مطلوب توضيح عن مؤشرات طابلوه ريجاتا نوفا ممكن

**amro1965** · 17-10-2009 10:20 AM

السلام عليكم ورحمه الله وبركاته
اولا ان لسه شارى ريجاتا نوفا عرفت اغلبيه المؤشرات فى التابلوه لكن للاسف بجد اشياء مش عارفها سوف اوصفها لحضراتكم لعلى اجد الحل
اولا يوجد شى مثل الظافر حوالين مفتاح الكونتكت بدوس عليه بيدخل ويخرج مش عارف ايه فائدته
ثانيا اسفل التابلوه تحت الدريكسيون يوجد مفتاح بيتلف يمين وشمال مش عارف فائده برضه
ثالثا علبه الفيوزات مش عارف افتحه خايف اتعافى عليه تنكسر وانا بعرف ان من عيوب الريجاتا ضعف التابلوه بتاعها وانا والحمد لله التابلوه كويس عندى
رابعا يوجد مؤشرين عليه صورة شكل البنزينه واحد خاص بمؤشر الوقود اما الثانى اللى فى اقصى الشمال مش عارفه

خامسا المؤشر الذى فى اقصى اليمين بجوار شاشه الاعطال سالت قالو لى انه خاص بعدد لفات الموتور مش فاهم ولو صح يعنى ايه عدد لفات الموتور
سادسا فى سيارتى الماضية كنت عندما اسخن السيارة وعلشان ماشيل رجلى من على دواسه البنزين كنت بسحب زراع فى التابلوه سحبه صغيرة وكنت خلال الفترة اطوا السيارة وتكون العربيه سخت ارجع الزراع لماكنه وابدا فى السير لكن مع الريجاتا دورت على ذلك الزراع مش لاقيه مش عارف مكانه فين
ومثل ماقلت لحضراتكم من قبل انا لا احاول اتعافى على شىء فى السيارة حتى لا ينكسر

شكرا جزيلا للساده الاعضاء
الذين تفعلوا مع مداخلاتى حتى هدانى المولى عز وجل فى شراء سيارة مثل هذه لانها عن جد فرقت كتير معى

**amro1965** · 18-10-2009 12:31 PM

بتمنى من الساده الاعضاء من لديه على الاقل رابط تحميل مباشر يضعه لى لانى عن جد محتار جدا

**galilio_mad** · 18-10-2009 02:38 PM

طيب ممكن تصور اللى حضرتك عايز تعرفه ولو حتى بالموبايل

الظفر : عندى بادوس عليه و الف المفتاح تكة عكس ينور نور الشمعة و يفضل شغال

مش شرط كل العربيات يبقى فيها شفاط ( بتاع التسخين ) و ممكن يكون عندك و ملغى - صور الكربراتير و حاقولك عندك شفاط و لا لأ

ده اللى انا فهمته :) - لو فى صور ان شاء الله اقدر افيدك اكتر من كده

**amro1965** · 18-10-2009 03:32 PM

شكرا لردك اخى العزيز وسوف اصور كل قطعه محتاج المعرفه وسوف اضعها فى المادخله
شكرا اخى العزيز على سرعه ردك

**aymoz** · 18-10-2009 06:26 PM

1 -الشفاط موجود تحت الدركسيون يمين شوية
2- علبة الفيوزات ببتفتح من تحت هتلاقي في حتة علشان تحط فيها إيدك بس هي بتفتح عافية يعني مفيهاش زرار
3- المؤشر التاني ده بيوضح استهكلاك العربية للبنزين لما بتكون ماشي يعني لو ماشي ومثبت رجلك هتلاقيه في النص ولما تيجي تكبس بنزين أو تكون على غيار مش مناسب هتلاقيه في آخر طبعا هو معمول بالطريقة ده علشان العربية قديمة
4 - مش هأقدر اشرحلك معنى لفات الموتور لأني مش خبير في الحاجات ده

ولو في أي اسئلة في الريجاتا أنا جاهز

**amro1965** · 18-10-2009 07:35 PM

شكرا اخى العزيز amyoz لمعلوماتك القيمة
طيب اخى لو حضرتك مالك سيارة ريجاتا ايه الشىء الذى ممكن اغطيه وانا بغسل حوض العربية حتى لا تتأخر قطع الغيار او الابلاتين والكندنسر وخلافه لانى لسه مشترى السيارة واود اغسلها واغير زيت ماتور واغير فلتر الزيت والبنزين واشيك على سير الدينامو
ده كل اللى اعرفه لان ممكن غسيل الحوض بالمياه والجاز ممكن يجعل اى كلبسات تملح او تصدى
بالذات انى رايت فى الحوض ان مقياس الزيت مرتبط بالكلبس مدلوله ان الزيت مرتبط بلمبه شاشه الاعطال وخايف شىء يفصل بين الاسلاك وشاشه الاعطال
اتمنى لو لك دراية بهذا الموضوع اكون شاكر الك

**amro1965** · 19-10-2009 08:42 PM

هذه صور للاشياء التى اريد التعرف عليها فى اللريجاتا نوفا موقتا
انشاء الله سوف اصور الحوض كاملا لعلى اجد الافاده لديكم

**aymoz** · 20-10-2009 09:15 AM

السلام عليكم
بصراحة مبحبش اغسل الحوض إلا لما يتوسخ اوي بس لما باجي أغسله بغطي الاسبراتر بس وممكن البوجهات بس ساعات مابترداش تدور بعد مخلص بسهولة .
غسيل العربية الريجاتا كتير غلط جدا علشان البروما أسوأ عيوبها أنا عارف إن حضرتك عايز تنضفها وتروقها بس بعد كده كفاية قوي تغسل الحوض كل 6 شهور
بنسبة للصور
1- لما يكون المفتاح في الكونتكت اضغط عليه وراجع المفتاح عاكس اتجاه التدوير هيخلي النور الصغير يفضل شغال حتى لو سهلة المفتاح
2 - هو ده الشفاط اللي بيسخن العربية يدوي و حضرتك كنت عايز تعرف مكانه
3 - المفتاح ده للتحكم في قوة اضاة التابلو

**amro1965** · 20-10-2009 11:11 AM

شكرا اخى العزيز amyoz
اولا شكرا لتضويحك الكريم
ثانيا ممكن تكون السيارة شغاله وبخرج مفتاح الكونتكت وبتكون السيارة دايرة اصدقائى قالوا لى ان ده عيب فى الكونتكت لانه مفروض طالما السيارة دائرة المفتاح مايخرجش علما بأن مفتاح الكونتكت هو مفتاح فتح السيارة وهو مفتاح فتح شنطه السيارة
مش عارف هل ده عادى ولا خطا فى السيارة
بالنسبه للغسيل فهمت من حضرتك ان افضل شىء اغسلها بنفسى اى المكان اللى امسحه بكهنه بالماء والجاز انظفه مباشرة حتى لا اترك ماء وجاز فى اماكن لا اقدر انظفها وامسحها او شىء ممكن يأثر فى شاشة الاعطال التى مرتبطه باسلاك بالحوض مباشرة مثل الكلبس الذى يربط مقياس الزيت الذى اخبرتك به سابقا
ثالثا اتمنى من حضرتك النصيحه فى صيانه السيارة وماهى الاعطالى التى تعانى منها هذه السيارة وطرق تلافيها لانى ممكن تعمل شىء معى واخيك معندوش فكرة بأى شىء فى الصيانه عكس سيارتى القديمه فضلت معى حوالى ثلاث سنوات اخذت منها خبرة لحد ما اقدر على الاقل اسلك نفسى حتى اوديها لميكانيكى متخصص وكان الحوض بتاعها واضح فى كل شىء اما هذه السيارة ابص فى الحوض بتاعها احس ان مش فاهم حاجه الا فى اشياء متطابقة مع سيارتى القديمه واخيك لا يحب يفتى يعنى التجربه محبش اعلماها طالما محدش عملها امامى
انا اسف دوشت وشكرا لمعلوماتك القيمة

**aymoz** · 20-10-2009 02:50 PM

السلام عليكم
موضوع خروج المفتاح والعربية دايرة ده عيب طبعا بس هو عندي اناكمان على فكرة
بنسبة للصيانه لازم كل فترة تفتش على العفشة و البارومة علشان لاقدر الله لو حصل حاجة تلحقها في أولها وفي كذا مكان بتيجي فيهم البروما بسهولة زي الرفرف اللي ورا والشنطة والأبواب من تحت .
أنا بنسبالي أكتر حاجة بتبوظ الكبالن كل شوية اغيرهم وبرضه فرامل الريجاتا مش حلوة اوي ومفيش حاجة تاني باشتكي منها الحمد لله