروح خالص و بعدين يجي بقت عاملة زي موبينيل قبل إعلان القرد
أفضل شبكة نقاء صوت و عدم تقطيع هي فودا فون
و بعدين اتصالات أول ما طلعت بس - دلوقتى موبينيل
أفضل شبكة خدمة عملاء بدون منازع هى فودافون و خصوصا لو عملت شكوى بترد عليك ناس بتفهم و محترمة:biggrin2:
بالنسبة للحساب - فودا فون الكروت بتتاكل مش عارف ليه
موبينيل فيها البركة بس ساعات بيهبلوا وقت العروض
اتصالات دائما الرصيد بيقطع من غير ما تحس بس الرصيد بتتكلم بيه
أغبى ناس فى العملاء هما اتصالات بيفكروني ب تي اي داتا:khd: - بتحس انهم كمبيوتر مبرمج و ماتعرفش تاخد منه حق و لا باطل-- و بعدين موبينيل -- بيخافوا جدا من الشكاوي و الناس المتعصبة ههههه
على فكرة نظام خدمة العملاء للأسف فى مصر سيء جدا جدا جدا إلا ما رحم الله (شركات تتعد على الصوابع)
نظام قطع الخط بعد 6 أشهر من شهر السماح فى كل الشركات بيبيعوا الخط -
كان معاي 010 مميز و اتباع و كان فى رصيد و قعدت 5 ايام - عملت فيه 2 شكوي و بعدين رجعهولي على خطى الحالي:44:
سؤال صغير بس
حضرتك بتبقى عارف منين انك تحت برج التقوية؟ و بتبقى عارف منين انه بتاع اتصالات مش بتاع شبكة تانية؟
انا معايا خط اتصالات ( خط مفتوح ) من اوي ماعلنوا عن الشبكة و كنت حاجز رقم ذهبي كمان و معايا خط فودافون مفتوح .
في اول الامر كانت مش اوي بصراحة ( بدائية شوية ) بس حاليا مفيش اي فرق بالنسبة لي بين الاتنين لا في خدمة العملاء و لا في اي شيء و دفع الفواتير سلس و سريع جدا و عند انقطاع الخدمة في حالة التاخر بترجع بعد 20 دقيقة بالظبط .
و كنت اول المشتركين في Etislat 3G usb modem و مازلت و حاليا حشترك في Etisalat SMART ADSL .
Vodafone شركة عالمية و لكن معظم الي اتكلمت معاهم و خصوصا في موضوع ال ADSL بتاعهم ( من الدعم الفني ) يا اما فاكرين الناس صعايدة .. يا اما ولا بيفهموا بنكلة !
على فكرة اسأل اي حد
فى فرق كبير بين برج اتصالات و الشبكات التانية -- ده انت اصلا لو شفت الاثنين
أما سؤالك الاول ف حاقتبس من زميلي
"يا اما فاكرين الناس صعايدة .. يا اما ولا بيفهموا بنكلة !":POINTI~2[2]::POINTI~2[2]:
--------------------
بخصوص ADSL انا بجد مجربتش أي شركة محمول لأنه موضوع فاشل أصلا
و الجهاز القومي ربنا يكرمه موقف الوايد لان عشان شركات المحمول تسترزق
بأنا فى ليبيا أجيب أكتر من 10 شبكات و يرليس و أنا فى المدينة فى أي حتة و فى مصر لأ :khd:
و على فكرة ان جربت اصلا انترنت ايجيبت قبل ما تشتريها اتصالات للإستغلال فى خدمات السمارت - هلى شركة محترمة بس البيشتغلوا فى السيرفرات معظمهم بيشتغلوا كأنهم فى حكومة
و ايه الفرق الكبير بين برج اتصالات و برج الشبكات التانية؟
تقريبا و الله اعلم اريكسون و هواوي اللي بتركب للتلات شركات !!!
يمكن اتصالات مشترية شبكة استيراد من الحرفيين و البرج راشش دواخل و انا مش واخد بالي اعذرني
معلش مش متاكد اني شفت الاتنين اعذر جهلي انا بقالي بس يادوب 5 سنين موظف في مجال شركات المحمول مش اكتر !
بخصوص adsl حضرتك ايه علاقة الشبكات الوايرلس في ليبيا بالخدمات هنا؟؟؟؟؟؟ دي شبكات خاصة اصحابها سايبينها عالبحري ..... الناس هنا ناصحة و مشفرة شبكاتها ....
و موضوع شركات المحمول و الانترنت فودافون اشترت راية و اتصالات اشترت 4 شركات مش انترنت ايجيبت بس
و اللي اتصالات بتبيبعه باسمها دلوقتي ده مش انترنت ايجيبت اصلا
احمد باشا
السلام عليكم و رحمة الله و بركاته
اعتذار سيادتكم على عينى و راسى من فوق
بس انت بتتكلم بشكل شخصى عن نفسك
مع العلم انى عميل للشركات الثلاثه
بس فيه نقطه
انا مش زعلان على تأخر رجوع الخطوط انا زعلان من طريقة الكلام و عشان كده اتنرفزت
بمنتهى البساطه موظف خدمة العملاء غير مسئول انه يرفض انى اقدم شكوى من عدمه و يرفض تسجيلها و دى مصيبه كبيره فوق ما تتخيل لأنه مسئول فى الأول و الأخر عن رضاء العميل
انا بالفعل قدمت شكوى فى جهاز تنظيم الأتصالات و الشركة المصرية للأتصالات و وزارة الأتصالات وجهاز حماية المستهلك و رفعت شكوى رسمية لرئيس مجلس ادارة الشركة عن طريق احد المعارف الشخصية ليه شخصياً و وعد بدراسة الموضوع و لو طلع فيه قصور او بالفعل رفض الشكوى من قبل خدمة العملاء مش بعيد يحولهم كلهم للتحقيق و ساعتها اول ما يتحولوا للتحقيق هقوم برفع دعوى قضائية مطالباً فيها بالتعويض عن الأضرار المادية و المعنوية مختصماً فيها الشركة و خدمة العملاء و المسئولين عنها و تصرف زى ما تصرف ان شاالله تصرف مليون جنيه بس فى الأخر هاخد حقى
النقطه التانية انا كنت مهندس كمبيوتر و تكنولوجيا اتصالات و Tech Support فى الشركتين الأوليين و عارف انه فيه فرق ما بين تحديث قاعدة بيانات العملاء و فرق بين الأدارة المالية و التحصيل و ان السيستم اللى بيقطع و يرجع الخطوط منفصل تماماً عن سيستم قاعدة بيانات خدمة العملاء بدليل ان الخط اتقطع من على السيستم و هما بيعملوا التحديث
و الف شكر لحضرتك و اكرر ان اعتذارك وسام على صدرى و كفاية انك اهتميت بالرد عليا
موضوع رفض الشكوى ده تهريج طبعا و اكيد مش هيعدي على خير
ثانيا موضوع السستم ده مكلكع شويتين ..... اللي بيقطع سستم ........ بس اللي بيرجع حاجة تانية .... لان السستم اللي بيستقبل المدفوعات بتاعة العملاء في نقاط البيع منفصل و فيه حاجات وسيطة في النص بتنقل من هنا لهنا ......
ثالثا هو حضرتك دفعت في هايبر وان فين؟ انا اول مرة اعرف ان لينا فرع هناك ..... احنا عندنا فرع في داندي مول ...... بس هايبر وان؟ ممكن تكون دفعت عند موزع معتمد؟