عرض للطباعة
حد يا جماعة شاف مقالة بظاظا فى الاخبار اليوم النهردة عن توكيل بيجو فى مصر؟
التوكيل بقاله اكتر من سنه فى مشاكل بينه و بين الشركة بره و تقريبا كانوا قاطعين عليهم العربيات الجديدة و حسب الاشاعة اللى كنت سمعتها ان الوكيل عليه فلوس مدفعهاش لبيجو فى فرنسا.
المفروضان فيه كذا رجل اعمال رايحيين فرنسا علشان يتفاوضوا علي توكيل بيجو و يتاخد من عائله اباظة
بصراحه هما بيهرجوا لانة توكيل يكسب دهب و هما مش مقدرينه و العربيه فعلا مبيعاتها قليله جدا بالمقارنه بالسمعه
اباظا هو اللى خربها
ويارب تتحسن عن طريق توكيل جديد
بيجو فعلا من افضل السيارات الموجودة ولكن انتشار الموديلات الجديدة قليل اوى
نتمنى تحقق الانتشار المناسب ليها
بيجو اسم كبير واعتقد التوكيل انتهى ولكن البيجو سيارات جدآ ممتازة على المستوى الفرنسى وافضل من الرينو مليون مرة
سبحان الله !! up
:U_thin1[1]:اقتباس:
المشاركة الأصلية كتبت بواسطة akram2010
يا راجل يا طيباقتباس:
المشاركة الأصلية كتبت بواسطة akram2010
ايه اللى جاب عربيات رينووووووووووو
لعربيات بيجو - ستروين
هذه نقرة ............. وتلك نقرة أخرى
لسه ما شوفتوشاقتباس:
المشاركة الأصلية كتبت بواسطة som3aa
بس افتكر ان مشكلة بيجو-مصر انها مش عارفة تواكب الزمن والعصر الحديث بعد اما كانت فى يوم من الايام افضل عربية فى مصر
وازمته ابتدت بعد تعويم الجنيه المصرى (اللى غرق الله يرحمه ويحسن إليه) سنة 2002
وبعدين ارتفاع سعر اليورو (سعر الاستيراد) مقابل الدولار والين أثر بشكل كبيييييييييييييير جدااااااااااااااااا على مبيعاتها اللى اصبحت لا تتجاوز 2% من السوق المصرى
واخيرا اتجاه المصنع فى مصر لتجميع السيارات الايرانى والتركى من بواقى طراز 405 اللى اندثر فى العالم كله من 15 سنة واكتر وتوقف انتاج 406 الرهيب بعد ما وصل ثمنها فى اخر ايامها لأكتر من 200 الف ج
فمن رأيى بلاش نظلم وكيل وجيه أباظة اللى اتولدت على ايديه عربيات البيجو اللى بتجرى فى شوارع مصر كلها
بس افتكر ان الامل موجود بعد تخفيض الجمارك تدريجيا بنسبة 10% سنويا لحد 2019 واكيد هيساهم بشكل كبير فى زيادة مبيعاتها مع الاخذ فى الاعتبار اسعار الصيانة الباااااااااااااااااااااا هظة جدا
انا اعرف دكتور معاه 307sw عمل بيها حادثة عربية نقل شالت الشنب بالربع اللى قدام
كلفته اكتر من 40 الف ج تصليح وتغيير كبوت ورفارف واكصدام بشبكة وفوانيس وازاز امامى عشان اتشرخ وطبعا التابلوه عشان الايرباج فتح
عندك كل الحقاقتباس:
المشاركة الأصلية كتبت بواسطة y2y1500
رينو هى الحيطة المايلة... إللى كل إللى نفسه يقول كلمتين سب و لعن فى حق ماركة مش ناس كتير فاهمة فيهاا يبدع براحته....
بس عموما ...أكرم مالوش غير فى الهيونداى....
كل التقدم و التكنولوجيا و المبيعات و الإعتمادية و سعر إعادة بيع و تسارع و متعة قيادة ينحصر فى حرف ال H المرسوم بتموج
بس برضه ارتفاع اليورو مش هو كل حاجة...عاكل من عوامل..لكن ده لا ينفى سوء الإدارة و مش عارف بقى نوصفها بفشل و لا تكاسل لكن المهم إنهم مش ايفين شغلهم مظبوط فى " وجيه أباظة " كتوكيل لبيجو فى مصر...
صحيح كانوا شغالين زمان كويس....لكن بقى لهم كتير أوى مش منطقيين و الحال بينحدر...
خد مثال لرينو...عربية لم يكن لها سوق فى مصر...لا أحد يعرفها و لا يثق بها..مع المجهود و الشغل باعت و بقى لها إسم...
الحياة كانت أسهل كتير بالنسبة لتوكيل بيجو بعد السمعة الطيبة و لانتشار مع ال 504 و ال 405 ...
إيه إللى حصل....مش عارف..بس الغلط على رأسهم....لإن باقى الأوروبى لسه شغال و بيتباع و بيعانى مع اليورو و منافسة الكورى و غيرها من أسباب
بصراحة التوكيل كانت احواله سيئة اوى الفترة الفاتت .. و بقا مش مفهوم .. كأن مفيش حد فى الادارة خالص
كانت العربيات بيتنزل و تطلع 10 الاف جنيه بين ليلة و ضحاها
محدش عارف ايه العربيات الموجودة و ايه الفئات ولا حتى الاسعار ..
فعلا حالته صعبة
توكيل وجيه أباظة من أسوأ التوكيلات فى مصر
ويارب تنتهى علاقتة ببيجو
اللي ما يعرفش يقول عدس !!!اقتباس:
المشاركة الأصلية كتبت بواسطة akram2010
يا راجل؟ اشمعنى؟ ممكن تقول لي بيجو و ستروين بتتميز بإيه عن رينو؟اقتباس:
المشاركة الأصلية كتبت بواسطة y2y1500
و يا ريت نقارن سيارات من نفس الفئة ببعض ..... يعني بلاش نقارن 406 بميجان مثلا (فرق 60 الف عالاقل)
يعني مع احترامي ...... سينيك تضرب 307 sw بالجزمة القديمة ........ و انا ركبت و سقت الاتنين
+1 ...... هو خاربها فعلااقتباس:
المشاركة الأصلية كتبت بواسطة محمد ابراهيم 1
اقتباس:
المشاركة الأصلية كتبت بواسطة akram2010
واضح ان حضرتك مش بتشتغل في غبور
لأ
حضرتك بتشتغل عدو لتوكيلات نصير وخلاص
ههههههههههههههههههههههههه هههههههاقتباس:
المشاركة الأصلية كتبت بواسطة successcre8or
ماتنساش ان بيجو ماعندهاش منافس للفيرنا .... انما رينو عندها اللوجان
اقتباس:
المشاركة الأصلية كتبت بواسطة chato_eg
والله وجهة نظر احترمها برضه ما اقدرش اقول ليك غير معاك حقاقتباس:
المشاركة الأصلية كتبت بواسطة chato_eg
واكبر مثال على كلامنا سكووووووووووودا اللى كانت فى 94 نازلة بالفافوريت عادة وكومبى (انا فاكر اعلانها لحد دلوقت فى اهرام يوم الاحد قبل الملحق الاسبوعى وكان بالابيض والاسود وسعرها كان وقتها حاجة وتلاتين الف)
تعالى بقى شوف سكودا دلوقت فين وعربياتها ملت الشوارع اشكال والوان من فافوريت - فيليشيا - فابيا - اوكتافيا - رومستار
وسمعتها وسمعة توكيلها وصلت لإيه
ده الفرق بين ناس بتكبر كل يوم
وناس تانية خالص بتهد اللى بانته على مدار سنين طويلة
والله جامدةاقتباس:
المشاركة الأصلية كتبت بواسطة successcre8or
لأ حلوة وملعوووووبة
اقتباس:
المشاركة الأصلية كتبت بواسطة أحمد كمال
و منافس قوي بصراحة..
انا لو حد اعرفه عايز يجيب عربية في الرينج دا هقوله ينزل يركب اللوجان الأول... دا sure يعني!
عيش حياتك مع بيجو وسقف بانوراما عربيات لو تنزل والمصحف اتفرجوا على الشغل ساعتها
http://www.peugeot.com/en/products/cars/Peugeot-308-sw.aspx
http://www.peugeot.com/en/products/cars/Peugeot-207-sw.aspx
http://www.peugeot.com/en/products/cars/peugeot-3008.aspx
http://www.peugeot.com/en/products/cars/peugeot-206-plus.aspx
وجيه أباظة عايز يصنع ال 504 تانى !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !اقتباس:
المشاركة الأصلية كتبت بواسطة akram2010
غير موضوع اباظة الي بقى فعلا مقرف جدا و توكيل اي كلام شغال فيهم ..
سيارات بيجو على اد مابتطور الشكل و الاداء و و وو .. علي اد مااعتماديتها حتى في اوروبا مازالت محل شك ..
و الموديلات الجديدة حقتبس كلام "top gear " فيها .. مش خطوة الي الامام .. و انما هي " خطوة " بالجنب .
كلامك لا يخلو من وجاهة لكن أعتقد إن الخطوة اللى عملتها بيجو بالتعاون مع b m w فى تصنيع المحركات والجير بوكس حتحسم هذا الموضوعاقتباس:
المشاركة الأصلية كتبت بواسطة cryptonx
انا فعلاً قريت حاجة معناها كدا على top gear بخصوص بيجواقتباس:
المشاركة الأصلية كتبت بواسطة CryptonX
بصراحة انا نفسي اباظة دا يسيب بيجو... قل كان عايز يجمع الـ504 تاني قال!!
بصراحه انا سايب الموضوع ومش عايز ارد لان بصراحه شوفت ردود متحامله كتير علي بيجو وبصراحه مش عارف اصلا ازاي ده يحصل
وردي كان هيزعل ناس كتير
ما علينا
بس انا هتكلم في نقطة انتاج الـ 504
حد فيكم شاف العربيه؟؟ حد فيكم سمع حتي ايه المواضفات الي هتنزل بيها؟؟
يا جماعه بلاش حكم علي الامور قبل ما نشوف العربيه
ايه الي عرفك ان بيجو هتبقي هيا نفسها بتاعة دلوقت؟؟؟
العربيه من سنة 71 لـ 84 نزل منها فوق الـ 26 موديل
يعني بمعدل من مودلين لتلاته كل سنه ...... متخيلين ارضاء العربيه دي لجميع الاذواق ازاي؟؟؟؟؟
تفتكرو بعد مرور 40 سنه علي انتاج اول موديل هتبقي نفس التقنيه؟؟؟ في نظري مستحيل
حتي ولو التوكيل عايز كده الشركه الام مش هتوافق ولو حصل هتبقي سقطه في تاريخ بيجو
خدو بالكم انا بتكلم علي تقنية وتكونولجيا مواتير مش شاسيه
لان شايف ان الـ 504 الشاسيه بتاعها مفيش اي شركه تانيه عرفت تعمل زيه يعني اتفرج علي الشاسيه ده اما يتعدل بس علي زاوية ميل القوايم مع الكبوت وتعديلات جزريه علي الفوانيس ورا وقدام مع اكصدمات بنفس تقنية العربيات الجديده وبنفس لون السياره
مع الحفاظ علي باقي العربيه زي ما هيا بدون ادني تغيير
اتفرج علي العربيه دي لما ينزل فيها موتور بتقنية hdi لهواة الديزل والي ميعرفش ده موتور صناعه مشتركه بين بي ام وبين بيجو الي هيا رائدة صناعة المواتير دي وتطويرها وتحديثها
ولو مش عاجبك موتور الديزل مش هقولك يا سيدي بيجو هتعمل مفاجاه وتنزل موتور جديد في العربيه دي
بس مع تعديل بسيط في الجزء السفلي من بلوك موتور الـ 406 والخاص بالات الجر علشان يبقي دفع خلفي مع التعديل علي الات الجر لتواكب تقنية الايام دي
واديني اهوه مش بكلمك في موتور انتاج اليومين دول
ده موتور تقنيته من 10 سنين دلوقت
واتفرج علي العربيه دي وقتها واحب اسمع الاراء
بلاش يا جماعه نسبق الاحذاث ونحكم علي حاجه ممكن تكون مجرد فرقعه ما اهو التوكيل بيموت قدامكم ومش باينله بيان
ليه متفكروش انها مجرد اشاعه علشان ياخد في صفه فئه كبيره من الشعب مجنونه بالموديل ده
عايزكم تفتكرو كلامي ده بعدين
وفعلا الي ميعرفش يقول عدس
A.Yakout
أنا مش متحامل على بيجو
أنا بكره توكيل وجيه أباظة لأنه توكيل زبالة وحرامية ودى تجارب شخصية معاه
الصراحة انا عمرى ما سمعت حاجة عن توكيل بيجو سواء كويسة او وحشة و لا اعرف حاجة عنه غير انه فاشل تسويقيا , فياريت تحكيلنا عن اى تجربة معاه لان واضح ان فى مشاكل معاه من كلام الناس هنا.اقتباس:
أنا مش متحامل على بيجو
أنا بكره توكيل وجيه أباظة لأنه توكيل زبالة وحرامية ودى تجارب شخصية معاه
كفاية أسعار قطع الغيار
لو عرف ينزل أسعار قطع الغيار هيقدر يعمل انتشار ويقف على رجليه تانى