السلام عليكم
حد يعرف منين اشترى قرع عسل جاهز :ma: ؟؟؟
عرض للطباعة
السلام عليكم
حد يعرف منين اشترى قرع عسل جاهز :ma: ؟؟؟
ايه الاكلات اللى جايا قبل ما نفطر دى
:36_1_8[1]::36_1_8[1]:
عندك المالكى بيبعه جاهز - ما تنساش تبعت لى واحد :w6266d
فيه فى مترو او خير زمان اجزاء بتكون متقطعة جاهزة يعنى متنظف ومتغلف وجاهز للتسوية
وهو عمايله فى البيت سهلة
شكرا يا باشا على الرد
لو حد يعرف اماكن تانية يا ريت يقول
البان زاهر اللى في ميدان الحجاز جنب مطعم جاد.
هو ازاي بيتعمل قرع العسل دا
يعني بيطبخ و لا بيتعمل حلويات و لا ايه بالظبط
احنا عندنا في قنا ناس كتير زرعاه و بشوفه علي الطريق و انا ماشي بالعربية اكوام اكوام و بلاقي ناس بتقف تشتري
و لما بسألهم مين بيشتري القرع دا بيقولوا ان اغلب القري و الفنادق السياحية في الأقصر و الغردقة ببتعاقد معاهم علي شراه
انا فاكر في مصر اكلته عند حد بس كان معمول حلويات
يا ريت لو حد عنده فكره يقوليبيتعمل ازاي قرع العسل دا
ايوة هوة بيطبخ
فيه ناس يتدخله فى الاكلات زى الخضار المشكل
وفيه بيتعمل صوانى بالفرن بالمكسرات ودى بتدى طاقة عالية يعنى اكلة شتوى
شكرا على الرد يا ابو وليد
اصل انا والدتى مبتعملوش , اول مرة ادوقه كانت من شهر تقريبا بس عجبنى جدا
المقادير : ( حسب عدد الأفراد )
_ كيلو قرع عسل ( اليقطين ) الكيلو من 2.5 الى 3.5 او 4 جنيه بس بيتباع بالثمرة عند الفكهانى او متقطع بالكيلو فى مترو وخير زمان
_ 2 كوب كبير سكر او سكر سنترفيش
_ كوب ماء
( حسب الضرورة )
الحشو :
_ ( مكسرات و جوز مقطع قطع كبيرة
_ زبيب ، جوز هند مبشور
_ ماء ورد
_ معلقة صغيرة سكر او سكر سنترفيش سنترفيش
( حسب ماتفضلي )
الصلصة البيضاء :
_ 2كوب لبن
_ 2ملعقة كبيرة سمن ( طبيعي )
_ 2 ملعقة كبيرة دقيق
_ ( حسب ماتفضلي ) سكر للتحلية
_ 2 بيضة
_ ملعقة صغيرة ماء ورد أو فانيليا
الطريقة :
_ نقشر القرع ونقطعه شرائح أو معكبات ثم نوضعه في إناء(حلة بغطاء) مع السكر ونتركة لينضج على نار متوسطةأو مناسبة حتي ينضج ويتشرب السائل( إذا لم يكفي السائل المتكون من القرع نضيف ماء) حتى ينضج الذي نتج عن نضج القرع ثم نتركة ليبرد ونهرسه جيدا .
الصلصة البيضاء ( البشاميل الحلو ) :
نضع السمن في إناء ثم نضيف إليها الدقيق حتى يميل لونه إلى الإصفرار ثم نحلي اللبن بالسكر ونضيفه على الدقيق ثم يرفعوا على النار حتى يغلظ قوامه نتركه ليبرد قليلا ثم نضيف عليه البيض بعد خفقه ونضيف الفانيليا أو ماء الور ونقلب الخليط جيدا .
_ تخلط مقادير الحشو مع بعضها ونضيفها على القرع الناضج المهروس وننضيف معلقتين من الصلصة البيضاء ونقلب الخليط جيدا .
_ نحضر صينيه وندهنها بالسمن ونصب فيها خليط القرع بالمكسرات ثم نعطيها بالصلصة البيضاء ( البشاميل الحلو ) بحيث نغطي وجهها تماما ونضع قطع من الزبد فوق وجهه الصضينية وندخلها الفرن حتى يحمرالوجهه و تنضج وتقدم ساخنة أو باردة
:36_1_8[1]:
ما تنساش تبعت طبق
:w6266d:w6266d
المهم لو جبت تشيللي طبق
انا بموت فيه
طب بالمرة كده محدش يعرف منين اجيب كنافة بالمانجة جاهزة باردو ؟؟؟
طبعا كلكم اطباقكم محفوظة :ma::ma:
sweetcorner فى المعادى بيعمل كنافه بالمانجه و كماااان يحطلك قطع مانجه من فوق
كنافة بلمانجا
r u serious???
y33333333333333
جنب مؤمن اللى فى المعادى قرب الاوتوستراد عماره 5\1 المعادى الجديده الشطر التاسع
على فكره عالميه جامده جدااااقتباس:
كنافة بلمانجا
r u serious???
Y33333333333333
ان شاء الله هاجربها
انا بحب الكنافة بالجبنة موووووووووووت
wahba87 باشا ما تقولينا انت ساكن فين عشان نقدر نقولك على احين واحد بيعمل قرع عسل جاهز و كنافه بالمانجو
لا اعمل اي قرع العسل دا عمايله مرهقة جدا وصعبه جدا جدااااااااااا
وبعدين كنافه اي اللي بلجبنه دي بتقطعوا عليها قوطه ولا ايه
اي الحااجات الغريبة اللي بتاكلوها دي
مجبلكم احسن عكاكا بالعسل
انتى لازم تدوقى الحاجة وبعدين تحكمى
وعلى فكرة الكنافة بالجبنة ما بتتعملش غير عند اكبر الحوانية فى مصر وسعرها ضعف سعر العادية
الذواقة كدة زى انا وبقيت الاخوة :36_1_2[1]::36_1_2[1]:
وبعدين قرع ايه اللى صعب :36_1_34[1]:
:dzey:
ده من اسهل الحلويات اللى بتتعمل
هوة بياخد شوية وقت بس
:Ka_che1[1]::Ka_che1[1]:
ولو اكلتى العكاكا بالعسل
قولى الطريقة
شكلك بتحبيها موت :C_laugh[1]::C_laugh[1]:
دا مشروع منشق من بلح الشام بطريقتي الخاصة
قرع العسل ده حاجة رائعة جدا
طعمه خرافة
والدتي كمان كانت بتعمل بالبشاميل
وهمي
طعم البشاميل بيظبط طعمه فبيكون هايل
على فكرة
هو فعلا مغذي ومفيد جدا وقيمتة الغذائية عالية
وبمناسبة ان المانجة جت في الموضوع
معظم محلات العصير اللي بتبيع مانجة بتغشة بقرع العسل
ايون بيسلقوة ويسكرة ويحطوة في المانجة
وانت تشرب مانجة وتقول يا سلام شايفين المانجة حتت ازاي
والكوباية بجنية ونص بس
هاهاها
وحضرتك بتشرب مية مانجة والباقي قرع
بس الحمد لله انهم بيغشو بحاجةمفيدة مش حاجة مضرة
-----
محمد بدل ما تنزل من العبور للحجاز
عندنا في جمال عبد الناصر زاهر فاتح
وطبعا انت عارف اللبن وازبادي بتوعة عاملين ازاي
وطبعا طوابير بس البواب بيقوم بالواجب
وماتروحش وقت صلاة لانهم بيكونو قافلين عشان بيصلو في الجامع دايما
عند مين
زاهر بتاع الزبادي
بسيطة
كوباية زبادي لكل من يحضر المقابلة
كنافة بالمنجة فى غير رمضان
كنافة بالمنجة فى غير رمضان بتبقى بالطلب
احسن حتة سدرة اللى فى ارض الجولف
قويدر
لابوار
اية جماعة المنتدي قلب منتديات طبخ والا اية
الطريقة المثالية لقرع العسل بالكريمة الحلوة ( الباشميل ) والمكسرات
....
تنزل من البيت وتركب عربيتك ..... وماتنساش تقرأ دعاء الركوب
وتطلع على صلاح سالم ...
وتتجة من مصر الجديدة في اتجاه القلعة
ح تلاقي كوبري العروبة .... وبعدين ح تلاقي على يمينك مسجد العربي توشيبا الجديد ....
تدخل يمين من جنب الجامع .... وتمشي طوالي ... ح تلاقي توكيل تويوتا على شمالك .... تكمل علطول
ح تلاقي علي يمينك مستشفى الايطالي ... وعلى شمالك مستشفى الزهراء واليوناني .... تكمل علطول ... وتقطع شارع السرايات اللي جاي من عند هندسة عين شمس .... وتمشي علطول 20 متر .... وتركن ....
كده انت تحت بيتنا مباشرة .... بص فوق ح تلاقي الواد ابراهيم ابني بيلعب في البلكونة
تطلع عندنا ح تلاقيني في انتظارك .... ومدام شوماخر عاملالك صينية قرع فززززززززززززززززيعة ......
كل المطلوب تقولنا قبلها بيوم واحد
من الآخر .... انا مدمن قرع عسل .... باشترية من ع الطريق الزراعي عند قليوب كدة .... وباجيب كميات ... ممكن مثلا 5 او 6 قرعات كل واحدة حوالي 8 او 9 كيلو ..... ويتقطع بعد ما يتقشر ويحفظ في الفريزر
ويتعمل حلو طبعا ... وعلى فكرة فيه ناس بتعمله طبيخ بالملح وناس بتعمله حلو زي المهلبية
انا بقي باحبه حلو بالباشميل ... وطبعا يقدم بارد بعد وضعه في الثلاجة عدة ساعات
الطريقة اللي كتبها احمد سعد هي اللي بنعملها مع اضافة تفاصيل دقيقة ....
الباشاميل بيتعمل باضافة ماء القرع اللي بيتصفي منه بعد ما يستوي ... ولازم يضاف للقرع قرفة مطحونة بكمية قليلة
... وشوية تفاصيل بقى كل واحد على طريقته
والمكسرات ممكن يضاف ليها الصنيبر .....
..
..
..
تنورونا ياجماعة وبالهنا والشفا مقدما :Oc_sun1[1]:
واااااو
وحضر ذواقة المنتدى
انا حاجز يا فندم
بس انا مش بتاع اطباق
صواني على طول
طب ممكن اجي مع استاذ كريم علشان اساعد في شيل الصواني:ma:
علي فكرة انتو جوعتوني وانا جوع بالليل دة بيتعبني
كل معلوماتي عن القرع انة بيتباع علي الطريق أكتر من كدة معرفش ومشوفتش ومكلتش
حاج احمد
الزباين كتير
شوف
انا عارف انك راجل كريم
انا هاتبرع ب 5 كراسي وطرابيزة
ونيجي تحت البيت
انت تنززل الصواني للضيوف
وانا اقطع واقدم و(احاسب)
معلش بقي انت اللي كريم مش انا
هاهاها