حد يقولي i30 ولا سيراتو ولا لانسر 2009
ضروري بليز
عرض للطباعة
حد يقولي i30 ولا سيراتو ولا لانسر 2009
ضروري بليز
أنا لو مكانك بين ال3 دول اللانسر ثم السيراتوا ثم الi30
لكن براهم أنا لسه حاجز الفيات لينيا
ممنوع كتابه اللغه العربيه بحروف اجنبيه
مشرف عام 3
لو انت عايز آداء مميز وسحب وجري يبقى اللانسر تتفوق على السيراتو وال i30 .
لو عايز فخامة في الشكل الخارجي والتصميم الجذاب يبقى السيراتو تتفوق على الاتنين .
لو عايز اعتمادية وعمر طويل وتحمل للظروف القاسية يبقى i30 تتفوق على اللانسر والسيراتو .
انت شوف ايه اللي يهمك من 3 حاجات ده الاداء - فخامة الشكل الخارجي - اعتمادية وعمر افتراضي طويل...
تقدر تستعين بالموقع ده عشان تتأكد ان كلامي صح وان كل عربية من 3 تتفوق في حاجة معينة.
www.jdpower.com
سيراتو
عايز الصراحه فى بلدك اشترى اما هيونداى او لانسر الاتنين اى حد يصلحهم فى الشارع وقطع غيار متوفرة وببلاش وسيبك من سيارات تانيه . خلى بالك خد بالنصيحه دة ( انت بتشترى مرة ولكن الصيانه والاصلاح كذا مرة ).
لانسر
لانسر
فيات ليينا
ال i30 متستهلش سعرها :36_1_2[1]:
السيراتو على الورق أحسن{حسب البرشور } و شكلها أجمل بس كورى و انا مبحبش الكورى و دة رأيى :120146b
اللانسر أضعف شوية من ناحية ال هورس بور {9 ناقصين } و شكلها مش عاطفى , و طوب الأرض راكبها , بس يابانى و دى ميزة.:ma:
هذا من واقع البرشور ..... و لك الخيار فى الإختيار و الله الموفق و السلام عليكم و رحمةة الله :satelite:
ا
صديقنا العزيز من ينصحك بحاجه غير اللانسر او الهيونداى فى مصر لاتاخد كلامه على محمل الجد . اى عربيه تانيه سكتها توكيلات وغالبآ حاجتها غاليه ومش كل حاجه تلاقيها فى حاله لاقدر الله حادث وقطع تحتاج لتغيير .سيبك من كلام المعارض ومناديب البيع ( شغالين بالنسبه ومصالحهم ) ال يقول ضمان وافلام الضمان خليك واقعى واشترى سيارة اى حد يصلحها لك فى الشارع محدش فاضى للتوكيل من فلوس وعطله واحتكار وفى الاخر انتى فى مصر شوارع مكسرة وسرعتك لاتتعدى 20 كم فى ساعه اغلب الوقت من الزحمه . فلا تختار سيارات اروبيه مواتيرها تغلى فى الحر العادى وتكيف لاتلاقى وفى الضياع ولا سيارة مواتيرها تعمل فقط على البنزين 92 وانت طالع وادفع واغرم من جيبك وحدك . ولاعفشه علشان مطب وما اكثرهم فى البلد تروح للتوكيل يغيرلك مساعد ولا سوسته ولا طقم كاوتشات وجلب تدفعلك مبالغ وغصب عنك ساعتها لان مافيش بديل اخر امامك . وبعدين الاخ ال يقول لك سيارات زباله؟؟ هل اللانسر ال شغاله 10 سنين فى بلدك ومحدش اشتكى منها زباله ولا الهيونداى . يا اخى يكفى ان هيونداى من افضل سيارات مبيعآ فى العالم مش مصر فقط والسبب صناعه هيونداى فى السيارات متفوقه اليوم وتنافس اليابانى والامريكى فى بلدة ياعمو اصحى
أنا من الأول قولت أسف لو كلامى حيدايقك...... بس الموضوع مش كدة .... اللانسر يابانى و منتشرة و أنا مقولتش فيها عيب غير فى رأيي عير أنك لو فتحت حنفية بيتكو حتنزل لانسر و أنا مش بحب كدة.... أما الهيونداى فهى عربية بتشتريها أغلى من تمنها و بيتحكم فيك وكيل وحش .... و السؤال أنت عايز إيه ... أربع عجلات ولا عربية لأن العربيات ليها أصول بتتقيم على أساسها ... و الهيونداى تقيماتها وحشة فى أي موقع عربيات محترم.....أما لو عايز حد يقولك هات أكسنت علشان دى أحسن إختراع بعد النور و الكهربا ....ممكن تسأل الميكانيكى بتاعك.... او تسأل فى الشارع.
و بعدين يا سيدى الناس ثقافتها بتطور بالبحث ... مش بالكلام بتاع أصل البلد كدة ... يبقى نقفل المنتديات و نفتح واحد إسمه منتدى السيارات اللى بيحبها الشعب.
و على فكرة والله العظيم أنا مش قصدى أهاجمك ولا حاجة ..... أنا جاوبت الإجابة اللى كنت حاقولها لحد من أصحابى ... و اللى انا حطبقها على نفسى قبل أى حدو أسف لو أسلوبى دايقك يا صديقى
ركوب اللانسر اليابانى لا يعلى عليه
اما الهيونداى سعرها مبالغ فيه جدا وفى الاخر كورى
والست سيراتو ربنا يستر على الاخوة اللى ملهوفين عليها
[QUOTE=tarekabosdera;3872059722]لو انت عايز آداء مميز وسحب وجري يبقى اللانسر تتفوق على السيراتو وال i30 .
فعلا كلامك صح واتفق معاك فى كده
لو عايز فخامة في الشكل الخارجي والتصميم الجذاب يبقى السيراتو تتفوق على الاتنين .
فخامة ايه؟
اكيد حضرتك ماشوفتش التقفيل كويس وكوالتى ماتيريال الصالون والتابلوه الفقير نوعا ما
السيراتو دى كماليات وبقت عربية
لو عايز اعتمادية وعمر طويل وتحمل للظروف القاسية يبقى i30 تتفوق على اللانسر والسيراتو .
ياراجل قول كلام غير ده
بقى الهيونداى الكورى اعتمادية وتعيش وتتحمل اكتر من الميتسوبيشى اليابانى
يامان توكل على الله وهات I30 العربية مكتسحة الريفيوهات برة و بتنافس أعتى عتاة الhatches برة!
العربية واخدة 5/5 نجوم في اختبارات الأمان و حتى آآمن من Mazda 3 دا غير الاداء الرائع بتاعها والموتور المحترم بتاعها وثباتها الأحسن من أي عربية كوري تانية في نفس الفئة السعرية دي.
ممكن تسأل زميلنا فهد في المنتدى هنا عن ادائها وهو يقولك...
وفوق كل دا العربية مش منتشرة بشكل يخليك تكره تشوفها...عكس اللانسر اللي بقت أكتر من الفيرنا والسيراتو اللي الكل عمال يشتريها وكمان سنة وهتلاقيها في كل حتة.
اركب اللانسر من أي محل تأجير عربيات او عربية صاحبك...وبعدين جرب تركب الI30 في اي معرض....وهتلاقي نفسك متقومش من الI30 فعلا!
اولا مش بس الهيونداي اللي اغلى من تمنها في مصر . لان كل العربيات بلا استثناء في مبالغ في سعرها بالنسبة للدول العربية الاخرى وخصوصا دول الخليج . فده مش مشكلة تخص هيونداي.
ثانيا : الهيونداي حاصلة على افضل التقييمات العالمية في اكبر موقع عالمي لتقييم السيارات وهكتبلكم الروابط بتاعة التقييم . وحضرتك لو فتحت اي موقع تقييم هتلاقيه بيقولك موقع jd power قال كذا . يعني في الاخر كله تابع للتقييم الرئيسي للموقع اللي انا ذكرته وده افضل موقع معترف به عالميا في التقييم بالاضافة الى موقع consumer report والموقعين اجمعوا على تقييم هيونداي تقييمات عالية جدا في الاعتمادية والجودة تسبق الميتسوبيشي.
وده رابط تقييم الجودة المبدأية لسنة 2009 واتفضل شوف هيونداي المركز الكام.
Ratings | J.D. Power
وده رابط تقييم الاعتمادية : وهيونداي بتسبق الميتسوبيشي .
Ratings | J.D. Power
وده رابط تقييم الآداء والتصميم: وده التقييم الوحيد اللي ميتسوبيشي بتسبق فيه هيونداي عشان كده انا قلت لصاحب الموضوع لو عايز آداء عالي وسحب يبقى لانسر . انما غير كده i30 بجدارة.:
Ratings | J.D. Power
[QUOTE=y2y1500;3872060974] يا سيدي الفاضل انا مليش دعوة ببلد المنشأ . كوري ايه ويابني ايه !
انا بتكلم عن اسم شركة . هيونداي مقابل ميتسوبيشي. والتقارير العالمية في المشاركة اللي فاتت بتوضح الكلام اللي انا بقوله .
وياريت يا جماعة بلاش عناد وانكار التقارير العالمية كمان .
يعني مش احنا اللي صح والناس اللي بتفهم هي اللي غلط !!!
والامريكان مش هبل عشان يدو الالنترا مثلا المركز الاول على السيارات السيدان لسنة 2009 رغم انهم عندهم شركات ضخمة وعملاقة اكتر من ميتسوبيشي 100 مرة .
انا لو هشترى يبقى i30 او سيراتو بعدها ثم لانسر 1600
انا رأيي بصراحة ان لو صاحب الموضوع قده عاللانسر بومة فهي بجد كدا خارج المنافسة.. لأنها تعتبر قديمة نسبياً وسط الi30 و السيراتو
بصراحة انا لو مكانك هركب i30
[QUOTE=tarekabosdera;3872061370] قصدك مجلة ولا مؤسسة ولا موقع نت ولا ايه بالزبط؟
وبناءا على ايه؟
يعنى ايه الاوجه والعوامل والحيثيات اللى بنوا عليها الاختيارده؟
وبالمناسبة الشركات الضخمة اللى عندهم دى فلست كلها عند اول ازمة مالية واخبارها السيئة اكتر من الجيدة
عندك كل يوم والتانى شركة امريكية تعلن عن سحب موديلات وطرازات بالهبل لعيوب صناعة فى عجل - اطارات - موتور ..... الخ
ولا قفل خطوط الانتاج وتسريح العمالة
وموديلات فاشلة ما تعيشى غير سنتين تلاتة وبعد كده ماحدش يعرف عنها اى حاجة
ولا نفس العربية تنزل بكذا شكل تحت اسامى مختلفة
يعنى من الاخر العدد فى الليمون
سياسة الكم وليس الكيف
وشكرا
لانسر احسنهم
[QUOTE=tarekabosdera;3872061370] يا راجل ..... طبعا هيونداى كشركة {تملك هيونداى و كيا غيرأنها شركة مقاولات عملاقة و حديد و صلب } أكبر بكتير من ميتسوبيشى اللى هيا جزء من تويوتا .... بس اللى يقول ان اى عربية كورى {و أنا قاصد التعميم } أحسن من أقل شركة يابانى فى الجودة و أما الكفاءة فا لازم تقارن الوديلات صح يعنى كل عربية بالمنافس يتاعها .... أما الأمريكان فدة سوق مختلف فى مواصفاته عن الدنيا كلها ..... لو عايز تعرف قيمة هيونداى عندك مواقع fitfth gear & topgear و أى موقع أوربى للتقييم أو المبيعات حتعرف أن الكورى عموما بيبقى فى أخر القائمة .
[QUOTE=y2y1500;3872062085]
النقطة دى بالذات ليها تفسير .... هما عندهم نظام تانى لبيع السيارات بتدفع فلوس ثابنة كل سنة لشركة و هيا بتديك عربية جديدة من نفس النوع كل 3 إلى 5 سنين علشان كدة هما بيعملةا العربيات على الأساس دة....
أما موضوع الأسامى دة {حتكلم عن GM} فى دة لأنه بيبيع فى كذا بلد و كتسويق بيحط الإسم اللى البلد دى بتحبة زي الأوبترا ليها كذا إسم نوبيرا و أوبترا و ليثيتى و بتنزل بإسم دايو وشيفرولية و فى بلاد بتنزل سوزوكى ....
و دة حاجة عادية على فكرة رينو بتنزل اللوجان بإسم داتشيا و رينو و فى المكسيك بتنزل نيسان لوجان :dzey:
يا جماعة لازم نشوف الدنيا بتعمل إيه و بيشتروا إيه علشان نتطور مش نفضل نلف فى دايرة الصينى و الكورى
يا جماعة التوكيلات بتبيع عربيات أقل فى المواصفات من كل الدنيا و بسعر أغلى بعيدا عن الجمارك و قطع العيار الدرجة التانية و مفهمنا أنهم بيخسروا علشان خاطرنا و هما سارقنا و بيقولك الصناعة المحلية .... يا راجل الإسبرنزا كانت مستوردة بتتباع أرخص من لما بقت تتصنع فى مصر .... لو مش عارفين يصنعوا يبقى ملهاش لزمة.
عين العقل والله
بأضم صوتى لصوتك فى كل كلمة قولتها
ومعا للقضاء على الجهل والاستغلال والاستغفال فى سوق السيارات المصرى من خلال هذا المنبر المحترم والنافذة المشرقة التى لايبخل أى عضو فيها بأى معلومة فى أى مجال أو تخصص
ولنعمل معا من أجل التنوير والتثقيف لا من أجل المشاهدة السلبية والخلافات الشخصية والتعصب الفردى لهذا أو لذاك.
NileMotors
fiat bravo
حلوة بس الهورس باور بتاعها تعباااااااااااااااااااااا ااااااااااااااااااان......... و التيربو ماشى
[QUOTE=y2y1500;3872062085] حضرتك هتلاقي تقييمات الموقع في مشاركتي اللي فاتت وهتلاقي كل شيء بالتفصيل.
اولا انا متكلمتش عن مكمية مبيعات ولا ان هيونداي الرابعة في المبيعات لان ده مش شرط على الجودة.
ثانيا : نيجي لشق الموقع اللي حضرتك مش مقتنع بكلامه . الموقع ده بيعمل لكل شركة سيارات و لكل سيارة معينة 3 تقييمات هما:
1- الجودة المبدأية : وده بيعتمد على تقييم المستخدمين في امريكا ( وعددهم بمئات الالاف ) انهم بيقولوا اذا في مشاكل في العربية خلال او 90 يوم حتى لو مشاكل بسيطة جدا .
2- الأداء والتصميم : وده برضه بيقول فيه المستخدمين مدى آداء العربية كمحرك وثبات ومدى نجاح تصميم العربية الخارجي والداخلي كشكل و ك aerodynamics.
3- الاعتمادية : وده تقييم المستخدمين بعد مرور 3 سنوات على شراء السيارة الجديدة وعدد المشاكل والاعطال اللي ظهرت فيها مهما كانت صغيرة لان كله بيتاخد في الحسبان بتاع التقييم.
ودور القائمين على الموقع هو تجميع تقييمات الناس ( اللي هو مش رأي الف ولا الفين لا ده عدد مهول من المقيمين المستخدمين ) ويرتبوا العربيات حسب الفئات.
وعموما ده رابط الموقع لو عايز تطلع عليه www.jdpower.com وابحث في اي موقع تاني هيقولك انه معتمد اصلا على الموقع اللي انا كتبته .
ولو حضرتك برضه مش واثق في اللموقع او في القائمين عليه اظن مستحيل يدو للكزس على 4 سنين على التوالي المركز الاول رغم ان عندهم شركات منافسة زي الكاديلاك والبويك يعني التقييم لا يصب في مصلحة السيارت الامريكية.
في حاجة تانية غريبة اوي حضرتك قلتها ان الشركات الامريكية فاشلة !!!!!!
ده على اساس انك مخطرش في بالك اسم كاديلاك مثلا!! او فورد !!
مش معنى ان الشركة فلست تبقى سياراتها فاشلة . عندك كاديلاك مثلا من الشركات العملاقة اللي بتعمل سيارات بتنافس اللكزس والبي ام دبليو والمردسيدس . وكذلك الفورد .
سيدي الفاضل امريكا من اكبر الدول المنتجة للسيارات المحترمة والاعتمادية .
اما اذا حضرتك بتتكلم عن شيفروليه فده موضوع تاني لانها بالفعل انا بعتبرها فشلت بسبب الهوجة اللي عاملاها انها بتنزل عربية في كل بلد باسم و لها اسهم في شركات ضئيلة زي دايو الكورية.
[QUOTE=ehaballam;3872062656] اولا التعميم مش هيجيب نتيجة في الكلام ولا فايدة لان حضرتك لما بتتكلم عن الكوري بتتكلك عن
هيونداي - كيا - دايو ( شيفروليه الكورية ) . وكل شركة لها مستوى جودة واعتمادية مختلف تماما عن التاني.
اما عن شركة هيونداي فهي في الوقت الحالي في مستوى كبار الشركات اليبابانية ( هوندا - تويوتا).
وعلى فكرة مواصافات سيارت هيونداي اللي بتنزل امريكا متفرقش عن اللي بتنزل دول الخليج الا زيادة عوامل الامان فقط غير كده العربية هي نفسها تماما.
بالنسبة ل FIFTH GEAR مع ان موقع جي دي بور اشمل وادق منه الا ان هيونداي برضه واخده فيه تقييم اعلى من ميتسوبيشي وحضرتك افتح تاني وبص فيه.
[QUOTE=tarekabosdera;3872063551]
بص الافضل متديش اهتمام للناس اللى بتجادل على الفاضى و المليان و يا ريتهم جربوا و لو عينه
انا اكتشفت ان قسم المقارنات ده اكتر قسم الناس بتفتى فيه و اللى مش عاجبه شركة او سمع كلمه عن توكيل معين يروح يكتبها فى كل المواضيع.. و كده بقى بينصح صاحب الموضوع انه يبعد عن هيونداى و يتقال كلام ملوش اساس و تطلع التقارير دى كلها مغلوطه و هما ميعرفوش يعنى ايه JD power و لا حتى top gear او fifth gear مع ان فى حاجه اسمها internet search..
و اللى يقولك هيونداى امريكا حاجه تانيه و احنا زى اوروبا طيب شوف ال Hyundai i10 محققه المركز التالت فى اعلى مبيعات على مستوى اوروبا هيقولك لأ اصل احنا تبع جنوب افريقيا و بوركينا فاسوووووووووووووووووووووو وو
طيب اريحكم بوصوا للاكسنت القديمة موديل 97 لسه شغاله و مع ابن عمى و مغيرش فيها حاجه غير الفتيس سنه 2008 علشان العربية مفهاش revolution limiter و كان مبهدل الفتيس و بيجيب 110-120 على الترس التانى و 65 على الاول يعنى كان مبهدلها لحد ما باعها اول 2009.. و لما راح شغله و ادوله عربية بولونيز علشان مشوار البيت بعد ما مشى بيها 10 متر سابها فى الشارع و مشى و مرضاش ياخدها لانها عربية غير صالحه للاستهلاك الآدمى على حد تعبيره رغم انه كان معاه شاهين قبل الاكسنت
بص ريح دماغك و ممكن متدخلش القسم ده غير لهدف الرد على صاحب الموضوع بالنصيحة و باقى الناس اللى مش مقتنعين سيبهم فى البولونيز و الزمن الجميل بتاعهم مش هتستفاد حاجه لما تقعد تقنع فيهم بهيونداى اللى لو حد فيهم ركب الاكسيل (اللى هى اقل شىء انتجته هيونداى) بعد البولونيز هيحس بنقلة فى حياته :B4_592:
أولا : أحب أحيى الأخ طارق على هدوء و تحضر و الأسلوب العلمى للحوار
تانيا : لأخ monmonmon يا سيدى دى قناعات خضرتك شايف أن هيونداى أعظم إختراع بعد الكهربا مبروك عليك أما قريبك اللى بيسوق على 110 على التانى فاولا دي مش شطارة لانه يقرص على عربيته و ثانيا دة يدل على انه سواق مش حاسس بعربيته
ثالثا : مثلا ال i 30 واخدة 4 من 5 فى fifth gear بس لاحظ أن فى جزء الأداء واخدة 3 من 5 وف الجودة واخدة 5 و الانسر زيها بس سوال أنت شايف انك تدفع فى مين 120 ألف جنيه
تصحيح للأخ طارق لكزس دى مش كورى دي تويوتا أمريكا زي scion كدة
وزى ال acura فى الهوندا و ال infinity للنيسان
الأخ طارق : أنا بصيت على Jppower و لقيته بيعتمد على إستطلاعات رأى الجماهير .... مش رأي خبراء العربيات و دى نقطة سلبية لأن الجماهير بتحكم بمزاجها مش على أساس علمى و لا عن طريق المقارنة بين العربيات المختلفة
سيراتو قوة وثبات وعوامل امان وشكل جديد وتوكيل محترم