دى بعض أنواع عوازل الصوت
عرض للطباعة
دى بعض أنواع عوازل الصوت
Unger Technologies, Inc
انا كان عندي بيتلز 65 وقمت بعملية العزل بالكامل حراريا وصوتيا ، افرخ البلاك بتكتم الصوت بصورة جيدة ومن بعدها طبقة اللباد السميك ودا كان بهدف العزل الحراري (كنت اتجننت في عقلي وفكرت اركب تكييف)
المهم بعد ما صرفت لي مبلغ محترم في عملية العزل دي وانا بجدد السيارة كنت مبهور بالفرق الصراحة وخصوصا اختفاء الحرارة نهائية القادمة من المحرك واصبح صوت المطبات والايكات المزعج مكتوم
بس كل دة كان عادي في عربية فولكس مش هيزود تمنها ولا برضه هيرخصه لكن في عربية زيرو عادية من بتوع اليومين دول اعتقد انه مجازفة، بس عن نفسي انا مجنون وممكن اعملها وبنفسي لو متاكد من ان النتيجة ايجابية بفرق محسوس ويستاهل
الموضوع ده عملته من حوالي ثلاث سنوات فالتكلفة هتختلف كتير عن اسعار اليومين دول ، والمصنعية كانت ضمن تكاليف الطلاء للسيارة وزودت اكرامية بتاع 100 جم علشان مساعة البوهيجي ليا في التركيب للبلاك علشان مزعج شوية ومحتاج انبوبة غاز وبشبوري معاه لتسخين افرخ البلاك
اما بالنسبة للباد فالسروجي عملهولي ضمن الشغل بتاع العربية وبصراحة سروجي محترم جدا بيانته في قسم الفلوكس بيتلز (اسمه مصطفي ومكانه في العرب)
اما بالنسبة للخامات فانا اشتريت افضل خامات ممكن تكون موجودة في وقتها من واحد بتاع خامات سيارت (موكيت ولباد وفرش وخلافه) من الحرفيين بعد ما شفت كذا واحد واخترت الخامات الي استنضفتها وعجبتني اما بالنسبة لافرخ البلاك هتلاقيها عند بتوع دوكو السيارات وعندك نوعين النوع الاول غالي حبتين (الفرخ بخمسن جنيه علي ما اذكر) ودا علشان عزل الصوت في الابواب وهو موجود عندك في ابواب السيارة فعلا بس قطعة صغيرة جدا
النوع التاني بيتباع بالمتر المربع ودا استخدمته للارضيات وهو اقل في السعر بكتير بس مش فاكر سعرة بالتحديد ودا الي بيتلزق بالحرارة ودا فرق معيا في اصوت خشونة الطريق الي بتوصل من الارض للعربية
ولو حد عايزني اساعدة في الموضوع ده يقول وانا اظبط معاه في شراء الحاجة ونشوف له الصنيعية الي ممكن يعملو الموضوع ده واي خدمة
الف شكر
أزاى الباك مش حيسيح من الحراره ثم أثبت فشل البلاك فى عزل الحراره والصوت
معروف أن الفوم و الألياف أقوى بكثير .
الأصعب فى الموضوع هو أننا نريد عزل صوت الموتور أى أن هذه المواد العازله ستكون فى الجزء الأمامى داخل الكابوت و الجزء الفاصل بيته وبين التابلوه (الكابينه/ الصالون) أى مطلوب حل الموتور و الفيتيس لبدء التخطيط والعمل.
أما بالنسبه العزل لعدم خروج الصوت (noise) من الصالون الى الخارج (sound system ) يتم التنفيز بماده الداينميت مثل الرابط الى بعته الأستاذ محمد
يعنى كدة ممكن اجرب اللباد لان الفوم مكلف
أولا محدش قال نفك الموتور عشان نبطن وراه بفوم أو خلافه .. وكده الموضوع هايكون خطر جدا لأن ممكن حاجة تخش بين السيور مع الاستعمال ..
اللي بيقول البلاك مش كفء ييجي أفرجه على عربيتي ومع ذلك فالفوم أنضف طبعا وأكفأ
يا جماعة أنا اللي عامله إني فارش طبقة بلاك تحت كرسي السواق ولحد آخر الدواسة وبعدها لفيت اللباد في مشمع وحطيته عليه وبعدها الموكيت ..
من ناحية الموتور فالعربية مستلمها بالعازل اللي في الكبوت بتعا بلاده ودا سبب رئيسي في انخفاض صوت الموتور عندي كمان