الموضوع: حاسس بحاجات غريبة في العربية !!

المشاركة الأصلية كتبت بواسطة SpiDerS

طيب ايه الطنابير وايه القباقيب
وانا العربية عندي المفروض ايه علشان انا مش عارف ؟
ولو عايز اغير للاحسن هتتكلف كام ؟

تعالي يا معلم ان شاء الله هحاول اشرحلك كل حاجه علشان تبقي فاهم مظبوط و بالصور كمان بس ابقي ادعيلي
اولا التعديل دا بيبقي في الفرامل الخلفيه بس و بتتحول من " قباقيب الي طنابير شبه اللي راكبه قدام و دا في العربيات ال 1600 بس علشان ال 2000 بتبقي نازله بالفرامل اللي ورا طنابير اصلا علشان قوه المتور فا بالتالي الشركه كان لازم تعدل في الفرامل علشان تقدر توقف المتور دا و دا منظر الفرامل العاديه اللي في ال 1600 " قباقيب "
http://up.mn66.com/download.php?img=95880
و بتبقي ضعيفه او بمعنب اصح مش في قوه فرامل ال 2000 سي سي فمعظم الناس اللي غاويه جري " زي كدا " بتعدل الفرامل علي امل انها تساعده شويه لو لاقدر الله اضطر يمسك فرامل جامد و دا منظر الفرامل بعد التعديل


http://up.mn66.com/download.php?img=95885
نيجي بقي للاسعار
انا معرفش الكلام دا جديد ممكن يكلفك كام بس انا جيبته استيراد و مفكوك من علي نص عربيه قدامي " و الناس مكنتش عارفه تفكه ازاي من كتر ما كان ماسك جامد و محكم التقفيل " و دا مهم جدا علشان دا اكبر دليل ان الطنابير دي متفكتش قبل كدا او انها مش متركبه علي النص هنا في مصر "
كان الطنابير بال تيلات بوحده ال ايه بي اس بالصرر بكوله كوله ب 300 جنيه من واحد حبيبي في الوكاله
جديد معرفش علشان كل حاجه من الكلام دا هتتباع لوحدها و ربنا يرحمك بقي من الاسعار
مصنعيه بي 100 جنيه بس بجد فرق ملحوظ في الفرامل و لما كنت مع طناني قالي ان الرجه بتاعت الفرامل مش بتبان قوي في فرامل ال 2000 زي ال 1600 و فعلا جربت بدل المره الف و الرجه بسيطه بس الفرامل قويه بس انت عارف الشيطان بقي بيقعد يوسوس للواحد ويخليك تفتكر ان ال ايه بي اس مش شغال !!

يارب اكون افدتك و انا تحت امرك في اي استفسار