بجد انا لو خدت راحتي في الكلام ممكن اتوقف
اقول ايه بس
حسبي الله و نعم الوكيل
حسبي الله و نعم الوكيل
حسبي الله و نعم الوكيل
بجد انا لو خدت راحتي في الكلام ممكن اتوقف
اقول ايه بس
حسبي الله و نعم الوكيل
حسبي الله و نعم الوكيل
حسبي الله و نعم الوكيل
متفكرنييييييش الله يكرمك
نتفسح جوا البلد يحرقو دمنا ونتفسح برا البلد يحققو معانا زى ما يكون مسجلين خطر
المعامله فى الفنادق سواء فى القاهره او شرم نفس الموضوع , رايح فين يا كابتن تقوله نزيل هنا او جاى مدعو لكذا يقولك طيب ورينى الدعوه وورينى بطاقتك وطلع اى حاجه معدن وناقص يقولك اقلع واقف هنا شويه فى الهوا
ويا سلام لو نازل فى شرم وفى مؤتمر مهم هناك , يتاخد منك بطاقتك فى الفندق علشان قال يعنى متهربش , وكل يوم وانت داخل الظريف اللى على الباب يبصلك قوى ولو دخلت فى اليوم على الريسبشن قولتله سلام عليكم تلاقيه مسح الابتسامه وبدل ما يقولك اهلا يا فندم زى بقيه الناس يقولك نعم !!!
اخيرا بقا وانا مجربها , تعرف انك لو ركنت فى باركنج الفندق بتدفع اكتر من الاجانب ؟
لسه كنت فى الفورسيزون من يومين واكتشفت بالصدفه انى دافع اكتر بكتير من الناس اللى داخلين الباركنج بالباسبور :khd:
نسيت اقول كمان يا مرحى بخدمات مصر للطيران فى الطيران الداخلى وقزازه البيبسى ال 3 لتر اللى بيوزعو منها على الركاب فى كوبايات علشان التوفير وكدا , حتى الكانز ابو 2 جنيه ونص مستخسرينه فى تذكره كانت ذهاب وعوده ب 1300 جنيه وكمان عليها تخفيض من الشركه
معلش الصورة مش واضحه قوي
بس دي شركة من الشركات اللي كانت عاملة اوفرز لمصر و تونس في ألمانيا
صورتها على السريع كده و انا هناك
http://www8.0zz0.com/2009/10/18/08/186395632.jpg
باشا في عروض بتنزل شرم الشيخ فندق اربع نجوم خليج نعمه طيران واسبوع ب 250 يورو
انا شغال في شركه سياحه في المانيا
الطيران رخيص اوي
ذهاب وعوده ميونخ القاهره للفرد 125 يورو
مصر مش بتاعتنا تماما
ممكن جدا
انا عن نفسي باحجز فعلا من مواقع الفنادق غلي الانترنت دي احسن كتير
علي فكره تكيا من هنا ارخص من مصر كتير واسبانيا برده بس طبعا مش زي جو ومصر والخدمات المقدمه في مصر
اللي بينافسنا بجد تركيا وارخص كتير
بس الاتراك مش زينا بيستمتعزا ببلدهم فعلا
اللي عايز يتحسرفعلا علي الاسعار يشوف عروض الشركات الروسي
200 دولار اسبوع بالطيران فندق اربع نجوم تهريج رسمي
اللي مخلي اسعار الطيران الداخلي غاليه نار الاحتكار
تعرفوا ان في طيران القاهره طابا بس ممنوع علي المصريين
لشركات السياحه بس
انا شاتغلت في السياحه في سيناء 3 سنين كنت موووولع ومحنوق موووت
والله اللى بيحصل ده مسخره
ربنا على الظالم والمفترى وكل واحد ساهم فى انه يرخصنا فى العالم كله بالطريقة ديه:rfds:
اكتر من مرة كنت بحجز لخبراء اجانب طليان على المان وكدة
اكتر من مرة الاقي حجز في لوفت هانزا وانت عارف يعني ايه لوفتر هانزا يجي من المانيا لمصر بما يعادل 900 جنية مصري
ايون
900 جنية
بس مفيهاش الغاء حجز ولا تبديل ولا اي حاجة
مجرد ما تعمل كونفيرم بخ كدة
وفي العادي التذكرة رايح جاي ب 5 الالاف
وامارح وانا بدور على حاجة على النت طلعلي شركة طيرات بتودي من بيروت لبومباي في الهند ب 88 دولار
وتوديك من مطار اسيوط ل دبي ب 560 جنيه بس رايح بس مفيش عودة
عشان كدة بيبقي في عروض وهمية خاصة كل مالوقت يقرب عشان بيكون الطيارة طالعة وفيها اماكتن فاضية
والفندق بتكون الشركة حاجزة مثلا 5 غرف على طول فلو مليتها ب 10 يورو هيا الكسبانة
والعروض دي موجودة كتير على النت
خاصة طيران الناس وطيران الجزيرة
بس طيران الجزيرة مش بتنزل في مطار القاهرة
برج العرب والنزهة في اسكندرية
واسيوط
الناس ديه بتصرف اكتر بكتير من كده لما بييجو
بيصرفوا فلوس excursion و خمره اضعاف ال 200 دولار
و اللى 200 دول بيخلوا الى شغالين فى المجال ده اغنيا ببذخ
يعنى لو حضرتك تعرف ان اققل واحد فى شركه سياحه ممكن يحصل بالميت 3000 جنيه لو شحات هتعرف اد ايه الموضوع مربح جدا
المصريين مش بيكسبوا حد و كمان احنا ثقافتنا فى الاستمتاع بالوقت مش مظبوطه
يعنى المصرى لما بيدفع 100 جنيه بيبقى فاكر ان اشترى الناس عبيد عنده
مش كل الناس كده بس الاكتريه - المصرى لو دافع فى الاوضه 70 يورو فى اليوم برضه الاجنبى overall المكسب منه اكتر
و مافيش حاجه اسمها ابن بلدى و الهجس ده - ده بيزنس بمليارات يعنى اللى بيحكم هو المكسب و الخساره
يعنى المصرى لو هوه هيكسب منه هيبقى بابا و ماما و انور وجدى
احنا نروح نعيش فى بومباى اوفر ونبقا نيجى مصر اجازة كل شهر:stink[1]:
ربنا يسامحك انت جبتلي الضغط وانا قاعد
معلش ماهو من اللي بيشوفوه ..
هو معلش حضرتك يا أ /أحمد رحت سينا ليه ?
مش هروبا من المصريين و أخلاقهم و همجيتهم ?
للأسف دي الصورة اللي قدر المصري يرسمها لنفسه
المصريين لو بقوا أغلبية في سيناء بأخلاقهم و صوتهم العالي و حياتهم الغلط محدش هايعتبها تاني و هاتبقى زي جمصه كده اللي أكيد لا حضرتك و لا أي حد فينا فكر يقضي فيها شهر العسل بتاعه ..
بالظبط ..... انا دافع ..... بلاش تنطيط
نظم براحتك او حتى ارفض الحجز بس ما تاكلش عيش من ورايا و تديني على قفايا
مانا ما سكتتش و اشتكيت و الموضوع اتطرمخ و كلمت هيلتون ميدل ايست و اتطرمخ كلمت بقى Hilton EMEA و الموضوع اتصعد لهيلتون في امريكا و في الاخر الواد ده اترفد (يستاهل عشان حيوان سافل اصلا .....) .... و كلمني ال Director بتاعهم في مصر (فرنساوي) و اعتذر لي
ملحوظة صغيرة:
الشخص ده أكيد ما اخدش حبيتين شجاعة قبل ما يعمل اللى عمله....و لا طقت فى
دماغه يبقى غضنفر و يعمل اللى عمله.....ده أكيد سياسة الفندق و هو متعود يعمل كده
خدمة صغيرة:
لو تعرف لى دكتور امراض نفسية كويس...واخد لى بالك كويس مش محتاج يتعالج زينا :44:
اكون فى غاية الامتنان ليك يا باشا!!! :10d5c8~1107:
الاجانب اللى بييجو و بيعمرو الفنادق فى الغالب بواقى اوروبا
و ده معروف و المعامله معاهم بتبقى كويسه مش عشان هما اجانب
عشان هما متعودين يتعاملوا بنضافه و متعودين ان الحياه فيها حريه و متعودين ان مفيش حكم عسكرى او قله قيمه
فلو هما قفلوا دماغهم معاهم الاجانب بيقوموا شكين شكوه فى شركه السياحه ولا الفندق و تقوم شركه السياحه الاجنبيه عامله refund و خاصمه من حساب الشركه و الشركه تحمل الفندق و تبقى خساره
طيب ليه مش كده مع المصرى؟
عشان مالوش ضهر مافيش شركه سياحه وراه تدافع عنه و تجيب حقه
بس الحقيقه مافيش حد بيهتم و كمان السلوكيات الخاطئه اللى دايما من المصري بتخلى دايما التحميل عليه حتى لو هوه الصح
و المكسب منه مش كتير
و اصلا المعروف عن المصرى انه بياخد اققل معامله و ده مش غلطه الفندق او شركه السياحه
يعنى لما يغرق 1500 واحد و الراجل يطلع براءه و متعين من كبير البلد يبقى لو حد ضرب المصرى بالجزمه يبقى راجل كريم و يستحق التحيه
عشان كده دايما باقول
خلي فلوسك هي ضهرك
خليك ايجابي
اتعاملت وحش .... اشتكي
و ما تشتكيش لشوية الأناتيخ اللي هنا
اشتكي للادارة برة
و ما تسكتش ....... قول لهم انك هتاخد فلوسك تصرفها في مكان تاني
انا واخد موقف من فندق هيلتون شرم دريمز و لولا اني بعدها باقل من سنة رحت هيلتون الغردقة عشان كنت مجمع نقط كتير و اخدت ليلة و المعاملة كانت رائعة كان زماني واخد موقف من كل هيلتون .....
اتعاملت وحش عالطيارة ... اشتكي
يوم ما الامن عاملني وحش في جراند حياة و انا رايح meeting شركتي دافعة فيه مبلغ و قدره ..... شرشحت و ما سكتتش ......
بلاش نظام عديها و فوت
:wheelchair: :36_1_31:
و الله العظيم الواحد قرف و زهق
عشان اما نقول اما نهاجر و ناخد جنسية تانية هنسقط الجنسية المصرية محدش يقول لنا عدم ولاء و عدم انتماء
أبويا لو حارمني من الاكل و الشرب و الدوا و الكسوة و بيضربني صبح و ليل من غير سبب و مفضل عليا ابن الجيران هاتبرى منه
فى شهر 8 اللى فات حجزت لصديق اجنبى فى شرم من خلال موقع hotel.com ولما راح الفندق وحاول يحجزلي من هناك قالولو مافيش غرف فاضية. قمت حجزت من نفس الموقع في نفس الفندق لقيت في اماكن عااادي جدا، ده غير ان اسعار الحجز من علي الموقع ارررخص من اسعار الفندق.
لاء يا عم
زعق وخد حقك
لكن ماتقولش هاسيبها
انا مش هاسيبها لغيري ياخدو حقهم فيها
اه يا بلد :T_thum1[1]: و جنسية اوطى من الموس على الارض
المفروض نبطل روح شرم و الغردقة و طابا و دهب و نطلع تركيا و تايلاند و ماليزيا و اوروبا و نخلى شحاتين و زبالين و همج اوروبا يشبعوا بسينا و احنا نفيد الاجانب و نطلع فلوس بره البلد و فى الاخر لما حد يعمل معاهم حركة نص كم و يفرقع صاروخ من صواريخ العيد و يطفش زبالة العالم من هناك يرجعوا يبوسوا ....* المصريين تانى
منه لله هانى رمزى بقي :)
سؤال بسيط
هو العرض ده ساري لجميع الجنسيات .... يعني لو مصري في لندن ممكن يسافر الليلتين بالسعر ده ؟؟؟؟؟
ولا ده للانجليز بس ... ولا لمواطني الاتحاد الاوربي
على فكرة في كتير من مواقع السفر، معظم السياح العرب بيشتكوا إنهم بيحجزوا من على انترنت وهما جايين مصر ولما بيوصلوا فعلاً مش بيلاقوا الحجز بتاعهم، وعادة بيخبطوا دماغهم في أقرب حيط زي ماحنا بنخبط دماغنا في نفس الحيط.
ودلوقتي كلهم بيحذروا بعض من الحجز من إنترنت لو كانوا جايين مصر، وبيقولوا إن الحجز ده مفيد فقط في حالة السفر لاوروبا أو أمريكا إنما مصر لأ.
يا باشا الحجوزات لاي حد مفيش في اوربا تفرقه بين المواطن والاجنبي
معاك فلوس اتفضل
يجوز الكلام ده صحيح في في بعض المواقع الغير مشهورة لكن المواقع اللي انا كتبتها دي اشهر مواقع لحجز الفنادق و الطيران علي مستوي العالم و انا شخصيا اتعاملت معاهم و حجزت فنادق في الغردقة و امريكا و الاتنين نفس الخدمة و المستوي. و هما اصلا يبعتولك تاكيد للحجز و وصل بالدفع و في عندهم رقم للشكاوي شغال 24/7 و الناس قمة في الاحترام لما جربتهم. و حتي لو لغيت الحجز (في وقت مناسب طبعا) الفلوس بتترد في نفس المدة اللي بيذكروها في التاكيد بالظبط.
و ممكن حضرتك لو شاكك تعمل زي ما واحد من زمايلي عمل اول ما حجز و استلم الكونفرماشن كلم الفندق و اتاكد من الحجز و كان موجود فعلا (بس اكلم انجليزي طبعا)
عظيييييم
يبقى ايه دخل الجنسية المصرية في الموضوع ؟؟؟؟؟؟؟؟؟؟؟؟؟
دي اتفاقات سياحة وفنادق وطيران ولها اساليب و نظم تسويق
طيب سؤال كمان
العروض دي طول ايام السنة ..... يعني ينفع الواحد يطلع بالعرض ده في شهور ديسمبر ويناير ؟؟؟؟؟
اعتقد انه في الاوقات المضروبة فقط .......
بيبقي شركة السياحة حاجزة عدد غرف محدد طول الموسم او طول السنة ..... وكذلك الطائرات الشارتر ....
يعني العرض دة بيمثل مكسب كبير جدا لشركة السياحة
لأنهم مش ح يتحملو اي تكاليف اضافية مقابله لأنهم دافعين الفندق والطيران به او بدونه
وده طبيعي جدا
انتو مش بتشوفو العروض اللي في مصر 8 ايام لتركيا وقبرص .... بتكون ارخص من تمن التذكرة فقط .....
الموضوع يخص التسويق والسياحة .... والوش علاقة بالجنسيات ....وح تلاقو عروض تانية لتونس ولبنان وسوريا والاردن ارخص من مصر ......
انتو بتتكلمو عن السياحه وبس طب انا خريج حاسبات ومعلومات ومعاياا شهاده من مياكروسفت اوفس من امريكاا ومش لاقى شغل ويم ملقيت لقيت محصل فى شركه احبار كمبيوتر محصل عارفنهاا طبعااا بود ىالاحبار الشركات وباخد فلوسهاا متزعلوش منى الشغل شم عيب بس انا ولا هيئه ولا اجتمعاياا يسمح بكداا بس اعلم ايه زهقت من اعده البيت ومستنى لما الجيش يخلص انا بصبلا نفسى بالجيش على اساس انى بعد شموف جيشى هشتغل فى مثلا موبينل ولا فودافون ولا حتى فى بنك كانو خدونى تدريب المهم وانا النهارده فى شركه الاحبار دى البنت الى بتفك الحابرة وتملهاا وتعملهاا صيانه فا بندردش سوا فا بقلهاا انتى خريجه ايه تخيلو قالتى ليه كليه اثار جامعه القاهرة بتقدير جيد انا اتحصرت سعتهااا وقلت حسبى الله ونعم الوكيل يبقى مش السياحه بس ملقيش عندكو شغل محترم لى بدل المرمطه دى والله شكلى هسافر وشم هرجع تانى طولت عاليكى كلامكوو كتير حلو وفعلا نفس اروح شرم بس طبعاا مع الغلاء فبروح الساحل الشمالى فى الشاليه بتعنا تصبحو على خير :36_1_50[1]::36_1_50[1]:
هي إيه الإجراء المتبع في حجز أجازة في دولة أوروبية زي تركيا أو أسبانيا ؟
يعني غير الحجز من عالنت إيه الورق اللي هحتاج أخلصه ؟
انا شايف الموضوع سهل و ندي الفلوس لمن يستحقها بقي .. و من لا يحترمني لا يستحق أي قرش هدفعه
لازم الناس في البلد دي إنهم لازم يعاملوا بعض كويس يا إما مش هنتعامل معاهم و دلوقت الدنيا سهلة و هم بيتعاملوا و كأن العالم مفيهوش غيرهم!
لا مزيد من دفع النقود لمن لا يستحقها و أروح أقضي أجازة أقعد نصها بتخانق .
لو تفتكروا موضوع الهرم اللي عملته قبل كدة .. و يقولك بنشجع السياحة الداخلية!
http://www.nilemotors.net/Nile/84716-a.html
انا صديق لي في كندا حالياَ إشتري لاب توب أبل ماك بوك و باظ قامت الشركة إدتله ماك بوك برو بداله (النسخة الأعلي و الأغلي) إعتذاراَ عن المنتج اللي كان فيه عيب صناعة! و إحنا هنا التوكيلات بتعمل علينا أحلي شغل .
بإختصار اللي مش هيديني خدمة كويسة هقاطعه !