حيرة في وظيفة معروضة عليا-ياريت اعرف رأيكوا

عرض للطباعة

16-10-2009, 03:31 PM
Eng.Mina

حيرة في وظيفة معروضة عليا-ياريت اعرف رأيكوا

مساء الخير
انا مهندس كهرباء قسم قوي كهربية دفعة 2009 ولسه ماشتغلتش ويوم الاربعاء اللي فات عملت مقابلة في شركة ساراتوجا بتاعت البطاطين في العاشر من رمضان وقبلوني في الوظيفة بس المشكلة ان المرتب محبط اوي 550 جنيه خلال فترة التدريب اللي مدتها 3 شهور وقالولي بعد فترة التدريب المرتب حايزيد ولما حاولت اعرف منهم حاتبقي الزيادة كام قالولي علي حسب انتاج الشركة وادائك في الشغل بس انا اتوقع ان المرتب يوم مايزيد حايوصل حوالي 700 او 750 جنيه
وبالنسبة لمواعيد الشغل من الساعة 8 الي 4 والاجازة يومين في الاسبوع السبت والاحد بس علشان احنا داخلين علي الشتاء وفي ضغط علي المصنع فبيشتغلوا السبت كمان يعني الاحد بس هو اللي حايبقي اجازة
ايه رأيكوا اقبل بالوظيفة دي ولا المرتب قليل مع ان في ناس زمايلي راحوا شركات وكان الكلام في المرتب علي 1000 جنيه
فبصراحة انا حيران وفي البيت عندي بيقولولي ممكن تعتبرها كأنك بتاخد كورسات بس المرة دي عملي وكمان بتاخد فلوس لغاية لما ربنا يكرم يحاجة كويسة بدل قعدة البيت وبالنسبة لي انا مش ساكت وببعت سيفيهات لأي شركة تنزل اعلان في الوسيط او الاهرام
تفتكروا اعمل ايه ؟؟؟؟؟؟
16-10-2009, 03:37 PM
Terrible_DaRsH

روح طبعاً ...!!
16-10-2009, 03:39 PM
نور القمر

روح لحد ما تلاقي الافضل
وكل يوم بتشتغل بتاخد خبرة
واي مرتب افضل من قعدة البيت في انتظار شغل بمرتب اكبر
16-10-2009, 03:43 PM
Eslam.Elrefaey

روح أحسن ويمكن المرتب يبقى أعلى من750 زى منت بتقول وبعدين الشركات العالية عايز شهادات خبرة 5 سنين وكده فأشتغل شوية وقولهم عايز شهادة خبرة وأكيد إن شاء الله هتلاقى شغل تانى وربنا يوفقك
16-10-2009, 03:49 PM
Eng.Mina

شكرا يا جماعة علي الردود السريعة دي
وياريت كمان اعرف منكوا لوعايز اسيب الشركة خلال فترة ال 3 شهور بتوع التدريب هل بيدوني شهادة خبرة ولا بيكون ايه النظام؟؟؟
وهل حايسيبوني بالساهل كده ولا بيبقي فيه مماطلة وحاجات من دي
16-10-2009, 04:56 PM
MTAK

اولا
طبعا لازم تروح
و تحط فى دماغك
انت فى مرحلة التعليم بعد الجامعى
يعنى انت فى فترة بتجمع فيها خبرة
و على قد ما هاتجمع هايكون مرتبك المستقبلى
--
حكاية شهادة الخبرة دى بتفرق من شركة الى شركة
بس بصراحه ماسمعتش عن شركة بتدى شهادة بعد 3 شهور و لا حتى سنه
---
لما تعوز فى اى مكان انك تمشى امشى
مالهمش عندك حاجه الا اوراقك الرسميه و نصيحه طلع منها شوية مستخرجات هتحتاجهم فيما بعد
و نصيحه خلى مشيانك من اى مكان بهدوء و بدون مشاكل
حتى لو عملوا معاك مشاكل ركبهم الغلط حتى لو قالوا احنا صح
مانتش عارف مديرك ده ممكن تقابله فى شركة تانيه
او هو ممكن يحتاجك لما يروح مكان احلى
الايام دوارة و السوق له ابعاد
16-10-2009, 05:09 PM
زهير فكري

انصحك روح و اعتبرها مصاريف جيبك , و كمان حاول تاخد دورات كونترول هتفرق معاك
16-10-2009, 05:23 PM
الغزالى

بص حضرتك لازم تروح واعتبرها تدريب ليك يعنى مثلا حضرتك لما بتروح تشترى عربية جديدة لازم تجربها الاول وبعد كدة انت حر تاخدها متخدهاش دى حاجة بتاعتك والشغل كدة برضو روح وشوف الدنيا عاملة ازاى لو عجبك كمل معجبكش ساعتها تفكر بئى وتشوف هاتعمل اية
16-10-2009, 05:25 PM
tabeb

توكل علي الله
اعرف مهندس بدأ مرتبه بحوالي 600 وبعد سنتين وصل ل 3000 الاف
الرضا مهم اوي خصوصا في الاول ومش معناه انه ما يبقاش عندش طموح
ربنا يوفقك وييسرلك الخير
16-10-2009, 05:38 PM
SeiffoZ

طبعا روح ...
وراك إإيه؟؟!!!
16-10-2009, 05:47 PM
El.Hossieny

طبعا تروح و تجتهد و تاخد خبرة ... صدقني .. الخبرة بعد الجامعة
هي مستقبلك الحقيقي
16-10-2009, 05:57 PM
M.Elwan

اقتباس:

المشاركة الأصلية كتبت بواسطة mina87

مساء الخير
انا مهندس كهرباء قسم قوي كهربية دفعة 2009 ولسه ماشتغلتش ويوم الاربعاء اللي فات عملت مقابلة في شركة ساراتوجا بتاعت البطاطين في العاشر من رمضان وقبلوني في الوظيفة بس المشكلة ان المرتب محبط اوي 550 جنيه خلال فترة التدريب اللي مدتها 3 شهور وقالولي بعد فترة التدريب المرتب حايزيد ولما حاولت اعرف منهم حاتبقي الزيادة كام قالولي علي حسب انتاج الشركة وادائك في الشغل بس انا اتوقع ان المرتب يوم مايزيد حايوصل حوالي 700 او 750 جنيه
وبالنسبة لمواعيد الشغل من الساعة 8 الي 4 والاجازة يومين في الاسبوع السبت والاحد بس علشان احنا داخلين علي الشتاء وفي ضغط علي المصنع فبيشتغلوا السبت كمان يعني الاحد بس هو اللي حايبقي اجازة
ايه رأيكوا اقبل بالوظيفة دي ولا المرتب قليل مع ان في ناس زمايلي راحوا شركات وكان الكلام في المرتب علي 1000 جنيه
فبصراحة انا حيران وفي البيت عندي بيقولولي ممكن تعتبرها كأنك بتاخد كورسات بس المرة دي عملي وكمان بتاخد فلوس لغاية لما ربنا يكرم يحاجة كويسة بدل قعدة البيت وبالنسبة لي انا مش ساكت وببعت سيفيهات لأي شركة تنزل اعلان في الوسيط او الاهرام
تفتكروا اعمل ايه ؟؟؟؟؟؟

ده اسمه استغلال فى مهندس بيشتغل ب500 جنيه ده فنى الكهربا مبياخدش اقل من 700 جنيه دلوقتى
المشكله انك ممكن تكون وصلتلهم وانتا بتعمل انترفيو انك محتاج الشغل وعشان كده هما استغلو ظروفك ولو كنت ضغطت وطلبت مرتب اكتبر كانو حيوافقو
وبعدين هما دايما بيقول انك حتدرب والخبره والكلام ده طبعا عشان يبرروا المرتب المستفز اللى بيعرضوه عليك لانك حتبذل مجهود قد المرتب ده 3 مرات
وخد بالك لو قررت تشتغل معاهم انك حتنزل من بيتكو على 6 الصبح عشان تركب اتوبيس المصنع 7 الصبح وانتا راجع حتركب الاتوبيس بتاع المصنع وعالبال ما يتحرك وترجع بيتكو حتلاقى الساعه 6 بعد الظهر
واجازتك لو يومين من حقك تتمسك بيهم لان انتا حسب كلامهم بتدرب عندهم يعنى ملكش علاقة بكتر الشغل او قلته لحد ما التدريب يخلص ولو اتنازلت عن اجازتك يبقى لازم تاخد بالك ان اليوم ده بيتحسب بيومين مش يوم واحد يعنى اضافى ده معناه انك لو اشتغلت اربع ايام اجازة يتحسبو ب8 ايام وفى مصانع بتحسب اليوم بيوم ونص يعنى الاربع ايام ب6
والساعه الاضافى بساعه ونص
ركز فى حقوقك قوى قبل ما تشتغل عشان بعد ما تشتغل حتلاقى الموضوع اختلف خالص
وانا انصحك انك تركز فى الفنادق بتطلب مهندسين كتير فى شرم الشيخ والغردقة وتابع صفحة السياحه فى اهرام الخميس حتلاقى فرص ان شاء الله ومتستعجلش خالص والافضل انك لحد ما تلاقى وظيفه محترمة تاخد كورسات ولازم تاخد تويفل برده عشان اللغه بتساعد فى الفنادق والشركات الاجنبية
16-10-2009, 06:43 PM
Eng_Mostafa_89

روح لغاية لما بنا يكرمك بغيرها
16-10-2009, 07:39 PM
Eng.Mina

صدقوني يا جماعة انا حيران ومش عارف اخد قرار ولسه بفكر في الموضوع في الكام يوم دول علشان انا لو اشتغلت معاهم حايبقي من يوم الاتنين وعموما ربنا يعمل اللي فيه الخير وعلي فكرة موضوع ال 550 جنيه دول انا ماعرفتوش في المقابلة لان اللي عمل المقابلة معايا قاللي انه مايقدرش يحدد معايا الموضوع ده وقاللي لما رئيس مجلس الادارة ييجي وهو اللي يحدد وانا كنت عايز اقابله بس لقيته بعتلي الموظف اللي كنت مليت الapplication عنده وقاللي ان التعيينات الجديدة بتاخد 550 جنيه والموضوع خلص عل كده وحاولت اقابل رئيس مجلس الادارة علشان اتناقش معاه بس مانفعش
16-10-2009, 10:07 PM
mahmoud_magdy

مادام ادامك فرصة شغل انزل اشتغل
هو حد لاقي شغل اصلا
انزل انزل خليك ايجابي
16-10-2009, 10:54 PM
ams

ما تروحش
الا فى حالة فى حالة واحده انك هتكتسب خبرة و من كلامك مفيش خبره يبقى ما تروحش

متستعجلش
واستغل وقتك فى تعلية قدراتك انت بقالك حوالى 13 سنة بتتعلم ابدء بقى اتعلم اللى انت عاوزه او محتاجه و خطط حياتك و اعرف ان رزقك هيجيلك هيجيلك

الحكاية مش حكاية رضا ، 550 دى قلة أدب
16-10-2009, 11:17 PM
A.Saad

اى يوم تشتغل فيه فى الاول افضل
لانك
هتتعلم
هتحط اسم فى الCVبتاعك
لو ال cv فيها gap
يعنى فترات زمنية بين الوظيفة والتانية او انك قعدت كتير بعد التخرج على ما تشتغل بيكون مش حلو
فى الاولانية الناس بتقلق وفى التانية هيفضلوا الاجدد منك لانه بيكون عنده معلومة احدث
وفى الاخر بقولك
you have nothing to loseدى حكمتى الشهيرة
17-10-2009, 12:34 AM
lancerevolution

من رأيى إقبل أهى خبرة تنفعك بعد كدا و شوف المرتب و ممكن تتدور على شغل فى مكان تانى يعنى إلعب على اليمتين مستنى شغل كويس و بتاخد خبرة
17-10-2009, 12:37 AM
ENG\AHMED

اقتباس:

المشاركة الأصلية كتبت بواسطة mina87

مساء الخير
انا مهندس كهرباء قسم قوي كهربية دفعة 2009 ولسه ماشتغلتش ويوم الاربعاء اللي فات عملت مقابلة في شركة ساراتوجا بتاعت البطاطين في العاشر من رمضان وقبلوني في الوظيفة بس المشكلة ان المرتب محبط اوي 550 جنيه خلال فترة التدريب اللي مدتها 3 شهور وقالولي بعد فترة التدريب المرتب حايزيد ولما حاولت اعرف منهم حاتبقي الزيادة كام قالولي علي حسب انتاج الشركة وادائك في الشغل بس انا اتوقع ان المرتب يوم مايزيد حايوصل حوالي 700 او 750 جنيه
وبالنسبة لمواعيد الشغل من الساعة 8 الي 4 والاجازة يومين في الاسبوع السبت والاحد بس علشان احنا داخلين علي الشتاء وفي ضغط علي المصنع فبيشتغلوا السبت كمان يعني الاحد بس هو اللي حايبقي اجازة
ايه رأيكوا اقبل بالوظيفة دي ولا المرتب قليل مع ان في ناس زمايلي راحوا شركات وكان الكلام في المرتب علي 1000 جنيه
فبصراحة انا حيران وفي البيت عندي بيقولولي ممكن تعتبرها كأنك بتاخد كورسات بس المرة دي عملي وكمان بتاخد فلوس لغاية لما ربنا يكرم يحاجة كويسة بدل قعدة البيت وبالنسبة لي انا مش ساكت وببعت سيفيهات لأي شركة تنزل اعلان في الوسيط او الاهرام
تفتكروا اعمل ايه ؟؟؟؟؟؟

بغض النظر عن المرتب لأنة قليل الادب شوية بس هيبقى احسن من قعدة البيت .. انت ممكن تشتغل وتدور على شغل تانى فى نفس الوقت واهو منها تضيع وقت وبتتعلم
انت متعرفش هتلاقى الشغل اللى انت عايزة امتى ولا فين فالحاجة اللى قدامك اتمسك بيها لغاية لما تلاقى الاحسن , كدة او كدة انت مش خسران وجايز الشغل دة يفتح قدامك مجال لشغل تانى احسن.
نصيحة اهم من المرتب انك اول لما تدخل المكان تعرف هتوصل لأية وهل دة اللى انت عايزة ولا لأ .. يعنى بص لنفسك قدام بعد 10 سنين مثلا هتبقى اية وهتوصل لاية فى المكان دة , هل دة اللى انت عايزة فعلا ولا لأ
الشغل يعنى خبرة + مرتب .. متمسكش حاجة منهم على حساب التانية لأ،ك مش هتشتغل ببلاش فى سبيل الخبرة وفى نفس الوقت متفرحش بالمرتب العالى بدون خبرة لأن ممكن فى اى وقت مش تلاقية لأى سبب وساعتها هتضر تدور على شغل فى مكان تانى وهتبقى من غير خبرة فا نصيحة اعمل اتزان بين الاتنين
17-10-2009, 01:15 AM
medo_2060

انا رأى ليك انك تتوكل على الله وتستلم الشغل دا ويا جماعه يالى بتقولوا راتب قليل الادب هو فى شغل اساسا عشان تختار الراتب الاعلى وبعدين الراجل لسه متخرج يعنى له مخدش خبره شغل عشان يطلب مبالغ كبيره (انا هتخرج السنه دى ان شاء الله هندسه برضه ولو اتعرض عليا الوظيفه دى هقبلها مؤقتا وعلى الاقل بتاخد خبره)
17-10-2009, 01:32 AM
yahiahelaly

اقتباس:

المشاركة الأصلية كتبت بواسطة نور القمر

روح لحد ما تلاقي الافضل
وكل يوم بتشتغل بتاخد خبرة
واي مرتب افضل من قعدة البيت في انتظار شغل بمرتب اكبر

اقلت فاوفت
عندك حق الف مرة وغير كدة بتعمل علاقاااااااااااااااااات وهية ديه الاهم والي بتجيب فرص احسن
17-10-2009, 01:39 AM
M.Osman

نصيحة قالهالي شخص عزيز عليا:
اشتغل في المكان اللي بيعلمك كويس و يديك خبرة كويسة
و سيبك من المكان اللي بيديك فلوس و مش بيعلمك حاجة
17-10-2009, 03:42 AM
bemocarlo

مفيش حد في الدنيا بيرفض او حتي يتردد في اول فرصه عمل بتجيله حتي لو بمرتب تعبان.روح اشتغل هتكتسب (خبره-فلوس-علاقات) والاهم هتشغل وقتك.مش كده ولا ايه؟
bemo,ire
17-10-2009, 04:01 AM
asd7778

احسب الموضوع من ناحيه هل القعده فى البيت بضيف شئ ليك؟؟
لة لا يبقى هذا الوضع احسن من الصفر فى البيت
موضوع المرتب ضعيف طبعا حرام بس روح وشوف ايه النظام يمكن هناك اشياء اضافيه اخرى طبعا احسن شئ توصل لحد جوا الشركه وتسأل
حتتعلم ايه هناك ؟
حجم العلاقات والخبرات الى حتكسبها
موضوع عدد سنين الخبره دى والشهادات الى معاك اصبح موضه قديمه قوى وفى الشركات النص لبه
لو بتتكلم على شغل ماتنى ناشونيل فى المستقبل
1- الشخصيه
2-قدرتك على التعلم
3- communication skills
4- Presentation skills
5- experience
6- education
صدقنى ده الترتيب الحقيقى للامر انا اعمل فى مجال المالتى ناشونل ومش حتصدق فى ناس رؤساء مجالس ادارات بتعليم عادى جدا بس عقليات وقدرات رائعه
العب على 1 و2 و3 و4 عشان تخد شغل محترم
5 و6 لنص لبه بس
17-10-2009, 04:00 PM
Eng.Mina

متشكر ليكوا كلكوا علي الردود وانا خلاص قررت اني حاقبل في الوظيفة دي مؤقتا احسن من قعدة البيت وفي نفس الوقت انا مش ساكت وماشي في كذا وظيفة تانية وربنا يعمل اللي فيه الخير
شكرا مرة تانية
18-10-2009, 04:12 AM
aliabutaleb

الشغل بيجيب شغل
خصوصاً وانت في مقتبل الحياة :)
ربنا يوفقك وييسر لك أمورك يارب
18-10-2009, 08:37 AM
hesham22822

توكل على اللة و روح و اللى رزقك بيها يرزقك باحسن منها بس المهم السعى انا مهندس ميكانيكا دفعة 1985 و كان اول مرتب لى 120 جنية ودلوقتى الحمد للة
18-10-2009, 09:47 AM
A_H_M_A_D

الشركات الكبيرة اللي بتدي مرتبات محترمة مابيشتغلش فيها غير نوعين
الوسايط و أصحاب الخبرات
يبقى لو انت ماعندكش واسطة لازم تاخد خبرة الاول كويسة في مجال معين عشان تقدر تنقل على شركة محترمة و يقدروك فيها كويس