و الله وحش أصيل يا م/هشام
أنا أول مرة أعرف إن الفئة الخامسة كده..و لا كنت أتخيل كده أصلا
و بالنسبة للأخ إللى بيقول إن الإلانترا أحسن من الميجان ( مع إنه مش بيحب الإلانترا أصلا )....أحب أقول له...هى فعلا حرية شخصية....:w6266d
يمكن لما تقرأ المواضيع المثبتة فى القسم ( و مش هأحط روابط )...تتفهم إيه الجلبة إللى الناس إللى معاهم ميجان بيعملوها على العربية دى...
و يدينى و يديك ربنا طول العمر و الصحة و نشوف بعد 20 سنة كده و لا حاجة...الناس هتفتكر مين أكتر ( إلانترا و لا ميجان II )
ده على اعتبار إن فى حد لسه بيبص على الإلانترا الشكل السابق مباشرة للحالى
يا جماعة مش معنى إن الواحد راكب ميجان يبقى هو فى مرتبة أعلى من باقى البشر....إنتم فاهمين معنى الموضوع غلط....
لكن هى أداة تعبير عن الذات....يبقى لك حس فى الدنيا تقول بيه أنا هنا...أنا مختلف...أنا بأفكر بشكل تانى....نحن نحب من أظهرت ما بداخلنا
التفرد مش عيب و لا حرام...و كل بنى آدم ربنا فرده عن التانى بخواص فيزيائية من بين باقى البشر...
زى من حق الفرد إنه لما يستثمر مبلغ من المال فى سيارته ( سعر إعادة البيع )...من حق إللى ركب و خسر ..إنه يتمتع و يعمل مواضيع و يقعد يحب فيها للصبح كمان..مادام مش مضايق حد تانى و لا بيجور على حق الناس
معظم الناس إللى بيتعاملوا مع العربيات ...بيعاملوها على إنها أداة و آلة صماء...و يفاضلوا بينهم من خلال شوية حقائق و أرقام
إللى مستمتعين بالميجان...ينظروا إليها بنظرة مختلفة...أنا شايف إنها عربية ليها مزاجها الخاص إللى هى بتستقيه من مزاج قائدها...She is Alive ...كون إن المسألة دى مش محسوسة فى باقى العربيات و الله مش ذنبى بقى....أنا دفعت فلوس فيها و لاقيتها بتشاركنى فى الرحلة...أتجاهلها يعنى علشان أبقى مش مجنون من وجهة نظر الجماهير؟؟؟.....لأ.. أفضل أكون مجنون ميجو....هى تستحق....