عندي ملاحظة بجد بص علي أى حد معاة ميجان مش بتحس أنة شكلة بجد أبن ناس ممكن يكون تاثير الميجان مش عارف بس بجد بحس أن العربية مش بتلم أي حد عندو ميجان يقول أحساسو أي بلميجان وهل الميجان أحسن عربية ركبها فى حياتة
عرض للطباعة
عندي ملاحظة بجد بص علي أى حد معاة ميجان مش بتحس أنة شكلة بجد أبن ناس ممكن يكون تاثير الميجان مش عارف بس بجد بحس أن العربية مش بتلم أي حد عندو ميجان يقول أحساسو أي بلميجان وهل الميجان أحسن عربية ركبها فى حياتة
إيه الكلام الجامد دا ؟
شوف الموضوع دا :
ســـر حب مالكى الميــــجان لهـذه السيــارة (ســــر حــب مالكـــــي الميجـــــان لهذة السيـــــارة)
على فكرة الموضوع ده من رأى صحيح 100%
و كمان على الكليو مش علشان انا راكبها و الله ابدا ما انا عندى 128 و قعدت بيها 4 سنين
لكن لو واحد معاه 40 ألف اول حاجة هيفكر فيها ايه ؟
.....
.....
.....
كليو
فى العادى لكن مش اى حد يشترى الكليو ... و اللى يجرب ميندمش :biggrin2:
و برضو الكلام على الميجان احسن اضرب و لا حاجة دول كتير اوى يا عم :khd:
عيبك بس أنك زملكاوي
هتنزل المره ديه بس ... بـــــــــــس
علشان خاطر المنتخب :biggrin2:
إحم إحم
طب و السينيك بتاعة ولاد ايه؟ :)
و الله الملاحظه دي في محلها أنا عمري ماشفت حد ........ راكب ميجان و كمان تلاحظ إنهم زوق في السواقة يعني أنا لو بعدي الشارع دايما لأول حد يهدي عشان يعديني بلاقيه ميجان أو 307 أو بولو
بس عمر ماحد بلانسر عداني ولا هيونداي تلاقيه أول ماشافك داس بنزين
والله ملاحظة هامة جدا مع اني شوفت واحد صعيدي بعمه وجلابيه وشكله مبهدل راكب ميجان استغربت جدا لاني ماشوفتش الموضوع ده قبل كده
على فكره لم اقصد اي اساءة للصعايده على راسي
دة الكبير يا ولد
للأسف
بجد هنا في مصر لو بصينا بالمنطق دا ... كل العربيات هيبتها هتضيع لأن بجد في نوعيات سيئة جداً راكبة عربيات حلوة جداً و العكس.. عادي يعني
لكن في الآخر البني آدم هو اللي بيعمل العربية مش هي اللي بتعمله
بس و الله كلام في محله .. مش عشان معايا ميجان لأ .. حقول أمثلة تاني في نفس الفئات
( مش تعميم طبعا )
نسبة تجار الخضار أو ال Noveaux Riche اللي معاهم مرسيدس إي كلاس أكتر من اللي معاهم بي إم الفئة الخامسة
نسبة ذوي التعليم الأجنبي أو اللي كانو عيشين بره في الفولفو أعلي من غيرها
حاجة زي كده
على فكرة مش مشكلة anciens et nouveaux
هي مشكلة شبع
انا مستوايا المادي ما اتحسنش الا بعد ما اتخرجت و اشتغلت بسنين
و فرق كتير عن المستوى اللي كنت أهلي معيشينني فيه
يعني حرفيا ممكن تقول عليا nouveaux riche
بس عمليا مش باتصرف تصرفات زي دي
عشان هي في الاخر تربية و شبع .... فيه ناس كتير عايشة بملاليم بس مربية عيالها صح و عيالها شبعانين
و فيه ناس كتير الفلوس عندهم زي حبات الرمل بس مفيش تربية و لا حاجة ..... و دول هما اللي فعلا يستاهلوا يتقال عليهم nouveaux riche حتى لو هما اغنيا من ايام الخديوي !
إيه ده يا أخواتى..المنتدى الثقافى ...
واحد بينقط حكم و التانى بيعبر عن آراءه بالفرنسية
و أصلا الموضوع طالع عن ولاد الناس و الميجان
جميل...بس اسمحوا لى....بالراحة...لأحسن لو أى كلمة اتفهمت بمعنى آخر غلط عن المقصود يبقى ممكن فيها غلط فى حد...
ربنا يخليكوا بحرص شديد...مش عايزين نزعل حد مننا
حبة ألمانى بقى يا كيمو نغلس بيها على عصابة الأوبل و الفولكس :Ob_mak1[1]:...و ممكن تأخد مصطفى فاروق كمثال لو حبيت
مصطفى فاروق
بقى له مدة مش ظاهر
علشان احنا بقى لنا كتير مش بنعمل مقابلة كبيرة من بتوع الرحاب
فين من ساعة إفطار رمضان
ثقافه السيارات الاوروبى عامه مختلفه مش ميجان بس
عشان ديه ثقافه ناس اختارت اختيار مختلف
انك يبقى معاك سياره و تروح تدفع عليها فلوس كتير شويتين و تاخد خدمه كويسه
اللى بيشترى الكورى او يابانى مش بيفكر كده
بيفكر انه اشترى عربيه و هيدفع بعد كده ملاليم فى التصليح عند عم بليه و التوكيلات مش مهتميه بيه اصلا و لا شايفاه
يعنى فيه فرق من واحد بيدور على 20 مكان عشان يصلح العربيه لغايه مايلاقى حد رخيص
وفيه فرق واحد يروح لحد من الاول عشان يصلح و هو عارف انه هيدفع كتير بس هياخد خدمه و راحه بال و عدم قلق
فنوع الفكر مختلف فى الشخصيتين
علي فكره و الله انت جبت اللي في دماغي انا لمل جبت الكليو جبتها علشان كده مش اي حد راكبها
بقية العربيات من اكبر مشاكلها مكاتب التاجير سوات جمهورها جدا جدا يعني تلاقي الالنترا و الاوبترا و الميتسوبيشي كتير في مكاتب العربيات للتاجير فده ساعات بيخلي جمهورها يلم بس طبعا مش معني كده ان كل جمهورها سىء ل طبيعا بس العربية اللي مش بتتاجر بتفضل محافظه علي هيبتها
لو الزمن رجع بيك هتجيب ميجان؟
حاجة واحدة تخلّيني أراجع نفسي
هواة الخرائط المساحية
بالضبط
و إللي غاوي يخربش بأي حاجة ، و إللي لابس جينز مليان زراير في كل حته و ينطّع بركنته
انا كمان كتير جدا لازم يجيلى الاحساس دا
Please dont forget the Audi owner they are very classyyyyyy
هو قائدها بيسوقها على مهلة عشان ميجرحهاش ويكع ,
واللى بيركبها لازم يكون مقتدر ماديا على التامين والصيانة الدورية ونسبة التعرض ,,, الخ وهذا هو التفسير المنطقى
مش دايما اللى بيشترى عربية اوروبى بياخد خدمة كويسة حتى لو دفع دم قلبه، ومش دايما اللى شارى عربية اوروبى التوكيلات شايفاه وعاملاه ملك متوج، وتلات تربع الماركات الأوروبى اللى بتتباع فى مصر اصحابها بيعرفوا سكة الحرفيين من اول 10 آلاف كيلومتر، وتوكيلات فيات وبيجو وفولكس تشهد بذلك، ربما ان لدينا استثناءات مع توكيل سكودا اللى مش وحش وتوكيل رينو ومرسيدس وبى ام دبيلو المحترمين، لكن توكيلات مثل فيات او بيجو او فولكس فاجن مينفعش تتقارن اصلا بتوكيل هيونداى اللى كل الناس بتقول عنه انه اقل مستوى خدمة فى توكيلات الكورى واليابانى، ناهيك عن توكيلات متميزة مثل كيا ونيسان وتويوتا وميتسوبيشى وجنرال موتورز(التى لا تبيع فى مصر حاليا سوى سيارات كورية"دايو-شيفروليه" ويابانية"ايسوزو-شيفروليه")
وبالتالى اعقتد ان قاعدة ان السيارة الأوروبية على عمومها هى سيارة البهوات اللى ميفرقش معاهم الفلوس فى مقابل خدمة جيدة والسيارة الكورية واليابانية هى سيارة الغلابة اللى عايزين يصلحوا بملاليم وميعرفوش سكة التوكيل هى قاعدة لا يصلح تطبيقها لأن استثاناءاتها اكثر من تطبيقاتها
أتفق مع حضرتك....غير فى نقطة " توكيل سكود مش وحش "
توكيل سكودا لو قعدت أحكى عن كم الوحاشة...ممكن نخصص لهم قسم فى المنتدى...
أنا اتعاملت معاهم كزبون و كمورد....سيئين لأقصى درجة
لم أقابل هناك شخصية تحترم فعلا غير واحد بس..أقدره بالفعل..و بصراحة مش عارف هو ليه بيشتغل مع الناس دى..مع إن الراجل له سمعة ممتازة فى الوسط...
و بمناسبة bmw ...أنا دخلت قريب فرع القطامية الكبير...بجد...eim أحسن...مش تحيز و الله....بس على الأقل مش محتاج أغسل العربية بعد ما أطلع من عندهم زى فى البافارية...و لما بأسأل على قطعة غيار أو اكسسوار بيعرفوا هى عندهم و لا لأ من أول مرة...مش بيقعدوا يلفوا و يدوروا حوالين نفسهم
ومافيش منظر الكاوتش و الجنوط الكتيرة أوى دى فى كل حتة كأنى داخل محل الرومانى إللى فى ميدان السواح...
بالفعل...توكيلات مرسيدس أحسن و أكثر تنظيما من البافارية و يمكن دعم التوكيل لمنتجه هو إللى مخلى واقع الحال إن المرسيدس مش بتخسر فى إعادة البيع زى ال bmw ...بالرغم من انتشار ال bmw و تجميعها فى مصر و سعرها المنافس فى الزيرو