يخرب بيت كده ...... طيران دولي + ليلتين 5 نجوم = 1523 جنيه مصري !!!

صديق انجليزي قرر فجأة ييجي مصر

و قال لي هادور على رحلات رخيصة

و في النهاية

جه مصر و قابلته يوم الجمعة

التذكرة بتاعة الطيران لندن-شرم-لندن مباشرة

و ليلتين في فندق عالهضبة خمس نجوم

ب 170 استرليني

او 1523 مصري

حرااااااااااااااااااااااا ااااااااااااااااااااااااا ااااااااااااااااااااااااا ااااااااااااااااااااااااا امممممممممممممممممممم



آه يا بلد بنت تييييييييييييت و اصحاب فنادق تيييييييييييييت و اصحاب شركات سياحة تيييييييييييييييييييت

آه يا بلد خيرك لغيرك

اي مصري عايز يروح بالطيارة محلي

و ينزل في فندق

بيدبحوه سعرا

و بيقرفوه في المعاملة

انا نزلت في هيلتون فطار و عشاء ب 780 جنيه الليلة في شهر العسل

و اتعاملت معاملة الشحاتين و العبيد

و في الاخر

الاجانب اللي بتعظموا ليهم دول اصلا شحاتين اوروبا

1500 جنيه طيران دولي و ليلتين لييييييييييييييييييييييهه ههههههههههههههههههههههههه ؟؟؟؟؟؟؟؟؟؟؟؟؟؟؟؟؟؟؟؟؟؟؟


و معلش

سؤال أبدي مالوش إجابة

زمان كان يقولوا السياحة هي دخلنا و قرفنا ..... و السائح بيدخل لمصر مش عارف كام

و السائح بيدفع أضعاف المصري و عشان كده بيتعامل معاملة متميزة (و ده أصلا مش سبب وجيه ما علينا)

دلوقتي لما المصري بيدفع أضعاف السائح؟ ليه بقى المعاملة زي ما هي؟

هو مش بفلوسنا يا كلاب برضه؟

و لا هما هياخدوا ايه من صفار شعر و لا زرقان عين الاجانب؟؟؟؟؟؟؟؟



عايز أقول كلام ممكن اخد فيه طرد من المنتدى بجد

خليك سا كت احسن انا عمى جة من شهر من هولندا لمصر ب 275 يورو للتذكرة الواحدة يعنى 2200 وهو جه هو مراتة وفاتته الطيراة جية يحجز من هنا من مصر طلع هنا اغلى من هناك الحجز ب 1000 جنية تخيل فخليك ساكت احسن وعلى فكرة بس التزاكر الرخيصة

عشان احنا في البلد القرع (( اليقطين )) اللي بيمد لبرة

اقتباس:

---

المشاركة الأصلية كتبت بواسطة mazd

خليك سا كت احسن انا عمى جة من شهر من هولندا لمصر ب 275 يورو للتذكرة الواحدة يعنى 2200 وهو جه هو مراتة وفاتته الطيراة جية يحجز من هنا من مصر طلع هنا اغلى من هناك الحجز ب 1000 جنية تخيل فخليك ساكت احسن وعلى فكرة بس التزاكر الرخيصة

---

يا باشا بتقول 275 يورو طيران من هولندا لمصر

انا باقول لك 170 استرليني يعني 186 يورو

طيران من لندن لشرم رايح راجع زائد ليلتين في منتجع خمس نجوم !!!!!!!!!!!!!!!!!!!!!!!!!!

انت لو فكرت تروح شرم و تقع ليلتين و هتروح بالسوبر جيت هتفع فى حدود 1500 جنيه.
انا كنت من فترة فى شرم و نزلت فى هيلتون شارك بيى و الله العظيم الاجانب اللى هناك اقل كلمه تتقال عليهم شحاتين و تبص لفرق المعامله بينك و بينهم اكنك قاعد فى الفندق ببلاش مع انك بتدفع اكتر منهم و كفايه انها بلدك.بس على رأى المقوله "شرم دى مش بتاعتنا"

تيييييييييييييييييييييييي ييييييييييييييييييييييييي يييت

اقتباس:

---

المشاركة الأصلية كتبت بواسطة momohsen

انت لو فكرت تروح شرم و تقع ليلتين و هتروح بالسوبر جيت هتفع فى حدود 1500 جنيه.
انا كنت من فترة فى شرم و نزلت فى هيلتون شارك بيى و الله العظيم الاجانب اللى هناك اقل كلمه تتقال عليهم شحاتين و تبص لفرق المعامله بينك و بينهم اكنك قاعد فى الفندق ببلاش مع انك بتدفع اكتر منهم و كفايه انها بلدك.بس على رأى المقوله "شرم دى مش بتاعتنا"

---

ده اللي حصل في شهر العسل في هيلتون شرم دريمز

اجانب شحاتيييييييييين

و انا دافع 780 في الليلة

و باتعامل كاني باشتغل عندهم

اصفوخص على كده

كان في اعلان فالمانيا بيقول استبدل فرصة شرائك بحذاء جديد

بأجازة سعيدة داخل مصر

وكان تكلفتها 400 دولار

ايام مكان الدولار ب 4 جنيه

اقتباس:

---

المشاركة الأصلية كتبت بواسطة أحمد كمال

يا باشا بتقول 275 يورو طيران من هولندا لمصر

انا باقول لك 170 استرليني يعني 186 يورو

طيران من لندن لشرم رايح راجع زائد ليلتين في منتجع خمس نجوم !!!!!!!!!!!!!!!!!!!!!!!!!!

---

طيب اللى انا بتكلم فية دة بئى رايح جيى برضو بس من غير اى حاجة خالص

ومعلش لو كنت مافهمتش كلامك اوى برضو حاكم الواحد :b4_592::b4_592:

اقتباس:

---

المشاركة الأصلية كتبت بواسطة mazd

طيب اللى انا بتكلم فية دة بئى رايح جيى برضو بس من غير اى حاجة خالص

ومعلش لو كنت مافهمتش كلامك اوى برضو حاكم الواحد :b4_592::b4_592:

---

لا يا باشا العفو انا باوضح بس

يعني طيران رايح جاي + إقامة

مش عارف

1500 جنيه؟

طب شركة الطيران خدت كام و الفندق خد كام؟

و مكتب السياحة هناك في لندن كسب كام؟

دول 1500 جنيه مصري

يعني مش فاهم

الطيران رايح راجع مثلا بنصهم؟

750؟ شركة الطيران مثلا خدت منهم 500 و الباقي عمولة شركة السياحة؟

و الفندق ليلتين بنصهم برضه؟ يعني الليلة ب 375؟ يعني مثلا الفندق بايعها لشركة السياحة ب 300 و الشركة كسبت الفرق؟

طيب ليه انا اما اروح ماخدش غرفة ب 300؟ عشان انا مصري؟

ملعون أبو دي جنسية زبالة ........ بجد

يا نهاااااااااااااااار أسود !!!!!!!!!!!!!!!!!!!!!!
إنت بتتكلم جد !!!؟؟؟؟؟

انا بروح بيراميزا كان ب 900 جنيه !!
170 سترليني يا كفرة !!!!!!!

انا متخيل العكس .. لو انا حبيت أسافر لندن يومين .. هيطلع عيني قد إيه في الورق و المعاملة في المطار و الأسعار الغريبة المريبة الخنيقة!!!

اقتباس:

---

المشاركة الأصلية كتبت بواسطة أحمد كمال

لا يا باشا العفو انا باوضح بس

يعني طيران رايح جاي + إقامة

مش عارف

1500 جنيه؟

طب شركة الطيران خدت كام و الفندق خد كام؟

و مكتب السياحة هناك في لندن كسب كام؟

دول 1500 جنيه مصري

يعني مش فاهم

الطيران رايح راجع مثلا بنصهم؟

750؟ شركة الطيران مثلا خدت منهم 500 و الباقي عمولة شركة السياحة؟

و الفندق ليلتين بنصهم برضه؟ يعني الليلة ب 375؟ يعني مثلا الفندق بايعها لشركة السياحة ب 300 و الشركة كسبت الفرق؟

طيب ليه انا اما اروح ماخدش غرفة ب 300؟ عشان انا مصري؟

ملعون أبو دي جنسية زبالة ........ بجد

---

ارجع وقل احضرتك حاجة مهما تروح هاتتعامل معاملة زبالة يا اما عشان انت مصر او عربى :khd::H_angry[1]::H_angry[1]:

اقتباس:

---

المشاركة الأصلية كتبت بواسطة iceheartedgirl

كان في اعلان فالمانيا بيقول استبدل فرصة شرائك بحذاء جديد

بأجازة سعيدة داخل مصر

وكان تكلفتها 400 دولار

ايام مكان الدولار ب 4 جنيه

---

هو عامة الأجانب المستريحين مادياَ مبيجوش مصر إلا لو حد فيهم مهتم بالأثار
إنما عشان بحر و إستجمام و كدة لأ .

طب لو مصري حب يستبدل فرصة شراء حذاء جديد بأجازة سعيدة .. يا تري هتكون فين

علي حسب


لو من باتا يروح يأزأز لب فجنينه الحيوانات

لو من نايك

ممكن يعني يروح يقضي يوم في six corners أخره يعني

اقتباس:

---

المشاركة الأصلية كتبت بواسطة MoToRiZeR

يا نهاااااااااااااااار أسود !!!!!!!!!!!!!!!!!!!!!!
إنت بتتكلم جد !!!؟؟؟؟؟

انا بروح بيراميزا كان ب 900 جنيه !!
170 سترليني يا كفرة !!!!!!!

انا متخيل العكس .. لو انا حبيت أسافر لندن يومين .. هيطلع عيني قد إيه في الورق و المعاملة في المطار و الأسعار الغريبة المريبة الخنيقة!!!

---

شفت الفقعة اللي انا مفقوعها !!!!!! أيوة باتكلم جد

و كمان ما تنساش ان 170 استرليني بالنسبة لأي مواطن بريطاني حتى لو فقير مش مبلغ !!!!!

يعني الباشا طار دولي رايح جاي و قعد ليلتين بتمن ليلة و نص من بتوع سيادتك ههههههههههههههههههههه

طبعا العكس هتتدبح و تتشفى و تصرف اللي قدامك و وراك

اقتباس:

---

المشاركة الأصلية كتبت بواسطة MoToRiZeR

هو عامة الأجانب المستريحين مادياَ مبيجوش مصر إلا لو حد فيهم مهتم بالأثار
إنما عشان بحر و إستجمام و كدة لأ .

طب لو مصري حب يستبدل فرصة شراء حذاء جديد بأجازة سعيدة .. يا تري هتكون فين

---

حقيقة علمية

و المصري غالبا هيستبدل الجزمة بليلتين في حجز القسم Full Board بصحبة فرقة عصابة القناع الأسود و باند "دلعني يا معلم" اخراج وزارة الغيارات الداخلية

اقتباس:

---

المشاركة الأصلية كتبت بواسطة motorizer

هو عامة الأجانب المستريحين مادياَ مبيجوش مصر إلا لو حد فيهم مهتم بالأثار
إنما عشان بحر و إستجمام و كدة لأ .

طب لو مصري حب يستبدل فرصة شراء حذاء جديد بأجازة سعيدة .. يا تري هتكون فين

---

توكتوك لجمصة رايح بس ومش هيرضى يرجعك:44:

اقتباس:

---

المشاركة الأصلية كتبت بواسطة MoToRiZeR

هو عامة الأجانب المستريحين مادياَ مبيجوش مصر إلا لو حد فيهم مهتم بالأثار
إنما عشان بحر و إستجمام و كدة لأ .

طب لو مصري حب يستبدل فرصة شراء حذاء جديد بأجازة سعيدة .. يا تري هتكون فين

---

كفر ابو ائتاتة :mahf(5)::mahf(5):

اقتباس:

---

ملعون أبو دي جنسية زبالة ........ بجد

---

طب إحنا فعلاَ كدة يا جماعة الجنسية المصرية جاية علينا بخسارة ..

بنشتري العربية بضعفين و نص تمنها علي الأقل + بيبقوا مقلعنها ملط و شايلين كل الأوبشن .. حتي حلية الفتيس مغيرنها يا ناس !!!

بندفع ضريبة و مخالفات معملنهاش قد كدة .. و في الأخر الطريق يضرب يقلب برضه بدون صيانة و تنظيم !

لو قلنا اللهم أغزيك يا شيطان و نروح نستجم يومين .. ندفع أضعاااااف الأجانب + نتعامل أكننا حرامية غسيل !

حد يجبلي فايدة حقيقية للجنسية المصرية بجد !!!!!!!!

اقتباس:

---

حد يجبلي فايدة حقيقية للجنسية المصرية بجد !!!!!!!!

---

بتاخد أجازة فيوم 6 اكتوبر

اقتباس:

---

المشاركة الأصلية كتبت بواسطة motorizer

حد يجبلي فايدة حقيقية للجنسية المصرية بجد !!!!!!!!

---

ما بتدفعش 15 دولار و انت داخل مصر هههههههههههههههههههههه

طب بجد و الله و اللي جي كلام جد و محدش يتريق عليا عشان الموضوع ده في دماغي من زمان .

انا دلوقت لو رفعت قضية عالحكومة .. للأضرار المادية و المعنوية اللي أصابتني نتيجة عدم كفائتهم .. إيه الوضع ؟

لنبدأ مثلاَ بالمرور .. انا بدفع مخالفات معملتهاش .. دمغات و ضرايب و حرقة دم خزعبلية في الترخيص .. ماشي رابط حزامي ملتزم بالسرعة.

في المقابل .. بمشي عالطريق ألاقي الناس ماشية مطفية النور بالليل و النقل ماشي 120 عالشمال و الملاكي طاير 140 و 160 في الزحمة و بقابل يومياَ ما لا يقل عن 3 مواقف موت قريب .. إلي جانب الأضرار اللي أصابت السيارة من الرصف السئ جداَ للطرق اللي انا جايبها أصلاَ بتلات أضعاف سعرها برة و بدون تلات تربع الكماليات كمان.

ده معناه إن إدارة المرور عاجزة عن أداء أي دور من أدوارها في الوقت اللي انا ملتزم فيه بواجباتي ناحيتهم .. و من حقي أطالب بحقي و سحب ثقتي فيهم و أخد كمان تعويض عن الكآبة اللي عاملينهالي ! تفتكروا أخش أنام أحسن ؟

الطيران ده شارتر
الشركه بتبقى حاجزه الطياره رايح جالى
يعنى كمان محمله للى رايح لندن
تجيب ناس من لندن
و تجيب ناس من شرم للندن تانى

و بعدين التذكره بتكون ببلاش
والاقامه بتكون الشركه واخده allotment وده معناه الشركه واخده الاوض كده كده سواء فيها ناس او لا وده بيخلى الاوضه بتوصل 15-25 يورو

ساعات بيكون فيه كده لتركيا 7 ايام و 3 نجوم ب 1300 جنيه
بس للى يدور

على راى كريم عبد العزيز فى فلم ابو على محدش بيشتكى الحكومة الحكومة نشتكيها لربنة

اقتباس:

---

المشاركة الأصلية كتبت بواسطة human12

الطيران ده شارتر
الشركه بتبقى حاجزه الطياره رايح جالى
يعنى كمان محمله للى رايح لندن
تجيب ناس من لندن
و تجيب ناس من شرم للندن تانى

و بعدين التذكره بتكون ببلاش
والاقامه بتكون الشركه واخده allotment وده معناه الشركه واخده الاوض كده كده سواء فيها ناس او لا وده بيخلى الاوضه بتوصل 15-25 يورو

ساعات بيكون فيه كده لتركيا 7 ايام و 3 نجوم ب 1300 جنيه
بس للى يدور

---

طب ما تظبطنا يا برنس

إنت يا بوحميد بتقول ليلتين بس

طب إيه رأيك بقى في أسبوع كامل All inclusive في قرية سياحية خمس نجوم شامل تذاكر السفر و الإنتقالات و كل حاجه في الدنيا
من ميونيخ لشارم و العوده تاني لميونيخ

كل ده ب 450 يورو فقط لاغير !!! (=3600 جنيه مصري)
و الإعلان ده أنا شفته بنفسي لما كنت في ألمانيا أكتر من مرة و من أكتر من شركة سياحية

اقتباس:

---

المشاركة الأصلية كتبت بواسطة a_h_m_a_d

إنت يا بوحميد بتقول ليلتين بس

طب إيه رأيك بقى في أسبوع كامل all inclusive في قرية سياحية خمس نجوم شامل تذاكر السفر و الإنتقالات و كل حاجه في الدنيا
من ميونيخ لشارم و العوده تاني لميونيخ

كل ده ب 450 يورو فقط لاغير !!!
و الإعلان ده أنا شفته بنفسي لما كنت في ألمانيا أكتر من مرة و من أكتر من شركة سياحية

---

حسبي الله و نعم الوكيل

و انا ادفع 780 في الليلة فطار و عشا بس لفردين في اوضة مزدوجة * اسبوع = 5460 جنيه = 668 يورو غير شامل الطيران و كمان اتعامل معاملة العبيد و الكلاب

و الرمم دول ييجوا بتراب الفلوس و يتعاملوا معاملة الملوك و السلاطين

تيييييييييييييييييييييييي ييييييييييييييييييييييييي ييييييييييييييييييييييييي ييييييييييييييييييييييييي يت

ان شاء الله الحكومة تخلى الدعم على المنتجات للاجانب فقط , و يخلولنا لوكاندة المندرة افضل .

احنا محتاجين احمد زكى الله يرحمه لو كان عايش يرفعلنا قضية زى فيلم ضد الحكومة زى ما محمود عايز ..

أنا الي مخوفني إن بعد كل ده مندخلش الجنة

أحمد وضحلى يعنى ايه معاملة العبيد والكلاب حقيقى مش فاهمك .. احكلنا كام موقف كدة.

اقتباس:

---

المشاركة الأصلية كتبت بواسطة m.elhamy

أنا الي مخوفني إن بعد كل ده مندخلش الجنة

---

فال الله و لا فالك

نبقى مصريين في الدنيا و في الاخرة في النار ...... ربنا يعافينا !

عادي يا اخوانا

بالنسبة لاصحاب الفنادق و شركات السياحة المصري و العربي بيستهلك اكتر من الاجنبي سواء في الاكل و الشرب او في استخدام المرافق او في لطش تذكارات من الاوض. للاسف الكلام ده في بعضة صحيح لكن ده ميمنعش ان في مصرين و عرب عندهم عزة نفس و عينهم مليانة و مبيعملوش الحركات النص كم ده و ان برضة في اجانب العن من المصرين و بيعملوا كل الفصول الباردة دي. و عشان هم مقتنعين بكدة بيفرقوا في المعاملة و الاسعار و فاكرين انهم لما يطفشوا المصرين المكان هينضف.

المهم

غلطان اللي يروح يحجز من الفندق علطول او من شركة سياحة لانة من الاخر هيتقلب. و الحمد لله ان ربنا الهم الانسان و خلاه يخترع الانترنت. احسن حاجة انك تحجز عن طريق المواقع المشهورة علي زي booking.com و hotels.com و expedia.com اللي بيفروا ارخص الاسعار و التنافس ما بينهم عالي لدرجة انهم احيانا بيعرضوا انك لو لقيت اوفر ارخص هيشيلوا هما الليلة كلها و الفرق بينهم و بين اي شركة سياحة او فندق من مصر شــــــــاسع جدا و طبعا من حجز النت لا يقدروا يعرفوا انت مصري ولا هندي و لا حتي مريخي. التعامل بيبقي مع الموقع و هم بيجلهم اورد بالحجز و يوم الوصول بيفاجئوا بيك داخل عليهم و طبعا مش هيقدروا يعملولك حاجة لانك ممكن تظبتهم في التقييم من الموقع و تضيع عليهم فرص تانية.

اتمني اكون افدتكم و ساعدتكم تنظموا اجازتكم الجاية و بارخص الاسعار

اقتباس:

---

المشاركة الأصلية كتبت بواسطة iceheartedgirl

بتاخد أجازة فيوم 6 اكتوبر

---

و كمان بناخد أجازة يوم 23 يوليو عيد الثورة التى لم يتبقى من مبادئها شئ غير يوم الأجازة

اقتباس:

---

المشاركة الأصلية كتبت بواسطة AhmedGen2

أحمد وضحلى يعنى ايه معاملة العبيد والكلاب حقيقى مش فاهمك .. احكلنا كام موقف كدة.

---

موقف: خارج اخر يوم الصبح اوقف تاكسي عشان اتفق معاه على نص اليوم ييجي يودينا المطار و بكام و كده

و انا راجع تاني داخل واحد من "البوابين" بتوع الفندق بيجري ورايا لنص اللوبي عمال ينده (يا باشا يا باشا) ..... لحد ما سمعته لقيته بمنتهى اللزوجة بيسأل "انت رايح فين؟ هو انت نزيل؟" كأن مثلا المصريين كخ ما يرتقوش لمستوى النزول في فندقهم (عمرهم ما بيسالوا السؤال ده لاجنبي) ..... رديت بمنتهى الاحتقار "أيوة" ..... قال لي غرفة كام؟ قلت له شئ ما يخصكش و دخلت جوة


موقف تاني: ما رضيوش يعملوا لي late checkout لان الطيارة كانت طالعة 5 ...... مع اننا عرسان

موقف تالت: انا كنت حاجز فطار و عشا .... المطعم مستطيل كبير و جزء منه تراس ...... عشان ادخل من المدخل لازم امشي بطول المطعم (الاوض اقرب لمؤخرة المطعم من مدخله) ...... المهم في يوم لقينا ناس بتخش و تخرج من التراس (اقرب بكتير للاوض) قلنا نخرج بعد ما اكلنا من التراس ...... الويتر نده لنا و قال لنا ممنوع في نفس اللحظة كان فيه اجانب بتخش من التراس !!!!! (طبعا مراتي هزأته و خلته خرجهم ههههههههههههههه)

موقف رابع: في المطعم في العشا ويتر ذوق جه و سالنا مش عايزين قزازة مية قلنا له ماشي ..... جاب المية ..... شوية الهيد ويتر جاي باصص لنا بقرف من فوق النضارة و بيسالنا هي المية دي انتوا طلبتوها و لا ايه؟

لا سرقناها يا روح ماما !!!!!!!!!!


موقف خامس: 3 ايام ورا بعض اطلب سدادة البانيو عشان عايز استرخي شوية في المية ...... ما تجيش ...... الا بعد شكوى لل Duty Manager

موقف سادس: الاجانب ما تتفتشش على مدخل الفندق و احنا نتفتش

موقف سابع: كنت باشتري مية و عصير و بتاع من سوبر ماركت في خليج نعمة ..... هيلتون شارم دريمز تاني صف من خليج نعمة و هيلتون فيروز اول صف و عشان كده نزلاء الاول بينزلوا في البلاج بتاع التاني و بيعدوا أصلا للبلاج من خلال التاني ...... جبت المية و انا راجع باعدي من خلال فيروز الامن بيقول لي رايح فين !!!!!!


موقف ثامن: اخر يوم في الاوتيل ... 9 الصبح .... معلق يافطة Do Not Disturb

و مع ذلك ...... خبطات عنيفة عالباب يعقبها نداء :

طاخ طاخ طاخ ....... هاوس كيييييبيييييييييييينج

طاخ طاخ طاخ ....... هاوس كيييييبيييييييييييينج

طاخ طاخ طاخ ....... هاوس كيييييبيييييييييييينج

صحيت نص نايم فوجئت بالباب بيتفتح بس انا كنت قافل الترباس اللي من جوة فالباب اتفتح بالظبط 5 سنتي و وقف

رحت للحيوان اللي فتح باساله فيه ايه؟ يقول لي مش انتوا هتعملوا check out النهاردة؟؟؟؟ !!!!!!1

اتاكدت ان العلامة لسه متعلقة لقيتها متعلقة

طيب يعني جاي تطردنا 9 الصبح؟ و كمان بتفتح علينا ؟ ياخي %$^&*


و غيرها كتير من مواقف هناك و في فنادق تانية ...... زي الباشا اللي في جراند حياة اللي عايزني اروح معاه مكتب الامن نثبت "المعدات" اللي معايا (اللي هي لابتوب ..... شايفني رابط الفيل في باركنج الاوتيل اصله !!!!!!) ..... طبعا شرشحت له في اللوبي و قلت له ماهو لو انا شحات من شحاتين اوروبا و عينيا خضرا و شعري اصفر مش هتقدروا تقولوا لي بم !!!!! تقريبا فاكرني سارق اللابتوب و لا مش وش لابتوبات !!!!!1


ملحوظة: مش تزكية في نفسي و لا حاجة و الله ........ بس و الله انا شكلي محترم و نضيف و ابن ناس ....... يعني مش شكل مثير للشكوك و الشبهات عشان يشكوا فيا و لا ما يستنضفونيش !!!!!

اقتباس:

---

المشاركة الأصلية كتبت بواسطة horas3000

عادي يا اخوانا

بالنسبة لاصحاب الفنادق و شركات السياحة المصري و العربي بيستهلك اكتر من الاجنبي سواء في الاكل و الشرب او في استخدام المرافق او في لطش تذكارات من الاوض. للاسف الكلام ده في بعضة صحيح لكن ده ميمنعش ان في مصرين و عرب عندهم عزة نفس و عينهم مليانة و مبيعملوش الحركات النص كم ده و ان برضة في اجانب العن من المصرين و بيعملوا كل الفصول الباردة دي. و عشان هم مقتنعين بكدة بيفرقوا في المعاملة و الاسعار و فاكرين انهم لما يطفشوا المصرين المكان هينضف.

المهم

غلطان اللي يروح يحجز من الفندق علطول او من شركة سياحة لانة من الاخر هيتقلب. و الحمد لله ان ربنا الهم الانسان و خلاه يخترع الانترنت. احسن حاجة انك تحجز عن طريق المواقع المشهورة علي زي booking.com و hotels.com و expedia.com اللي بيفروا ارخص الاسعار و التنافس ما بينهم عالي لدرجة انهم احيانا بيعرضوا انك لو لقيت اوفر ارخص هيشيلوا هما الليلة كلها و الفرق بينهم و بين اي شركة سياحة او فندق من مصر شــــــــاسع جدا و طبعا من حجز النت لا يقدروا يعرفوا انت مصري ولا هندي و لا حتي مريخي. التعامل بيبقي مع الموقع و هم بيجلهم اورد بالحجز و يوم الوصول بيفاجئوا بيك داخل عليهم و طبعا مش هيقدروا يعملولك حاجة لانك ممكن تظبتهم في التقييم من الموقع و تضيع عليهم فرص تانية.

اتمني اكون افدتكم و ساعدتكم تنظموا اجازتكم الجاية و بارخص الاسعار

---

شكرا عالنصيحة و هاجربها المرة الجاية ان شاء الله

حاجه تفرح فعلا !!!!!!!!

أنا لم بنزل أي مكان سياحي في مصر بحط رجلي في وش التخين لو فكر يقدم أي سائح عني وبالذات السواح العرب

والله يا جدعان وما لكوا علي يمين اني بتحسر لما اشوف اعلانات لشرم ومرسي علم هنا للاجانب بتراب الفلوس .كان مره في اعلان 7 ايام في شرم ,6 ليالي هاف بورد 350 يورو شامل كل حاجه.انا جاتلي حسره واولت امال احنا ما بنشوفش الكلام ده ليه؟اخص.
bemo,ire

واحد قريبى معاه الجنسية الامريكية و عايش هنا فى مصر لما بيروح يحج بيحجز فى شركة فى امريكا و يسافر نيويورك يروح يحج من هناك لانه احسن و ارخص على حد وصفه !!!

اقتباس:

---

المشاركة الأصلية كتبت بواسطة أحمد كمال

ملعون أبو دي جنسية زبالة ........ بجد

---

اقتباس:

---

المشاركة الأصلية كتبت بواسطة motorizer

حد يجبلي فايدة حقيقية للجنسية المصرية بجد !!!!!!!!

---

انا قلت الكلام ده قبل كدا في المنتدى بس هاكرره تاني
انا بسافر كتير عشان الشغل ولاحظت الآتي

1- لما بروح امريكا في مدخلين واحد للأمريكان والكنديين ودول طبعا اجراءاتهم بتخلص في ثواني، والمدخل التاني للجنسيات (الأخرى)

2- لما بروح اوروبا بلاقي مدخلين واحد لدول الإتحاد الأوروبي، والتاني للجنسيات (الأخرى)

3- في دول الخليج مدخل لمواطنين دول مجلس التعاون الخليجي، ومدخل للجنسيات (الأخرى)

4- في مصر كله على بعضه (ماشي مش مشكلة) بس بتلاقي ساعات كتير ناس مهمين لابسين بدل ومعلقين كارنيهات ماسكين بال10 جوازات للأجانب عشان يخلصوهم بسرعة (غالبا بيكون للأخوة الخليجيين)

المحصلة ان الإنسان يكون مصري دا ابتلاء من ربنا وربنا يجازينا عنه خير في الأخرة لأننا طول عمرنا (أخرى)

وعندي سؤال بجد
لو حد فيكم شاف فيلم اسمه (الريس عمر حرب) بدون النقد الفني للفيلم الفيلم كان بيتكلم عن كازينو للقمار بيدخله الأجانب بس وممنوع على المصريين وكان في واحد مصري اسمه (حمدي الدنجوان) كانوا بيقولوا في الفيلم انه اشترى جنسية ب 5000 دولار تقريبا من دولة غالبا افريقية عشان يعرف يدخل الكازينو

هل في حد يعرف ازاي الواحد يقدر يشتري جنسية زي دي لتسهيل المعاملات في المطار واقسام الشرطة والفنادق
ارجو الإفادة واسف للإطالة

اقتباس:

---

المشاركة الأصلية كتبت بواسطة motorizer

طب بجد و الله و اللي جي كلام جد و محدش يتريق عليا عشان الموضوع ده في دماغي من زمان .

انا دلوقت لو رفعت قضية عالحكومة .. للأضرار المادية و المعنوية اللي أصابتني نتيجة عدم كفائتهم .. إيه الوضع ؟

لنبدأ مثلاَ بالمرور .. انا بدفع مخالفات معملتهاش .. دمغات و ضرايب و حرقة دم خزعبلية في الترخيص .. ماشي رابط حزامي ملتزم بالسرعة.

في المقابل .. بمشي عالطريق ألاقي الناس ماشية مطفية النور بالليل و النقل ماشي 120 عالشمال و الملاكي طاير 140 و 160 في الزحمة و بقابل يومياَ ما لا يقل عن 3 مواقف موت قريب .. إلي جانب الأضرار اللي أصابت السيارة من الرصف السئ جداَ للطرق اللي انا جايبها أصلاَ بتلات أضعاف سعرها برة و بدون تلات تربع الكماليات كمان.

ده معناه إن إدارة المرور عاجزة عن أداء أي دور من أدوارها في الوقت اللي انا ملتزم فيه بواجباتي ناحيتهم .. و من حقي أطالب بحقي و سحب ثقتي فيهم و أخد كمان تعويض عن الكآبة اللي عاملينهالي ! تفتكروا أخش أنام أحسن ؟

---

ياعم دول هيتهموك بحاجة من 2
الاولى يا اما انت مجنون ومخك تعبان
التانية انك عايز تعمل ثورة وبالبلة
وخد عندك بقى انك ارهابي وعايز تدمر البلد
وخلى بالك فى قواضى كتير فى البلد ملهاش صحاب