عربية 128 فوق ال60كيلو بتجنن

السلام عليكم ورحمة الله وبركاته
انا هقلكم على مشكلة غريبة عندى فى العربية
العربية 128 كان الزيت بينقص ولازم ازود زيت كل 15يوم
بس كانت شغالة تمام وبجرى بيها ومفيش سخونية
عملت نص عمرة (وش السلندر) والحمد لله مبقيتش تاكل زيت
ولكن بقيت تسخن فوق 80كيلو والميكانيكى اشتغل فيها كتير جداااا
ولكن بلا جدوى لغاية ما قلى ده اخرها
فرحت لميكانيكى تانى قالى العربية فيها جوان هو ده اللى بيسخنها
فغيره وكانت النتيجة ان العربية بقيت تسخن لو عديت 60 ك
ولكن الغريب ان العربية لو سوقت على 50 مثلا مفيش سخونية خالص
ملحوظة غيرت الرياديتر وطلمبة المية

ايه الحل ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟

تبيع العربيه (بهزر طبعا ) متابع باهتمام

جربت تغير الثيرموستات جرب كدة وقولى لان مدام بتمسك حرارة وانت مغير الريداتير يبقى فى مشكلة فى دايرة التبيريد

اولا اتاكد ان الجوان اتعمل كويس افتح قربة الميه او الرادياتير وبص علي المياه وخلي حد يزود بنزين لو الميا فارت او عملت فقاقيع معني كدة ان الجوام مش معمول كويس

اقتباس:

---

المشاركة الأصلية كتبت بواسطة caysersosaih

اولا اتاكد ان الجوان اتعمل كويس افتح قربة الميه او الرادياتير وبص علي المياه وخلي حد يزود بنزين لو الميا فارت او عملت فقاقيع معني كدة ان الجوام مش معمول كويس

---

تماااام

وبعد كدة إتأكد من ان الثيرموستات شغالة وإن المروحة بتشتغل وكمان من انها بتلف في الإتجاه المزبوط وإتأكد إن الكهرباء مش عالية

لو مافيش اي حاجة من دي يبقى هتخلي الميكانيكي يراجع على التقسيمة

أتاكد إن المروحة شغالة تمام وأن ععد لفتها مضبوطة مش بطيئة

عزيزى / انا مع مراجعه تقسيمة السيارة وضبط التاكيهات عند متخصص يعمل فى 128 ويتاكد من ان الجوان ( جوان وش السلندر ) سليم مع ملاحظة انه ينبغة ان لا تحمل هذا المحرك سرعات او احمال اكثر من اللازم بعد تغير وش السلندر لانك عمرة المحرك فى الجزء العلوى تاركا باقى المحرك وشكرا

باشا وش السلندر عايز يتخرط و الدليل انك قبل متغير الجوان كانت ب تيخن علي 80 يعني كان مطبع مع الوش و بعد كده لما اتغير بقت تسخن علي 60...شوف كده و طمني و ان شاء الله بسيطه