الموضوع: صيانه ال 20 والبوجيهات

المشاركة الأصلية كتبت بواسطة mahora

صيانة العشرين من الصيانات الرئيسية عشان كده هى غالية. فى التيريوس اتكلفت 520 جنيه بدون زيت و لا فلتر زيت..... كل اللى اتغير هو فلتر الهواء و كان تمنه 177 جنيه. اعتقد مفيش مشكلة لو غيرت الحاجات اللى انت عايز تغيرها بره و تكمل الباقى عندهم

شكرا لردك يا استاذ ماهر

المشاركة الأصلية كتبت بواسطة أبو عبدالله

شريف
عربيتك بوجيهات عاديه وبالتالي يبقى هتتغير ده في الغالب
وفلتر الزيت تقريبا بيعمل 55 جنيه
وفلتر الهواء 165 جنيه
يبقى كده وصلت الى 60 بوجيهات + 55 فلتر زيت + 165 فلتر هواء = 280 جنيه
وعندك زيت لو موبيل وان مثلا هيبقى في حدود 230 جنيه كمان يبقى انت كده دخلت في 510
وطبعا لسه عندك المصنعية
انا شايف انه كلام عادي مفيهوش مشكلة
ولو عملته بره مش هتفرق كتير

ابو عبدالله اصل انا حاسس ان العربيه سحبها كويس وبصراحه يعني اسعار قطع الغيار مبالغ فيها موووووووووووووووت
يعني فلتر الهوا ء ده ب 165 ليه يعنيييييييي منا صحبي معه كيا سيراتو وبييجبوا من التوكيل ب 80 جنيه باين او اقل !!!!!!!!!! ايه الهبل د
عموما انا نويت اغير الزيت بره على طول هو الفلتر يبو عبدالله بيتباع بره عند مين في المنصوره ؟ وهل فلتر الهوا موجود بره برده ولا ايه
وهل تغييره سهل يعني اي واحد بتاع زيت يغيره ولا فيه حاجه غريبه كالعاده ؟؟
اصل انا على حسب ما فهمت منهم انه حشوه فلتر معرفش يعني ايه حشوه ولا يفرق ايه عن الفلتر العادي ودايما كل مره بلاقي في الفاتوره مكتوب ورده طبه الزيت معرفش دي ايه دي يعني لازم كل مره اغيرها ولا ايه
والبوجيهات هل هي بوجيهات عاديه يعني اي بوجيهات اللي هي دينسون او ان جي كيه اللي ب 45 جنيه بره ولا فيه موديل معين

المشاركة الأصلية كتبت بواسطة motorizer

صيانة العشرين انا عملتها مكنش فيها بوجيهات !
أصلاَ انا لسة مغيرتش البوجيهات لغاية دلوقت ! ولا تيل الفرامل .. 47 ألف! ولا يوجد شكوي

و وقت صيانة العشرين لقوا كمان فلتر الهوا كويس فا سابوه و إتغير في ال 25 !

لخبطتني اكتر يا محمود يعني البوجيهات بتتغير على 20 ولا ايه يا جماعه

جورج باشا اخبارك ايه
انا كمان المفروض اعملها قريب ان شاء الله
بس بصراحه مستخسر فيهم ال 600 جنيه
ومستغرب ان البوجيهات تتغير على 20 بس !!
خصوصا اني العربيه الحمد لله سحبها كويس
وكمان الورقه اللي مسمينها فلتر دي وب 165 جنييه ليه يعني