الف شكر يا أ.محمد علي ردك..انت راجل محترم
ولو في حاجة تانية اكيد هاسالك
عرض للطباعة
الف شكر يا أ.محمد علي ردك..انت راجل محترم
ولو في حاجة تانية اكيد هاسالك
بصوا بقا يارجاله فى ناس هنا طبعا عارفه المعلم مرسى
مرسى ده يبقا 128 بتاعتى للناس اللى مش عارفاه
المهم انا موطى العربيه وفى الفتره الاخيره فوجئت لما حد يركب ورا العجله الشمال بتحك
تعالوا بقا نشوف التشخيص والفهلوه بتاعت الصنايعيه طبعا نظام العفشه الخلفيه زيها زى 127 والريتمو والريجاتا وهو عباره عن مقص ومساعد لكل جانب وسوسته بالعرض متعلقه بمسامير وحزام فى الشاسيه ومثبته فى اسفل المقصين وبالتالى لما نزود تخانه السوسته دى اللى مصنعه من قبل الشركه بورقتين ونضيف ليها ورقه تالته تلاقى العربيه فعلا عليت لكن العجل اتسحب من تحت لجوه وفعلا ده بيشكل خطوره لان العربيه بتفقد توازنها وثباتها وتعوم بالاضافه انها بتكون ناشفه لان المساعدين بيفقدوا وظيفتهم ومش بيشتغلوا الا لما يكون فى حموله زايده
لكن فى حاله ان العربيه على طبيعتها والسوسته بورقتين فقط بيكون العجل مظبوط والعربيه مستويه والعفشه الخلفيه طريه لان الحمل متوزع على السوسته وعلى المساعدين
1- بتاع الزايا
الراجل ده بصراحه دكتور فعلا وعربيتى اللانسر مابتخرجش بره ورشته فى اى حاجه تخص العفشه والزوايا والترصيص بصراحه فعلا دكتور بس فى العربيات الحديثه فقط
لما جه يشخص حاله المعلم مرسى جابلى من الاخر وقالى ان الشاسيه عندك معوج فالسوسته معوجه فالعجله مرحله
ههههههههههههههههههههههههه ه ما علينا خليك فى توتى يادكتور (اللى هى اللانسر)
2-السمكرى
باردو استاذ وراجل بيفهم جدا وطبعا استحاله يخسرنى لانه عارف انى اعرف بدل السمكريه 10 وماصدق انى اتعاملت معاه فاهو مقتنع انى مكسب ليه المهم انا قولتله على المشكله وقولتله الحل اللى عندى واللى هو انه يوسع الداير بتاع الرفرف شويه ونسيب العربيه على وضعها
قالى لا يامحمد بيه العربيه دى سوستتها الخلفيه مايله فهى اللى مرحله العجل فالحل انك تغير السوسته ونعمل زرجينه للعجله
باردوا انا مقتنعتش
المهم نيجى بقا للعفشجى
العفشجى اللى باتعامل معاه ساب كل حاجه فى الدنيا وطمع فى التناكه ياعنى لو انت بتشتكى من قله تناكه اعرف انها عند احمد العفشجى فبطلت اتعامل معاه من بعد وفاة والدى لان والدى كان بيحبه جدا وهو كمان بيحب يتعامل معاه ومع اولاد عمتى ومع اصحابى انما انا لا ليه بقا علشان كنت بابعتله سواق واكلمه فى التليفون فحاسس انى باتعالا عليه استغفر الله
فى واحد ابن حلال دلنى على عفشجى وقالى اضمنه برقبتى فبناءا عليه قررت انى اعمل زياره للراجل ده وبالفعل روحتله ورفع العربيه وبعد الكشف قالى هانعلى العربيه
قولتله انسى
العربيه انا عاوزها على الوضع ده ولو عاوز توطى تانى معنديش مشكله بس العجله متحكش
قالى انت باين عليك عنيد وبتحب تجرى بالعربيه
قولتله وانا بابتسم كده وانت شاكلك مش هاتعمل اللى انا عاوزه
قالى خلاص بينى وبينك العربيه
قولتله طيب اطلبلى قهوه وشوف اللى انت عاوزه
الراجل بصراحه فك المقصات وطلب منى جلب
اشتريت 8 جلب للمقصين الخلفيين = 60ج
على مارجعت لقيته غاسل المقصات بالجاز ومروق المسامير والدنيا وكبس الجلب وركبهم
تانى حاجه عملى زرجينه للعجله بالظبط 1سم وركب الكاوتش ونزل العربيه وركب 4 فوق العربيه لقيت الدنيا زى الفل والعربيه ولا بتحك ولا الهوى
ياعنى المشكله كلها كانت فى 1سم
مش فى سوسته ولا فى شاسيه ولا نيله
واخد 50ج مصنعيه وانا بكل رضا بصراحه
اللى اكتشفته بقا وانا ماشى لقيت العربيه فعلا فرقت جامد جدا خصوصا فى المطبات بسبب الجلب
__________________________________________________ _____
اللى محتاجه منكوا بقا هو رايكوا فى العربيه لانى هابداء مرحله التظبيط فيها
اول حاجه محتاج اعرفه الالوان لانى عاوز اعمل لونين او لون واحد او اسيبها بنفس اللون واللى يقولى على لون ياريت يقولى على لونيين للصالون ولازم لونين
ودى صوره المعلم مرسى للماشفهوش
على فكره انا رافض تمام فكرت تعديل العربيه من حيث الموديل ياعنى هى هى بنفس الفوانيس
يسعدنى أكون أول واحد يرد عليك:Oc_sun1[1]:
ويا باشا ألف مبروك ليك وللمعلم مرسى:10D5C8~1107:
بس الله يكرمك تقولى فين العفشجى دة ؟؟؟؟
عشان عندى نفسي المشكلة
أما بخصوص تظبيط المعلم مرسى اللون المنجاوى الميتالك أيه رأيك فيه ؟؟؟
ومن جوه الطابلوة والفرش كلة جلد لونه طوبى هتلاقى الدنيا بقت تمام وربنا يوفقك ياباشا
يسعدنى أكون أول واحد يرد عليك:Oc_sun1[1]:
ويا باشا ألف مبروك ليك وللمعلم مرسى:10D5C8~1107:
بس الله يكرمك تقولى فين العفشجى دة ؟؟؟؟
عشان عندى نفسي المشكلة
أما بخصوص تظبيط المعلم مرسى اللون المنجاوى الميتالك أيه رأيك فيه ؟؟؟
ومن جوه الطابلوة والفرش كلة جلد لونه طوبى هتلاقى الدنيا بقت تمام وربنا يوفقك ياباشا
الله يبارك فيك ياباشا
العفشجى ده فى شارع المحطه فى الجيزه ورا مكتبه سوزان ورشه صغيره
انت قصدك اصفر مانجاوى ؟
اللون ده كده ؟ ولا اللون ده ؟
بالنسبه للصالون انا فعلا نفسى اعمله توبى بس متوقفه على اللون الخارجى
بص لون العربية اللى أنت حاططها دى
اولا انا نفسى فعلا الاقى عفشجى محترم ونضييييييييف فى شغله ويطلب المصنعيه الى عاوزها بس الاقى قصادها شغل ومش كل يوم والتانى اروحله انا قاطعت 2 عفشجه بسبب ال 128 كل حاجه يقولك شاسيه وزرجينه او يغسل بالجاز والاصوات تروح وترجع تانى ومفيش حاجه حصلت
ثانيا بقى يا معلم ندخل على التعديل
الون حتخليه زى مهو بس حتعمله ميتاليك
لازم تغير فى الشكل العام للعربيه وخد عندك
http://www2.0zz0.com/2010/01/27/23/458978930.jpg
http://www2.0zz0.com/2010/01/28/00/849993776.jpg
http://www2.0zz0.com/2010/01/28/00/741373316.jpg
طبعا مش لازم الكساحه تبقى واطيه كده عشان المطبات
وحتعمل شبك نيكل فى الحته السوده بتاعه
الشبكه
نيجى للفرش من جوه خد عندك
http://www2.0zz0.com/2010/01/28/00/335099584.jpg
بس تفتكر الفرش بتاع الابواب ده حتلاقيه بيتباع يا معلم
والكراسى دى ياريت تعملها او تعمل زى كراسى العربيه البيضاء الى انت بعتها كراسى اكسيل
http://www2.0zz0.com/2010/01/27/23/226611264.jpg
ها ايه الكلام لحد دلوقت
وحتعمل اسبويلر حلو كده على الشنطه
ها ايه الكلام كده