السلام عليكم ورحمة الله
سؤال للى عنده تيريوس الشكل الحالى : - هل علبة الدركسيون بتتحمل المطبات الشبيهه بمزلقان السكة الحديد ؟ أعنى هل علبة الدركسيون بتلب وترتج مع المطبات التى تشبه المشى على زلط او العبور على مزلقان ؟
كل العربيات اللى ركبتها كانت العلبة بتدبدب وتلب مع المطبات
برايد - جيلى - رينو ميجان - شفروليه اوبترا
فهل يحدث هذا مع التيريوس ؟
بالنسبه للزلط ومزلقان السكك الحديد تقريبا لازم يحصل كده
انا فى عربيتى وكل العربيات اللى ركبتها لو حصل ومريت على حتت مكسره اوى لازم يحصل كده
انما التريوس مش عارف الله اعلم
انا متابع
مينفعش يااااااااجماعة فى التريوس
لانها عربية جيب
يعنى متعودة على الخبط والرزع
أنا كمان متابع
مثلا و انا بعدى على مزلقان السكه الحديد فى منطقة عرب المعادى بحس برجرجه جامده لكنى فى الوقت نفسه بحس ان العربيه جامده ..الرجرجه بتبقى فى العربيه كلها مش بس فى علبة الدركسيون
السلام عليكم
طبعا موضوع الرجه دي مش محسوسه في علبة دركسيون التيريوس لان العلبه مش قريبه من مكان الاهتزاز زي باقي العربيات انما طبيعي ان العربيه بيحصل فيها كلها علي بعض رجه خفيفه مع النوع ده من المطبات او مزلقان السكه الحديد انما مش بالشكل اللي بيحصل في السيارات الملاكي العاديه.
وفي كل الاحوال هتحس بالرجه لو اخدت المطب او المزلقان بسرعه كبيره انما لو براحه مش هتحس بأي حاجه خالص.
تمام , كده تمام , أقصد بالرجة هى اللى بتحسه وانت ماسك الطارة انها بتتذبذب مع المطب أو بتحس ان فى عامود الدركسيون المفصلات الصليبية بتاعته بيظهر فيها هوة gap تسمح بالأرتجاج مع المطب
هذا هو ما يحدث فعلا....اقتباس:
المشاركة الأصلية كتبت بواسطة bahaa
شباب , ده بيحصل في التريوس و بيحصل قوي كمان ولما سألت في التوكيل قالولي ده طبيعي لأنها مش 4 x 4
أنا معاي اوتوماتيك 2x 4 2009
وطبعاً أنا مستغرب لأن ده ماكنش بيحصل معايا في عربيتي القديمة لادا 2007
أنا بحس أن كل طوبة أو ظلطة ماشي عليها باحسها في الدريكسيون و يا سلام بأه لو أرض مكسرة شويه الدريكسيون بيترج و يلف مع نفسه