ازيكم ياوحوش الدايو
دلوقتى ياجماعة انا بشتكى من تقطيع فى السحب والتجميع
هوا اللى بحث بية ان العربية من اول 2 اربى ام لحد 3 كدة العربية مخنوقة وبتنتش كام نتشة
ولو مشيت بالعربية كتير وجيت اشوف التسارع فوق الفوق ال3 اربى ام لحد 4 او 405 بالكتير ممكن تيجى على اخر 4,5 ان الغيار قفل والعربية بتكن كدة بس دة محصلش معايا غير مرتين فى مدار اسبوع ماشى بالعربية كدة
استعمال خفيف اوى
روحت للميكانيكى انبارح جرب العربية قالى هنشوف البوجيهات شكلها اية فكينا البوجيهات لقيناها مهببة
قالى كدة محتجين اسكانر عدى عاليا بعد المغرب يكون المهندس جة ونحطها على الاسكانر نشوف قرايات
الرشاشات وباقى الحساسات .....قولتلة طيب كدة العيب ميكانيكا ولا حساسات وكهرباء
قالى طالما البوجيهات مش طالعة مزيتة ومتأد من مستوى الزيت انة ثاابت
وان البوجيهات طالعة بالزات مهببة يبقى كدة لازم اسكانر هو اللى هيحدد بالظبت ان شاء الله

كتن ناوى اروح للميكانيكى النهاردة فقولت اسئل اخوانى الافاضل اولا وافهم منهم وبعدين نروح للميكانيكى فهمين.....ولا اية رأيكم
معلومات سريعة
بوجيهات سلوك بوجيهات كويل فلتر بنزين مغيرهم من حوالى 3000ك غيار الزيت اللى فات
غيرت زيتxhp وفلتر زيت انبارح عند الميكانيكى و طلع جرب العربية بعدها وقام السيناريو اللى فات بينا
بشم ريحة بنزين بس مش ناية اوى بلاحظها لما اجى اركن العربية ....اعتقد دة دليل على عدم اكتمال عملية الاحتراق
شكل العادم طبيعى والزيت ثابت المياة من اول ما غسلت الدورة من شهر مزودش المياة حتى الان نقصت حوالى سنتى ونص من مستوى القربة
العربية ماشية 129 الف كيلو وكسور

مستنى اراء اخوانى ورأى الباش مهندس سمير والمستشار الكبير محمد ممدوح مهم جدا بالنسبة ليا
وشكرا