3 مرفق
شوفوا اتوبيسات الدوله بيتعمل فيها ايه
كنت يوم الثلاثاء في صلاح الدين و ماشي ف لاقيت الشارع و اقف فقلت اروح اشوف في ايه
لا قيت اولا اوتوبيس cta داخل في ممر المترو و عطلان و واقف و وراه عربيه فيرنا و بعد كده اوتوبيس نقل عام اخضر و بعد كده المترو قافل عليهم من را كلهم
اعدوا نصف ساعه مش عارفين يعملو ايه و المترو وراه عربيات و مش عارف يرجع
فطبعا سواق الاوتوبيس عايز يوري شجاعته للناس و حرفنتو راح منزل الناس من الاوتوبيس و طالع بالاوتوبيس فوق الرصيف و طبعا كان في ريحه شياط كبيره جدا من الماتور
فجأه سمعت صوت تكحيت و الاوتوبيس الكاويتشات بتاعتو في الهوا من الناحيتين ورا و ادام و الاوتوبيس الرصيف شايلو
و الناس بتزق الاوتوبيس عشان يرجع راح متزحلق علي الفيرنا لجوه بس ربنا ستر و كان في حوالي نصف متر باقي بينه و بين العربيه
في الاخر جابو بتاع كده حطوها تحت الكاويتش عشان يدفع الاوتوبيس و يمشي و نجحت المحاوله دي بس الاوتوبيس اتخرشم من تحت طبعا و كويس انو مشي تاني
انا ماكونتش هاكتب الموضوع ده بس قولت اوريكم السواقين بتوعنا
و لسا لما يعملو احلال للاوتوبيسات القديمه و يدخلو اوتوبيست حديثه
و كمان ميكروباصات يالا كلو محصل بعضواااا
و كمان مصور فيديو بس عشان كنت باليل الصوره مش واضحه
اسيبكو بقا تتفرجو ا علي الصور