حلو الكلام وخصوصا ان العربيه عاده مش معدله بالنسبه للصالون هاعدله كله تابلوه وكراسى وفرش ابواب وارضيه وسقف
وماظنش موضوع الاسبويلر علشان لو اتكسر هاضطر انى ارش الشنطه
عرض للطباعة
حلو الكلام وخصوصا ان العربيه عاده مش معدله بالنسبه للصالون هاعدله كله تابلوه وكراسى وفرش ابواب وارضيه وسقف
وماظنش موضوع الاسبويلر علشان لو اتكسر هاضطر انى ارش الشنطه
ليه هو الاسبويلر بيبهدل العربيه كده
وانا جايبلك صور العاده بس عشان انت بتقول مش عاوز تغير عندى حاجات معدل لو عاوز تشوف
لا مش موضوع بيبهدل انما عندنا فى القاهره بنعمل حساب الشباب اللى بيقعدوا على الشنطه ولا انت عاوزهم ياعنى يقعدوا على الرصيف ؟
ههههههه عندك حق انا مره لاقيت واحد قاعد ومربع رجله وجايب كبايه شاى وسنداوتش وعايش حياته كأنه قاعد على الكنبه فى بيتهم
ولما فتحت باب العربيه مكانش عاجبه انى ببصله وعاوزه ينزل
بجاحه بالكيلو
[QUOTE=mohamedezat;3872345160]بصوا بقا يارجاله فى ناس هنا طبعا عارفه المعلم مرسى
مرسى ده يبقا 128 بتاعتى للناس اللى مش عارفاه
المهم انا موطى العربيه وفى الفتره الاخيره فوجئت لما حد يركب ورا العجله الشمال بتحك
نفس إللي كان في عربيتك كان في عربيتي الـ 128 (عليها رحمة الله) لأني خلاص بعتها من حوالي 5 شهور بعد عذاب وافتكاسات من الصنايعية والعشجية والزوايا والسمكرية لحد ما طلع عين إللي خلفوني
بس الفرق بين حضرتك وبيني : أنك صبور وبالك طويل وبتصبر على العربية لما تكون فيها مشكلة حتى تعرف المشكلة (ودي صفة كويسة جداً في حضرتك)
الفرق الثاني أن أنا كان عندي العجلة الأمامية يمين والعجلة الخلفية شمال تحك لحد ما أرفتني، وإللي قدام هي إللي كانت مصيبة مرحلة لورا حوالي 2.5سم بالإضافة إنها مفتوحة ومش على زاوية واحدة مع العجلة الشمال، فرحت لبتاع زوايا يشوف إيه المشكلة قال العجلة دي عايزة زرجينة علشان تترد فعملت الزرجينة بس لم يتم ترحيلها بالقدر الكافي وتم ظبط الزوايا على كده، وطلعنا جربنا الثبات تمام لكن العجلة اليمين مفتوحة عن الشمال، (طيب وبعدين أعمل إيه؟؟؟) فقال لي هي العجلة دي هتفضل كدا وملهاش حل، طبعاً العربية كانت بتاكل كوتش أمامي، والغريبة أني في الملفات ماكنتش بأسمع صوت تصفير ولا حاجة فكنت مستغرف أكل الكواتش ده بيجي إزاي... فاتجهت لكذا واحد بتاع زوايا (حوالي 4 في مدة تقريباً 20 يوم) وكان كل واحد يديني رأي مختلف بعد ما يعمل عليا شغل حلو... لحد ما خلاص جبت أخرى وبعتها ومن يومها وأنا بأسب وألعن في كل العربيات الـ 128، بسبب ضعفها ومشاكلها.. وكان برده من أهم أسباب البيع أني ساكن في منطقة كلها مطبات كثيفة جداً
معلش طولت عليكم
أنا بأشكر حضرتك استاذ mohamedezat
لأن الموضوع إللي انت حكيته بالتفصيل يعتبر استفادة جامدة لناس كتير لأن المشكلة دي في أغلب عربيات الـ 128 موجودة
اهلا بيك يا عمرو باشا والله انا بينى وبين نفسى قررت انى احكى اى تجربه مريت بيها فى اعطال العربيات وده فعلا علشان القضاء على فهلوه الصنايعيه والافتكاسات اللى بيعملوها اما موضوع انى اكون صبور على العيب وده بصراحه لانها مش العربيه الاساسيه لكن لو كان الاعتماد الكلى عليها اكيد الوضع هايختلف وعينى مش هاتشوف حاجت كتير
شكرا لمشرف القسم لدمجه للموضوعين
اقتباس:
شكرا لمشرف القسم لدمجه للموضوعين
تصدق انه لولا الجمله دى كنت ححس ان مخى خلاص فوت وعاوز عمره