محطة بنزين موبيل - اسكندرية عند جامع سيدى بشر على البحر

**hobby10** · 17-10-2009 04:06 AM

السلام عليكم ورحمة الله وبركاته

انا ياجماعة من يومين دخلت البنزينة دى وكنت عاملة حسابى انى ححتاج حوالى 20 لتر تقريبا على التفويلة ... قولتله فول لاول تكة ....... هوب لاقيت الماكينة بتقول 36 لتر ( بنزين 92) بحوالى 66 جنيه .... المهم حاسبت ومشيت ... واقعدت اضرب اخماس فى اسداس لانى كنت مشيت بالعربية ( اللوجان الجديدة ) حوالى 216 كيلو وال 36 ليتر دول معناهم ان ال 100 كيلو بياخد 16 لتر ............ وده طبعا مستحيل بجميع المقايس ........ ده ملوش الا معنى واحد ان البنزينة دى لاعبين فى الماكينة بتاعة البنزين او ان البيه مصفرش العداد وفى جميع الاحوال هم حراميه .............. انا حبيت بس احذر كل الناس من البنزينة دى لانى طبعا كده دفعت بتاع 25 جنيه بلوشى ده غير الخضة والقلق لاتكون العربية لا قدر الله فيها حاجة ....... شكرا

**a7mode** · 17-10-2009 05:28 AM

اه فعلا البنزينه دى مش كويسه ابدآآآآآآآآآآآ

بصراحه انضف بنزينات عالبحر هما موبيل الشاطبى والبنزينه اللى جمب سيتى بنك دول انا بروحلهم مخصوووووص

**homme49** · 17-10-2009 06:45 AM

نصيحة لكل من يملأ سيارته فول تانك أن يقوم بالنزول من السيارة و مراقبة عامل المحطة و عداد اللترات و لا تترك له المفتاح ليقوم بذلك من تلقاء نفسة (النفس أمارة بالسوء) و يستحسن تتبع كلامك بعد كلمة "فول لأول تكة "
هى حا تاخد تقريبا 19 أو عشرين لتر علشان يعرف إنك متابع و لا تحدثه نفسة بالسوء .

**Beam28** · 17-10-2009 11:57 PM

غريبة جدا!!! آنا كنت فاكر ان هوجة السرقة في بنزينات موبيل في اسكندرية خلصت من كام سنة فاتوا!! انا في زيارة واحدة لاسكندرية اتسرقت في بنزينتين موبيل بس الكلام ده من سنين.. سبحان الله في الناس اللي ماعندهاش ضمير دي

**fadyspot** · 11-11-2009 12:57 AM

بصراحة يا جماعة بجد حاليا فى اسكندرية انضف محطة الواحد بتعامل فيها مصر الامارت اللى بعد الموقف الجديد انا عارف انها بعيدة شوية بس بجد معاملة رائعة و ناس كلهم عليهم رقابة و عموما ربنا يرحمنا برحمته و معلش يا باشمهندسه محدش بيتعلم بالساهل للاسف

**hossam_elwani** · 11-11-2009 01:42 AM

عايز توضيح لتقطة هما ممكن يلعبو فى عدادت الطرمبة بتاعت البنزينه وتعد خلاف ما هو واقع !!!!!!

**hobby10** · 11-11-2009 02:28 AM

المشاركة الأصلية كتبت بواسطة hossamdoaaaa

عايز توضيح لتقطة هما ممكن يلعبو فى عدادت الطرمبة بتاعت البنزينه وتعد خلاف ما هو واقع !!!!!!

الله اعلم هم بيعملوا ايه بالظبط بس الاكيد ان فى لعب اعتقد اما لعب فى العدادات او عدم تصفيره مثلا

**hobby10** · 11-11-2009 02:32 AM

المشاركة الأصلية كتبت بواسطة fadyspot

بصراحة يا جماعة بجد حاليا فى اسكندرية انضف محطة الواحد بتعامل فيها مصر الامارت اللى بعد الموقف الجديد انا عارف انها بعيدة شوية بس بجد معاملة رائعة و ناس كلهم عليهم رقابة و عموما ربنا يرحمنا برحمته و معلش يا باشمهندسه محدش بيتعلم بالساهل للاسف

يالله الحمد لله ... عموما انا دلوقتى بتعامل اما مع بنزينة موبيل سموحة او احيانا موبيل اللى فى جمال عبد الناصر اللى عند الاكاديمية وبسسس

بقول لحضرتك تعرف بنزينة شل جوه اسكندرية ( مش على الطريق يعنى ) ؟؟