الموضوع: الحادثة دروس و عبر

المشاركة الأصلية كتبت بواسطة motorizer

ههههههه ده زميلي في الجامعة بس من الناس اللي ممكن يستخبي وراه إتنين بني أدمين يعني يمكن دراعه أتخن من وسطي .. بفكر أشوف بيدوه كام في الجيم و أديهمله و يركب معايا علي طول.

علي فكرة ... لما نزلت من العربية و في أيدي الموبايل و الكاميرا و بدات اتصل بالشرطة بمنتهي الثبات و الثقة في النفس و التقط صور للعربيتين سواق الميكروباص بدأ يتنفض و طلب زميل أخر له لكني هديته و شرحت له أنا بأعمل أيه و ليه فبدأ يتعاون معايا لدرجة انه نبهني ان موتور عربيتي لسه داير

الموضوع مش حرب و لا عداوة الحادثة حصلت و خلاص المهم كل واحد يبقي عارف حقوقه وواجباته من غير مايغلط في حد او يتعدي علي حقوق الاخرين

المشاركة الأصلية كتبت بواسطة iceheartedgirl

غريب فعلا انا مستغربة من رد فعل السواق اكتر من رد فعل حضرتك

مممممممممممممم


غالبا بيبقوا نازلين بمنطق خدوهم بالصوت

هو فعلا كان عايز يطبق المنطق ده و كان صوته عالي , لكني أمتصيت غضبه بسرعة و بدأت أتعامل مع الموقف بواقعية و بشكل عملي لأني ماكنتش عايز أضيع وقتي و مجهودي فيزعيق و مهاترات فارغة و قولت له لما الشرطة تيجي و تعاين علي الطبيعة هيا اللي تفصل و تقول مين فينا الغلطان

علي فكرة الحادثة اللي فاتت برضه اتصرفت بنفس الطريقة بالرغم من انها كانت صعبة و الخسائر كانت اكبر

ليه منطق العقل و الهدوء و الاحترام حتي مع من أخطأوا في حقنا اصبح هو الشئ الذي نعجب له بينما منطق القوة و مبادلة العنف بالعنف هو السائد و الطبيعي

أظن النتيجة اللي انا وصلت لها خير دليل علي كلامي علشان كده قولت انقل التجربة دي هنا و محاولة تعميمها كي نرقي جميعا بسلوكيات الشارع المصري سواء في الوضع العادي أو في الحالات الخاصة مثل الحوادث