الموضوع: ساعدوني ضروري بالله عليكوا انا محتار

انا ححاول افكر معاك بصوت عالي شوي وان شاء الله اقدر افيدك مبديا كده انا هتكلم على قد السعر الي حضرتك ناوي تدفعه في شراء السيارة ,,,, السيارة المعروضه على حضرتك " التو" دي كويسه جدا بس على اعتبار انها 2007 موديل حديث بنسبه كبيره ومكيفه وموفره وسوزكي " ياباني " وممكن تخلص على 37 او 36.500 لو معرفه يعني بس المشكله انها صغيره بالنسبه لطول حضرتك ولو معاك عائله كبيرة الي حد ما مش هتنفع ده غير ان محركها صغير اوي وممكن ما يستحمل سفر كتير يعني خليها اخر اختيار

ثانيا مشكلة العربيات الي حضرتك كاتبها في الموضوع الي منها قطع غيارها غاليه زي الجولف والبولو والستروين ومنها عربيات عاوز شغل كتير وفي راي مش معمره اوي زي الفيات بصفه عامه بس يعني لو في اضيق الظروف تبقى فيات سينا والادهى من ذلك ان كل الموديلات دي لو فكرت تجيبها هيبقى موديلها قديم الى حد ما

ثالثا والاهم حضرتك ممكن تجيث سيارة بالسعر ده ويكون موديلها حديث شوي يعني فوق ال 2000 او اسوء تقدير 1999 ويكون فيها المواصفات الي حضرتك طالبها زي لانوس من موديل 1999 -2002 او (نوبيرا-1 حضرتك ممكن تسال عليها ولو سعرها مناسب لحضرتك جيبها على طول ) وطبعا كان لو حضرتك قررت تزود شوي هات نوبيرا 2 موديل 2001 مثلا ودي هتبقى انسب عربيه بالسعر ده وفيها كل ما تتمناه فعلاااا
واخيرا الله يوفقك ويرزقك بسيارة كويسه وتريحك وأرجو تقبل وجهة نظري المتواضعه

عفوا يا باشا على ايه بس انا الحمد لله الي بيقدرني ربنا بقوله ,,,,
اولا : حضرتك بتقول ان السيتروين كويسه وكده بس ما يجذب او يغرك الشكل اي كانت السيارة الي حضرتك هتجيبها روح اكشف عليها وارفعها وفصصها ودقق في كل مكان فيها ضررررررررررررروري حتى لو السيارة كانت bmw وطبعا هناك احتماليه انك تلاقي فيها حاجات لكن مادام سهله وبسيطه مفش مشاكل , وبعدين اهم حاجة في اي سيارة محركها + عفشتها + الفرامل + التكييف+الباور فقط لا غير لكن الكماليات ممكن تتركب في اي وقت وفي اي مكان زي (زجاج كهرباء-سنتر لوك -فوج لايت ,,,الخ).

ثانيا : كل سيارة بالعالم بها عيوب حتى لو كانت زيرو بس الواحد بيشوف وبيفكر اذا كان هيقدر يتكيف مع عيوبها او لا

ثالثا : للاسف كل ما السعر قل في شراء السيارات النسبه المحتمله لشراء سيارة كويسه ونظيفه وبها مواصفات عاليه قليلة يعني العلاقه بين شراء السيارة والمبلغ المدفوع علاقه طرديه

رابعا : لو حضرتك غضيت النظر عن قطع الغيار الرخيصه من الشروط بس المقابل ممكن تدفع زيادة حبتين ممكن تفكر في لانسر 1999 طبعا الي جانب راي الي قولته لحضرتك في الرد الاول ,,,,وشكرا

لو عايز ثبات وشد وجري لحد 180
يبقى خليك فى اوبل فيكترا
الفلوس اللى معاك تجبلك فيكتر a موديل 1994 او 1995

بخصوص سعر السيينا اعتقد ان سعرها حلو بالنسبه لحالتها (80 الف كم) بس لازم تكشف عليها
بس خلي بالك ان السيينا سوقها تقيل شويه فى البيع

وممكن برضو هيونداي النترا موديل 1995 عربيه حلوة جدا وفيها كل الاؤبشن وموتورها قوي وثبتها جامد
عيبها الوحيد انها واطيه شويه وبخصوص الطول لو طولك 190 اضمنلك انك هتكون قاعد فيها مستريح
هيا هتكون فى الرنج اللى انت حدته بس حاول انك تلاقي واحده متكونش متهانه