الموضوع: أفيدوني بالله عليكم -شراء مازدا 323 او 128 موديل 86

السلام عليكم ورحمة الله وبركاته
بص يا سيدي: هنتكلم في موضوعين - موضوع القسط وموضوع المقارنة بين ال 128 والمازدا.
أولا - القسط:
القسط فيه شبهات كتير وحرام ، ولو هتخش في موضوع القسط الإسلامي يبقى على حسب مرتبك.
لو افترضنا انك هتجيب لوجان أو فيرنا أو لانوس (يعني في رينج 65 ألف مثلا) هتدفعلك حوالي 1100 - 1300 في الشهر
وفي الحالة دي:
- لو مرتبك من 1000 - 1500 يبقى مش هينفع خالص
- لو مرتبك من 1500 - 2000 يبقى اعمل حسابك إن دخلك كله رايح للعربية ولو لاقدر الله حصل حاجة يبقى هتركنها تحت والبيت لحد ما ربنا يفرجها.
- لو مرتبك أعلى من 2000 يبقى ممكن.
لو فرضنا إنك راجل مقتدر وتقدر على قسطها ، انت ما تعرفش ايه اللي ممكن يحصل في المستقبل؟ ممكن لا قدر الله ماتعرفش تكمل اقساط العربية ... (وده حصل مع ناس كتير) ، ممكن تكون ادبست في عربية تعبانة ومش هتعرف تخلص منها ...(وده حصل أيضا مع بعض الناس).

رأيي الشخصي: أنا مش مقتنع بفكرة التقسيط والأفضل للفرد إنه يمشي على قده. وطبعا انت ليك حرية الاختيار.

ثانيا - المقارنة بين المازدا وال 128:
أنا مش هقول غير كلمتين بس: الياباني ياباني والمصري مصري مع احترامي لأصحاب ال 128.
بص معظم العربيات فيها مشاكل حتى العربيات الزيرو. بس ال 128 مشاكلها للسماء. ولو عايز تتأكد شوف أد ايه من الناس بتشتكي منها في جميع المنتديات.
ودلوقتي هديك مقارنة سريعة جدا بينهم:
وجه المقارنة 128 مازدا
==================================
قطع الغيار رخيصة وغير معمرة غالية شوية ومعمرة جدا
جودة التقفيل سيئة جيدة (على حسب
حالة السيارة)
نعومة القيادة ناعمة بعض الشئ ناعمة جدا
السحب والسرعة سريعة شوية(على حسب سريعة جدا وجراية
حالة الموتور)
كثرة الأعطال كثيرة جدا قليلة (لأن قطع غيارها معمرة)

يعني باختصار: المازدا أحسن من 100 128.

اختصار كلامي السابق: توكل على الله وهات المازدا.
نصائح أخيرة:
1. هات سمكري أو ميكانيكي أمين انت ضامنه يعاين حالة العربية اللي انت هتشتريها.
2. اعمل حسابك على 2000 جنيه زيادة تظبيط للعربية اللي انت هتشتريها (لأن طبيعي أي عربية مستعملة لااااااااااازم يكون فيها شغل)

وبالتوفيق إن شاء الله. وألف مبروك مقدما.

جزاك الله خيرا

طاب ممكن ألاقي مازدا نظيفة فين؟؟

جزانا وإياكم
انزل سوق السيارات الحي العاشر يوم الجمعة. وخد معاك سمكري شاطر وأمين (أو واحد صاحبك شاطر قوي)

بسم الله الرحمن الرحيم
الخ العزيز بصاراحة انا شايف ان العربية 323 احست مليون مرة من 128 من حيث الصالون المازدا اوسع واستهلاك البنزبن والراحة

والميكانيكا وقطع الغيار ، إلخ إلخ.
على فكرة بفضل الله لم تقابلني أي مشكلة كهربائية من ساعة ماجبت العربية ، غير بس مرة واحدة كنت بحط مياه في الرادياتير والمياه طرطشت على أسلاك كهربائية كتير وفيه حاجة اسمها البوبينة اتحرقت للأسف الشديد.

من الآخر عربية 100 100 وألف مبروك مقدما.

ولما تشتري إن شاء الله. هبقى أقولك على الميكانيكي بتاعها ومحل قطع الغيار. وربنا يكرمك

اتوكل على الله وهات مازدا لإن لا وجه للمقارنة بين المازدا والفيات المازدا أنعم وافضل مليون مرة ومشاكلها قليلة وأعطالها تكاد لا تذكر اتوكل على الله مازدا وبس تقبل مروري تامر عاشق المازدا

الساده / خبراء المازدا
اشتريت مازدا 323 موديل 82 من حوالى 15 يوم ... عندى سؤال هل من اللمكن تركيب قربة مياه ونوع الزيت لان الموتور خفيف شويه