الموضوع: مفيش مواتير رياضيه فى تويوتا

هو فيه بس معظمها مخصص لدول امريكا واوروبا واظن انه هما بيهتموا بالعربيات الصحراوية اكتر زي اللاند كروزر وكده
تويوتا فينزا بس دي معدلة

وفي كمان دي اول مرة اشوفها

تويوتا كانت بتصنع عربيات رياضيه ناجحه جدا لحد التسعينات , وبعدين الشركه دخلت فى دوامه الوصول للقب الصانع الاول فى العالم وده يتنافى تماما مع سياسه العربيات الرياضيه الغاليه فتراجعت عن خططها طول الفتره اللى فاتت فى المجال ده

من جديد رجعت من كام سنه بعربيات رياضيه تحت شعار ليكزس ابرزها ال Lexus IS-F , ودلوقتى قررت ترجع تانى بمشروعين اولهم بديل جديد للسوبرا وهيبقى اسمها FT-86ودى تعاون مشترك بين تويوتا وسوبارو

والتانى مشروع منافس لنيسان GT-R وهتبقى تحت اسم ليكزس LF-Aوحتى الان كل التقارير عنها بتقول انها احتمال كبير تعدى ال GT-R بمراحل

شكرا على لمعلومات دى
بس سؤالى مثلا كورولا مو 94 او 99 ممكن يتسقطلهم مواتير ايه ؟؟

المشاركة الأصلية كتبت بواسطة speed4speed

شكرا على لمعلومات دى
بس سؤالى مثلا كورولا مو 94 او 99 ممكن يتسقطلهم مواتير ايه ؟؟

موديل 94 ليها فى السوق اليابانى موتور 1600 سوبر تشارجر بقوه 168 حصان , بس طبعا علشان العربيه مش مغريه للتعديل بالنسبه للمصريين فمش هتلاقى حد بيستورد الموتور او حد سقطه قبل كدا بعكس العربيات المتسوبيشى او الهوندا اللى التعديل فيها اكتر فمواتيرها موجوده استيراد

دى صفحه فيها مواتير كتير بتاعت العربيه موديل من 92 ل 97

Toyota Corolla (E100) - Wikipedia, the free encyclopedia

امال التويوتا السيليكا تصنف علي انها ايه يا استاذ احمد نوح؟
bemo,ire

المشاركة الأصلية كتبت بواسطة bemocarlo

امال التويوتا السيليكا تصنف علي انها ايه يا استاذ احمد نوح؟
bemo,ire

هى تصنف Entry-level Sport coupe , وعلى جانب المنافسه السعريه العربيه كانت ناجحه جدا الا ان الاجيال الاخيره من سيلكا كانت غير مرضيه فى الاداء ومعظم منافسيها كانو اعلى منها فى الاداء بفرق كبير وعلشان كدا الشركه وقفت العربيه بمجرد ما انتهى عمر جيلها الاخير فى 2005

يعنى هى كانت كوبيه بمواتير رياضيه لكن كتصنيف منقدرش نحسبها على تويوتا كعربيه اداء

تمام يا ريس الله ينور عليك.
bemo,ire